ಮಗುವನ್ನು ದತ್ತು ನೀಡಲು ನಿರಾಕರಿಸಿದ ಪತ್ನಿಗೆ ಕಿರುಕುಳ: ಪತಿ ಸೇರಿ 6 ಮಂದಿಯ ವಿರುದ್ಧ FIR
Team Udayavani, Feb 17, 2021, 6:46 PM IST
ಥಾಣೆ: ಸಂಬಂಧಿಯೊಬ್ಬರಿಗೆ ತನ್ನ 5 ವರ್ಷದ ಮಗನನ್ನು ದತ್ತು ಕೊಡಲು ನಿರಾಕರಿಸಿದ ಮಹಿಳೆಗೆ ಕಿರುಕುಳ ನೀಡಿದ ಪ್ರಕರಣ ಸಂಬಂಧ ಆಕೆಯ ಪತಿ ಹಾಗೂ ಕುಟುಂಬದ ಐವರು ಸದಸ್ಯರ ವಿರುದ್ಧ ಪೊಲೀಸರು ಎಫ್ಐಆರ್ ದಾಖಲಿಸಿದ್ದಾರೆ.
26 ವರ್ಷದ ಮಹಿಳೆಗೆ 2015ರಲ್ಲಿ ವಿವಾಹವಾಗಿದ್ದು, 2016ರಲ್ಲಿ ಗಂಡು ಮಗುವಿಗೆ ಜನ್ಮ ನೀಡಿದ್ದರು. ಆಕೆಯ ಪತಿಯ ಮನೆ ಥಾಣೆಯ ಭಿವಂಡಿಯಲ್ಲಿದೆ. ಮಗುವನ್ನು ಪತಿಯ ಸಹೋದರಿಗೆ ದತ್ತು ನೀಡುವಂತೆ ಪತಿಯ ಮನೆಯವರು ಮಹಿಳೆಗೆ ಒತ್ತಾಯಿಸತೊಡಗಿದ್ದರು. ಆದರೆ, ಆಕೆ ಮಗುವನ್ನು ನೀಡಲು ನಿರಾಕರಿಸಿದ್ದಾಳೆ. ಇದರಿಂದ ಕೋಪಗೊಂಡ ಪತಿ ಮತ್ತು ಅತ್ತೆ-ಮಾವ, ಆಕೆಗೆ ನಿರಂತರ ಕಿರುಕುಳ ನೀಡಿದ್ದಲ್ಲದೆ, ವಿಚ್ಛೇದನದ ಬೆದರಿಕೆಯನ್ನೂ ಹಾಕಿದ್ದಾರೆ.
ಈ ಹಿನ್ನೆಲೆಯಲ್ಲಿ ಮಹಿಳೆಯು ಪೊಲೀಸರಿಗೆ ದೂರು ನೀಡಿದ್ದು, ಪತಿ ಮತ್ತು ಆತನ ಕುಟುಂಬದ ಐವರ ವಿರುದ್ಧ ಎಫ್ಐಆರ್ ದಾಖಲಿಸಲಾಗಿದೆ.
ಇದನ್ನೂ ಓದಿ:ವಾಟ್ಸ್ಯಾಪ್ ನಲ್ಲಿ ಅತಿ ಶೀಘ್ರದಲ್ಲಿ ಬರಲಿದೆ “ಲಾಗ್ ಔಟ್” ಆಪ್ಶನ್..!