Dater Drone ಖರೀದಿಗೆ ರಕ್ಷಣಾ ಖರೀದಿ ಮಂಡಳಿ ಸಮ್ಮತಿ

Team Udayavani, Jun 16, 2023, 7:53 AM IST

ನವದೆಹಲಿ: ಅಮೆರಿಕದಿಂದ ಎಂಕ್ಯೂ-9ಬಿ ಪ್ರಿಡೇಟರ್‌ ಡ್ರೋನ್‌ಗಳನ್ನು ಖರೀದಿಸುವ ಬಗ್ಗೆ ರಕ್ಷಣಾ ಸಚಿವ ರಾಜನಾಥ್‌ ಸಿಂಗ್‌ ಅಧ್ಯಕ್ಷತೆಯ ರಕ್ಷಣಾ ಖರೀದಿ ಮಂಡಳಿ ಗುರುವಾರ ತೀರ್ಮಾನ ಕೈಗೊಂಡಿದೆ. ಚೀನಾ ಜತೆಗೆ ಯಾವತ್ತೂ ಗಡಿ ತಂಟೆ ಸಮಸ್ಯೆ ಎದುರಿಸುವ ಭಾರತಕ್ಕೆ ಈ ಡ್ರೋನ್‌ಗಳಿಂದ ತಾಂತ್ರಿಕವಾಗಿ ಹೆಚ್ಚಿನ ರೀತಿಯ ನೆರವಾಗಲಿದೆ.

ಜೂ.21ರಿಂದ ಪ್ರಧಾನಿ ನರೇಂದ್ರ ಮೋದಿ ಅಮೆರಿಕ ಪ್ರವಾಸ ಕೈಗೊಳ್ಳಲಿರುವಂತೆಯೇ ಈ ನಿರ್ಧಾರ ಕೈಗೊಳ್ಳಲಾಗಿದೆ. ಪ್ರವಾಸದ ವೇಳೆ 3 ಬಿಲಿಯನ್‌ ಅಮೆರಿಕನ್‌ ಡಾಲರ್‌ ಮೌಲ್ಯದ ರಕ್ಷಣಾ ಒಪ್ಪಂದದಲ್ಲಿ ಅದನ್ನೂ ಸೇರ್ಪಡೆಗೊಳಿಸಲಾಗುತ್ತದೆ. ಅವುಗಳನ್ನು ಭೂಸೇನೆ, ಐಎಎಫ್, ಭಾರತೀಯ ನೌಕಾಪಡೆಗೆ ಬಳಕೆ ಮಾಡಲಾಗುತ್ತದೆ. ಒಟ್ಟು 35 ಗಂಟೆಗಳ ಕಾಲ ಹಾರಾಟ ನಡೆಸುವ ಸಾಮರ್ಥ್ಯ ಹೊಂದಿರುವ ಅವು, ನಾಲ್ಕು ಹೆಲ್‌ಫೈರ್‌ ಕ್ಷಿಪಣಿಗಳನ್ನು, 450 ಕೆಜಿ ತೂಕ ಬಾಂಬ್‌ಗಳನ್ನೂ ಹೊತ್ತಯ್ಯುವ ಸಾಮರ್ಥ್ಯ ಹೊಂದಿವೆ. ಅದು ಸ್ಕೈ ಗಾರ್ಡಿಯನ್‌ ಮತ್ತು ಸಿ ಗಾರ್ಡಿಯನ್‌ ಎಂಬ ಆವೃತ್ತಿಗಳನ್ನು ಹೊಂದಿದೆ.