ವಿಶ್ವ ಬಾಕ್ಸಿಂಗ್ ಚಾಂಪಿಯನ್ಶಿಪ್: ಭಾರತಕ್ಕೆ ಕನಿಷ್ಠ 4 ಬೆಳ್ಳಿ ಖಚಿತ
Team Udayavani, Mar 24, 2023, 6:42 AM IST
ನವದೆಹಲಿ: ನಿಖತ್ ಜರೀನ್ ಮತ್ತು ನೀತು ಘಂಘಾಸ್ ಅವರು ಸುಲಭ ಗೆಲುವಿನೊಂದಿಗೆ ವನಿತೆಯರ ವಿಶ್ವ ಬಾಕ್ಸಿಂಗ್ ಚಾಂಪಿಯನ್ಶಿಪ್ನಲ್ಲಿ ಫೈನಲ್ ಹಂತಕ್ಕೇರಿದ್ದಾರೆ. 50 ಕೆಜಿ ವಿಭಾಗದಲ್ಲಿ ಹಾಲಿ ಚಾಂಪಿಯನ್ ನಿಖತ್, ರಿಯೊ ಒಲಿಂಪಿಕ್ಸ್ ಕಂಚು ವಿಜೇತೆ ಕೊಲಂಬಿಯದ ಇಂಗ್ರಿಟ್ ವೆಲೆನ್ಸಿಯಾ ಅವರನ್ನು 5-0 ಅಂತರದಿಂದ ಉರುಳಿಸಿದರು. ತನ್ನ ವೇಗ ಮತ್ತು ತಂತ್ರಗಳಿಂದ ವೆಲೆನ್ಸಿಯಾ ಅವರನ್ನು ಸುಲಭವಾಗಿ ನೆಲಕ್ಕುರುಳಿಸಿದ ನಿಖತ್ ಪ್ರಶಸ್ತಿ ಉಳಿಸಿಕೊಳ್ಳುವ ಪ್ರಯತ್ನದಲ್ಲಿ ಇನ್ನೊಂದು ಹೆಜ್ಜೆ ಮುಂದೆ ಇಟ್ಟರು. 48 ಕೆಜಿ ವಿಭಾಗದಲ್ಲಿ ನೀತು, ಕಝಕಸ್ತಾನದ ಅಲುವಾ ಬಲ್ಕಿಬೆಕೋವಾ ಅವರನ್ನು 5-2 ಅಂಕಗಳಿಂದ ಮಣಿಸಿದರು. ಇನ್ನು 75 ಕೆಜಿ ವಿಭಾಗದಲ್ಲಿ ಲವಿನಾ ಅವರು ಚೀನಾದ ಲಿ ಖೀಯಾನ್ರನ್ನು ಮಣಿಸಿದರು. ಗುರುವಾರ ರಾತ್ರಿಯಷ್ಟೊತ್ತಿಗೆ ಭಾರತಕ್ಕೆ ಮತ್ತೂಂದು ಶುಭಸುದ್ದಿ ಬಂತು. ಸಾವೀತಿ ಬೂರಾ 81 ಕೆಜಿ ವಿಭಾಗದಲ್ಲಿ ಆಸ್ಟ್ರೇಲಿಯದ ಎಮ್ಮಾ ಗ್ರೀನ್ಟ್ರೀಯನ್ನು ಮಣಿಸಿದರು.