ಮೈಗ್ರೇನ್ ಎಂಬ ತಲೆಶೂಲೆ…ಇದರ ಲಕ್ಷಣಗಳೇನು? ಮೈಗ್ರೇನ್ಗೆ ಇದೆ ಮನೆ ಮದ್ದು
ವೈದ್ಯರ ಭೇಟಿಯ ನಂತರವೇ ವೈದ್ಯರ ಸಲಹೆಯಂತೆ ನೋವು ನಿವಾರಕ ಗುಳಿಗೆಗಳನ್ನು ತೆಗೆದುಕೊಳ್ಳಿ.
Team Udayavani, Jan 30, 2023, 5:45 PM IST
ಇತ್ತೀಚಿನ ದಿನಗಳಲ್ಲಿ ಕೆಲಸದ ಒತ್ತಡದ ನಡುವೆ ಅನೇಕ ರೋಗಗಳು ಮನುಷ್ಯನನ್ನು ವ್ಯಾಪಿಸುತ್ತಿವೆ. ಅದರಲ್ಲೂ ಮನುಷ್ಯನಲ್ಲಿ ಸಾಮಾನ್ಯವಾಗಿ ಕಾಣುವ ರೋಗಗಳ ಪೈಕಿ ಮೈಗ್ರೇನ್ ಕೂಡ ಒಂದು. ಮೈಗ್ರೇನ್ ಅಂದರೆ ತಲೆನೋವಿನ ಮತ್ತೂಂದು ಭಾಗ. ತಲೆಯ ಮಧ್ಯ ಭಾಗದಲ್ಲಿ ನೋವಿದ್ದರೆ ಸಾಮಾನ್ಯ ತಲೆನೋವು ಎಂದರ್ಥ. ಆದರೆ, ಒಮ್ಮೊಮ್ಮೆ ತಲೆಯ ಎಡ, ಮತ್ತೂಮ್ಮೆ ತಲೆಯ ಬಲ ಭಾಗದಲ್ಲಿ ಆಗಾಗ ನೋವು ಕಾಣಿಸಿಕೊಂಡರೆ ಅದು ಮೈಗ್ರೇನ್ ತಲೆನೋವು ಎನ್ನಬಹುದು.
ಮೈಗ್ರೇನ್ ತಲೆನೋವು ಸಮಯದಲ್ಲಿ ಸಾಮಾನ್ಯವಾಗಿ ಕೆಲವರಿಗೆ ವಾಂತಿ ಬಂದಂತಹ ಅನುಭವವೂ ಆಗುವುದಿದೆ. ಕೆಲವರಿಗೆ ತಲೆಸುತ್ತು ಬರುವುದು, ನಿದ್ದೆ ಮರೀಚಿಕೆಯಾಗುವುದು, ಹೊಟ್ಟೆ ತೊಳೆಸುವಿಕೆ, ವಾಂತಿಯಾಗುವುದು ಇವೆಲ್ಲ ಲಕ್ಷಣಗಳು ಕಂಡುಬರುತ್ತವೆ. ಕೆಲವೊಂದು ಬಾರಿ ವಾಂತಿಯಾದ ಬಳಿಕ ತಲೆನೋವು ಕಡಿಮೆಯಾಗುತ್ತದೆ.
ಮೈಗ್ರೇನ್ ಕೆಲವರಿಗೆ ವಂಶಪಾರಂಪರ್ಯವಾಗಿಯೂ ಬರಬಹುದು. ಮೈಗ್ರೇನ್ ಬಂದರೆ ನೆಗಡಿಯಂತಹ ದೈಹಿಕ ಚಟುವಟಿಕೆಯಲ್ಲಿಯೂ ತಲೆನೋವು ಹೆಚ್ಚಿಸುತ್ತದೆ. ತಿಂಗಳಿಗೆ ಎರಡು ಬಾರಿ ಬಿಟ್ಟು ಬಿಟ್ಟು ತಲೆನೋವು ಬರುತ್ತಿದ್ದರೆ ಕೂಡಲೇ ವೈದ್ಯರನ್ನು ಭೇಟಿಯಾಗಿ. ವೈದ್ಯರ ಭೇಟಿಯ ನಂತರವೇ ವೈದ್ಯರ ಸಲಹೆಯಂತೆ ನೋವು ನಿವಾರಕ ಗುಳಿಗೆಗಳನ್ನು ತೆಗೆದುಕೊಳ್ಳಿ.
ಮೈಗ್ರೇನ್ಗೆ ಇದೆ ಮನೆ ಮದ್ದು
ಸಾಮಾನ್ಯ ಕಾಯಿಲೆಗೆ ಆ್ಯಂಟಿಬಯೋಟಿಕ್ ಔಷಧ ಸೇವನೆ ಮಾಡುವ ಮುನ್ನ ಮನೆ ಮದ್ದು ಸೇವಿಸುವುದು ಉತ್ತಮ. ಮೈಗ್ರೇನ್ ಕಾಯಿಲೆ ಇರುವ ಮಂದಿ ಒಂದು ಚಮಚ ಧನಿಯಾ ಪುಡಿಯನ್ನು ಒಂದು ಲೋಟ ನೀರಲ್ಲಿ ರಾತ್ರಿ ನೆನೆಸಿ ಬೆಳಗ್ಗೆ ಖಾಲಿ ಹೊಟ್ಟೆಯಲ್ಲಿ ಸೇವಿಸಿದರೆ ಮೈಗ್ರೇನ್ ನಿವಾರಣೆಯಾಗಬಹುದು. ಕೆಲವರಿಗೆ ಕಫ ಹೆಚ್ಚಾದಾಗ ಮೈಗ್ರೇನ್ ಆರಂಭವಾಗುತ್ತದೆ. ಈ ವೇಳೆ ಕಾಲು ಚಮಚ ಲವಂಗ ಎಣ್ಣೆಗೆ ಒಂದು ಚಮಚ ಏಲಕ್ಕಿ ಎಣ್ಣೆ ಬೆರೆಸಿ ಹಣೆಗೆ ಹಚ್ಚಿ ಮಸಾಜ್ ಮಾಡಬಹುದಾಗಿದೆ.
ಶುಂಠಿಯ ಬಳಕೆಯಿಂದ ತ್ವರಿತವಾಗಿ ಮೈಗ್ರೇನ್ ತಲೆನೋವಿಗೆ ಪರಿಹಾರ ಕಾಣಬಹುದಾಗಿದೆ. ಶುಂಠಿಯು ತಲೆಯಲ್ಲಿರುವ ರಕ್ತನಾಳಗಳ ಉರಿಯೂತವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಇದರಿಂದ ನೋವು ನಿವಾರಣೆಯಾಗುತ್ತದೆ. ಹಾಗೆಯೇ ಜೀರ್ಣಕ್ರಿಯೆಯನ್ನು ಉತ್ತೇಜಿಸುವುದರಿಂದ, ಮೈಗ್ರೇನ್ ಸಮಯದಲ್ಲಿ ಉಂಟಾಗುವ ವಾಕರಿಕೆ ಸಮಸ್ಯೆ ದೂರವಾಗುತ್ತದೆ. ದಾಲಿcನ್ನಿ ತುಂಡುಗಳನ್ನು ಪುಡಿ ಮಾಡಿ. ಅದಕ್ಕೆ ಸ್ವಲ್ಪ ನೀರು ಸೇರಿಸಿ ಗಟ್ಟಿಯಾದ ಪೇಸ್ಟ್ ಮಾಡಿ. ಇದನ್ನು ನಿಮ್ಮ ಹಣೆಯ ಮೇಲೆ ಹಚ್ಚಿ 30 ನಿಮಿಷಗಳ ಕಾಲ ಮಲಗಿಕೊಳ್ಳಿ. ಅನಂತರ ಅದನ್ನು ಉಗುರು ಬೆಚ್ಚಗಿನ ನೀರಿನಿಂದ ತೊಳೆಯಿರಿ. ಇದರಿಂದ ಮೈಗ್ರೇನ್ ತಲೆನೋವು ಕಡಿಮೆಯಾಗುತ್ತದೆ. ನಿಮ್ಮ ತಲೆ ಮತ್ತು ಕುತ್ತಿಗೆಯ ಕೆಲವು ಸರಳ ವ್ಯಾಯಾಮಗಳಿಂದ ಸಹ ತಲೆನೋವಿನ ತೀವ್ರತೆಯನ್ನು ಕಡಿಮೆ ಮಾಡಬಹುದು. ಆದರೆ, ವ್ಯಾಯಾಮ ಮಾಡುವ ಮುನ್ನ ಯೋಗ ಶಿಕ್ಷಕರನ್ನು ಭೇಟಿಯಾಗಿ.
ವೈದ್ಯರ ಸಲಹೆ ಅಗತ್ಯ
ಇತ್ತೀಚಿನ ದಿನಗಳಲ್ಲಿ ತಲೆ ನೋವು ಸಾಮಾನ್ಯ. ಹಾಗಂತ ತಲೆನೋವು ನಿರ್ಲಕ್ಷಿಸಬಾರದು. ಕೆಲವೊಬ್ಬರಿಗೆ ವಂಶಪಾರಂಪರ್ಯವಾಗಿ ಮೈಗ್ರೇನ್ ತಲೆನೋವು ಬರಬಹುದು. ಯಾವುದೇ ಗುಳಿಗೆಗಳನ್ನು ವೈದ್ಯರ ಸಲಹೆ ಇಲ್ಲದೆ ಸೇವಿಸಬೇಡಿ.
– ಡಾ| ಹರಿಪ್ರಸಾದ್, ವೈದ್ಯರು
– ನವೀನ್ ಭಟ್, ಇಳಂತಿಲ
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
ವಸಂತ ಕಾಲ ಬಂದಾಗ…ತಾಪಮಾನ ಏರಿಕೆ- ಭಾರತದಲ್ಲಿ ವಸಂತ ಋತು ಕಣ್ಮರೆ!
Jammu Kashmir: ಗುಲ್ ಮಾರ್ಗ್, ಆದಿ ಶಂಕರಾಚಾರ್ಯ ಪೀಠ..ನೋಡಲೇಬೇಕಾದ ಸ್ಥಳಗಳು ಹಲವು…
ಬರದ ಬಿಕ್ಕಟ್ಟು:ತಂತ್ರಜ್ಞಾನ ನಗರಿ ಬೆಂಗಳೂರನ್ನು ದಿವಾಳಿಯಂಚಿಗೆ ತಳ್ಳುವುದೇ ನೀರಿನ ಸಮಸ್ಯೆ?
Desi Swara: ಇಟಲಿಯಲ್ಲಿ ಶ್ರೀರಾಮನಾಮ ಸತ್ಸಂಗ, ಆರಾಧನೆ
Jammu-Kashmir ಅಂದು-ಇಂದು: ಕಾಶ್ಮೀರಿ ಜನರ ಮನಸ್ಥಿತಿ ಈಗ ಹೇಗಿದೆ ಗೊತ್ತಾ?
MUST WATCH
ಹೊಸ ಸೇರ್ಪಡೆ
Panaji; ಹೊಸ ದಾಖಲೆ ನಿರ್ಮಿಸಿದ ಗೋವಾ ಮುಖ್ಯಮಂತ್ರಿ ಪ್ರಮೋದ್ ಸಾವಂತ್
ರಾಷ್ಟ್ರೀಯ ನಾಟ್ಯೋತ್ಸವ; ದೇಶವೇ ಕೆರೆಮನೆಯತ್ತ ನೋಡುವಂತಾಗಿದ್ದು ಸಾಧನೆ
Thirthahalli ಅಂಗನವಾಡಿ ಮಿಲೆಟ್ ಲಡ್ಡು ಮಿಶ್ರಣದಲ್ಲಿ ಹುಳು ಪ್ರತ್ಯಕ್ಷ !
CCTV: ಬೆಳಗಾವಿಯಲ್ಲಿ ಹುಲಿ ಓಡಾಟದ ವಿಡಿಯೋ ವೈರಲ್… ಸುಳ್ಳು ಸುದ್ದಿ ಎಂದ ಅರಣ್ಯ ಇಲಾಖೆ
ಬ್ಯಾಡಗಿ: ಮೆಣಸಿನಕಾಯಿ ವಹಿವಾಟು ಸುಗಮ; ಪೊಲೀಸ್ ಭದ್ರತೆ