ಭಾರತ-ರಷ್ಯಾ ಬಾಂಧವ್ಯಕ್ಕೆ ಮತ್ತಷ್ಟು ಬಲ: PM ಮೋದಿ- ಅಧ್ಯಕ್ಷ ಪುಟಿನ್ ಚರ್ಚೆ
Team Udayavani, Jul 1, 2023, 7:25 AM IST
ಮಾಸ್ಕೋ: ಪ್ರಧಾನಿ ನರೇಂದ್ರ ಮೋದಿ ಮತ್ತು ರಷ್ಯಾ ಅಧ್ಯಕ್ಷ ವ್ಲಾದಿಮಿರ್ ಪುಟಿನ್ ಶುಕ್ರವಾರ ಫೋನ್ನಲ್ಲಿ ಮಾತುಕತೆ ನಡೆಸಿದ್ದಾರೆ. ಉಭಯ ದೇಶಗಳ ನಡುವೆ ದ್ವಿಪಕ್ಷೀಯ ಕಾರ್ಯತಂತ್ರದ ಪಾಲುದಾರಿಕೆ ಮತ್ತಷ್ಟು ಬಲಪಡಿಸಲು ತಮ್ಮ ಬದ್ಧತೆಯನ್ನು ಪುನರುಚ್ಚರಿಸಿದರು ಎಂದು ರಷ್ಯಾದ ಸಂಸತ್, ಕ್ರೆಮ್ಲಿನ್ ತಿಳಿಸಿದೆ.
ಕೆಲ ದಿನಗಳ ಹಿಂದಷ್ಟೇ ರಷ್ಯಾದಲ್ಲಿ ನಡೆದಿದ್ದ ವಿಫಲ ದಂಗೆಯ ಬೆನ್ನಲ್ಲೇ ಈ ಮಾತುಕತೆ ನಡೆದದ್ದು ಮಹತ್ವ ಪಡೆದಿದೆ. ರಷ್ಯಾ-ಉಕ್ರೇನ್ ಕಾಳಗ, ಅದನ್ನು ಪರಿಹರಿಸಬೇಕಾದ ದಾರಿಯ ಬಗ್ಗೆ ಮಾತುಕತೆ ವೇಳೆ ಪ್ರಸ್ತಾಪವಾಗಿದೆ. ಬಿಕ್ಕಟ್ಟು ಪರಿಹಾರದ ಕುರಿತು ತೆಗೆದುಕೊಳ್ಳಬೇಕಾದ ರಾಜಕೀಯ ಮತ್ತು ರಾಜತಾಂತ್ರಿಕ ಕ್ರಮಗಳನ್ನು ತೆಗೆದುಕೊಳ್ಳಲು ಉಕ್ರೇನ್ ಹಿಂದೇಟು ಕುರಿತು ಗಮನಸೆಳೆಯಲಾಯಿತು ಎಂದು ಹೇಳಿದೆ.ದಂಗೆಯನ್ನು ಹತ್ತಿಕ್ಕುವ ನಿಟ್ಟಿನಲ್ಲಿ ಕೈಗೊಂಡಿದ್ದ ಕ್ರಮಗಳನ್ನು ಪುಟಿನ್, ಮೋದಿಗೆ ವಿವರಿಸಿದರು. ಶಾಂಘೈ ಸಹಕಾರ ಒಕ್ಕೂಟ(ಎಸ್ಸಿಒ) ಮತ್ತು ಜಿ20 ಒಕ್ಕೂಟದಲ್ಲಿ ಉಭಯ ದೇಶಗಳ ಸಹಕಾರ ಕುರಿತು ಚರ್ಚಿಸಲಾಯಿತು ಎಂದು ಕ್ರೆಮ್ಲಿನ್ ತಿಳಿಸಿದೆ.
ಭಾರತದ ಅಧ್ಯಕ್ಷತೆಯಲ್ಲಿ ನಡೆಯುವ ಜಿ20 ಶೃಂಗಸಭೆ, ಶಾಂಘೈ ಸಹಕಾರ ಒಕ್ಕೂಟ ಮತ್ತು ಬ್ರಿಕ್ಸ್ ಒಕ್ಕೂಟದಲ್ಲಿ ಭಾರತ ಮತ್ತು ರಷ್ಯಾ ಪರಸ್ಪರ ಸಹಕಾರ ಕುರಿತು ವಿಶೇಷವಾಗಿ ಗಮನಹರಿಸಲಾಯಿತು ಎಂದು ಕ್ರೆಮ್ಲಿನ್ ಮಾಹಿತಿ ನೀಡಿದೆ.
ಮೇಕ್ ಇನ್ ಇಂಡಿಯಾ ಕುರಿತು ಶ್ಲಾಘನೆ:
ನಮ್ಮ ಅತ್ಯಂತ ಮುಖ್ಯ ಸ್ನೇಹಿತ ಪ್ರಧಾನಿ ಮೋದಿ ಮೇಕ್ ಇನ್ ಇಂಡಿಯಾ ಯೋಜನೆ ಆರಂಭಿಸಿದರು. ಇದು ನಿಜವಾಗಿಯೂ ಭಾರತದ ಆರ್ಥಿಕತೆ ಮೇಲೆ ಸಕಾರಾತ್ಮಕ ಪರಿಣಾಮ ಬೀರಿದೆ ಎಂದು ಪುಟಿನ್ ಶ್ಲಾ ಸಿದರು.