ಕಾಪು: ತಾಯಿ, ಮಗಳು ನಾಪತ್ತೆ
Team Udayavani, Jul 6, 2023, 5:42 AM IST
ಕಾಪು: ಮೂಳೂರು ಮಿರ್ಚಿ ಹೊಟೇಲ್ ಬಳಿ ನಿವಾಸಿಗಳಾದ ತಾಯಿ-ಮಗಳು ಜು. 4ರಿಂದ ನಾಪತ್ತೆಯಾಗಿದ್ದಾರೆ. ಮೂಳೂರು ನಿವಾಸಿ ಆಸೀರ್ ಅಲಿ ಅವರ ಪತ್ನಿ ರೇಷ್ಮಾ (36) ಮತ್ತು ಮಗಳು ಆಯಿಷ್ ಫತ್ತುಲ್ ನಿದೀರಾ (10) ನಾಪತ್ತೆಯಾದವರು.
ಖಾಸಗಿ ಬಸ್ ನಿರ್ವಾಹಕ ಆಸೀರ್ ಅಲಿ ಬುಧವಾರ ಬೆಳಗ್ಗೆ ಕೆಲಸಕ್ಕೆ ಹೋಗಿದ್ದು, ಸಂಜೆ ಮನೆಗೆ ಬಂದು ನೋಡಿದಾಗ ಪತ್ನಿ ಮತ್ತು ಮಗಳು ನಾಪತ್ತೆಯಾಗಿದ್ದರು ಎಂದು ಕಾಪು ಪೊಲೀಸ್ ಠಾಣೆಗೆ ನೀಡಿರುವ ದೂರಿನಲ್ಲಿ ಆಸೀರ್ ಅವರು ತಿಳಿಸಿದ್ದಾರೆ. ಕಾಪು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು ಪೊಲೀಸರು ತನಿಖೆ ಮುಂದುವರಿಸಿದ್ದಾರೆ.