ಏಕದಿನ World Cup ಪಂದ್ಯಾವಳಿ-2023 :ಚೆನ್ನೈ, ಕೋಲ್ಕತಾ-ಪಾಕ್ಗೆ ಸುರಕ್ಷಿತ
Team Udayavani, Apr 12, 2023, 8:07 AM IST
ಹೊಸದಿಲ್ಲಿ: ಭಾರತದ ಆತಿಥ್ಯದಲ್ಲಿ ವರ್ಷಾಂತ್ಯ ನಡೆಯುವ ಏಕದಿನ ವಿಶ್ವಕಪ್ ಪಂದ್ಯಾವಳಿಯಲ್ಲಿ ಪಾಕಿಸ್ಥಾನ ಕೂಡ ಪಾಲ್ಗೊಳ್ಳಬೇಕಾಗುವುದು ಅನಿವಾರ್ಯವಾಗುತ್ತದೆ. ಎರಡು ದೇಶಗಳ ನಡುವಿನ ರಾಜಕೀಯ ಸಂಬಂಧ ಅದೆಷ್ಟೇ ಹದಗೆಟ್ಟಿದ್ದರೂ ಐಸಿಸಿ ಪಂದ್ಯಾವಳಿಯನ್ನು ಬಹಿಷ್ಕರಿಸುವಂತಿಲ್ಲ. ಇಂಥ ಸನ್ನಿವೇಶದಲ್ಲಿ ಚೆನ್ನೈ ಮತ್ತು ಕೋಲ್ಕತಾ ತಾಣಗಳು ಪಾಕಿಸ್ಥಾನ ಪಾಲಿಗೆ ಅತ್ಯಂತ ಸುರಕ್ಷಿತ ಎಂಬುದಾಗಿ ಐಸಿಸಿ ಮೂಲಗಳಿಂದ ತಿಳಿದು ಬಂದಿದೆ.
ವಿಶ್ವಕಪ್ ಪಂದ್ಯಾವಳಿ ಅ. 5ರಂದು ಮೊದಲ್ಗೊಳ್ಳುತ್ತದೆ. ಒಟ್ಟು 46 ಪಂದ್ಯ ಗಳನ್ನು ಭಾರತದ 12 ಕೇಂದ್ರಗಳಲ್ಲಿ ಆಡಲಾಗುವುದು. ಇವುಗಳೆಂದರೆ ಅಹ್ಮದಾಬಾದ್, ಚೆನ್ನೈ, ಕೋಲ್ಕತಾ, ಲಕ್ನೋ, ಮುಂಬಯಿ, ರಾಜ್ಕೋಟ್, ಬೆಂಗಳೂರು, ಹೊಸದಿಲ್ಲಿ, ಇಂದೋರ್, ಗುವಾಹಟಿ, ಹೈದರಾಬಾದ್ ಮತ್ತು ಧರ್ಮಶಾಲಾ.
ಸುರಕ್ಷಿತ ತಾಣ
“ಇದು ಬಿಸಿಸಿಐ ಮತ್ತು ಭಾರತ ಸರಕಾರದ ಆಯ್ಕೆ ಆಗಲಿದೆ. ಸುರಕ್ಷತೆಯ ದೃಷ್ಟಿಯಿಂದ ಪಾಕಿಸ್ಥಾನ ತನ್ನ ಬಹುತೇಕ ಪಂದ್ಯಗಳನ್ನು ಕೋಲ್ಕತಾ ಮತ್ತು ಚೆನ್ನೈಯಲ್ಲಿ ಆಡಲು ಬಯಸ ಬಹುದು. 2016ರ ಟಿ20 ವಿಶ್ವಕಪ್ ವೇಳೆ ಭಾರತ-ಪಾಕಿಸ್ಥಾನ ನಡುವಿನ ಪಂದ್ಯ ಕೋಲ್ಕತಾದಲ್ಲಿ ನಡೆದಿತ್ತು. ಉಳಿದ ಪಂದ್ಯಗಳನ್ನು ಚೆನ್ನೈಯಲ್ಲಿ ಆಡಿತ್ತು. ಇದು ಕೂಡ ಸುರಕ್ಷಿತ ಕೇಂದ್ರವಾಗಿದೆ” ಎಂಬುದಾಗಿ ಐಸಿಸಿಗೆ ತೀರಾ ಹತ್ತಿರವಾಗಿ ರುವ ಮೂಲವೊಂದು ಪಿಟಿಐಗೆ ತಿಳಿಸಿದೆ.
ಪಾಕಿಸ್ಥಾನ ಪಂದ್ಯಕ್ಕೆ ಸುರಕ್ಷಿತ ವಲ್ಲದ ತಾಣಗಳೆಂದರೆ ಮುಂಬಯಿ, ಧರ್ಮಶಾಲಾ ಎಂಬುದು ರಹಸ್ಯವೇನಲ್ಲ.
ಮೊಹಾಲಿಯಲ್ಲಿ ಪಂದ್ಯವಿಲ್ಲ
ಭಾರತದೆದುರಿನ 2011ರ ಏಕದಿನ ವಿಶ್ವಕಪ್ ಸೆಮಿಫೈನಲ್ ಪಂದ್ಯವನ್ನು ಪಾಕಿಸ್ಥಾನ ಮೊಹಾಲಿಯಲ್ಲಿ ಆಡಿತ್ತು. ಪಾಕ್ ವೀಕ್ಷಕರಿಗೆ ಆಗಮಿಸಲು ಅನುಕೂಲವಾಗಲಿದೆ ಎಂಬುದು ಅಂದಿನ ಲೆಕ್ಕಾಚಾರ ವಾಗಿತ್ತು. ಆದರೆ 2023ರಲ್ಲಿ ಮೊಹಾಲಿ ಯನ್ನು ಕೈಬಿಡಲಾಗಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Wrestlers: ದುಬಾೖ ವಿಮಾನ ನಿಲ್ದಾಣದಲ್ಲಿ ಸಿಕ್ಕಿಬಿದ್ದ ಇಬ್ಬರು ಕುಸ್ತಿಪಟುಗಳು
LSG vs CSK: ಲಕ್ನೋದಲ್ಲೂ ಚೆನ್ನೈ ಫೇವರಿಟ್
IPL; ರೋಚಕ ಪಂದ್ಯದಲ್ಲಿ ಪಂಜಾಬ್ ಎದುರು 9 ರನ್ ಜಯ ಸಾಧಿಸಿದ ಮುಂಬೈ
Austria Marathon: ಭಾರತವನ್ನು ಪ್ರತಿನಿಧಿಸಲಿರುವ ಕೊಡಗಿನ ಅಪ್ಪಚಂಗಡ ಬೆಳ್ಯಪ್ಪ
ಮೊಣಕಾಲಿನ ಗಾಯಕ್ಕೆ ಶಸ್ತ್ರಚಿಕಿತ್ಸೆ ಅಗತ್ಯ ಒಲಿಂಪಿಕ್ಸ್ನಿಂದ ಹೊರಬಿದ್ದ ಶ್ರೀಶಂಕರ್