ಗ್ರಾಮ ಪಂಚಾಯತ್ ಚುನಾವಣೆ : ಯಾದಗಿರಿ ಜಿಲ್ಲೆಯಲ್ಲಿ ಶೇ.54.83 ಮತದಾನ
Team Udayavani, Dec 22, 2020, 5:29 PM IST
ಯಾದಗಿರಿ: ಜಿಲ್ಲೆಯಲ್ಲಿ ಗ್ರಾಮ ಪಂಚಾಯಿತಿ ಮೊದಲ ಹಂತದ ಮತದಾನ ಸುರಪುರ, ಶಹಾಪುರ ಹಾಗೂ ಹುಣಸಗಿ ತಾಲೂಕಿನಲ್ಲಿ ಬೆಳಿಗ್ಗೆ 7 ಗಂಟೆಯಿಂದ 3 ಗಂಟೆ ವರೆಗೆ ಜಿಲ್ಲೆಯಲ್ಲಿ ಶೇ.54.83 ರಷ್ಟು ಮತದಾನವಾಗಿದೆ.
ಜಿಲ್ಲೆಯ 63 ಗ್ರಾ.ಪಂ.ಗಳ 1247 ಸ್ಥಾನಗಳಲ್ಲಿ 336 ಅಭ್ಯರ್ಥಿಗಳು ಅವಿರೋಧವಾಗಿ ಆಯ್ಕೆಯಾಗಿದ್ದು, ಶಹಾಪುರ ತಾಲೂಕಿನ 22 ಪಂಚಾಯಿತಿಗಳ 389 ಸ್ಥಾನಗಳಿಗೆ, ಸುರಪುರನ 20 ಪಂಚಾಯಿತಿಗಳ 325 ಸ್ಥಾನ ಹಾಗೂ ಹುಣಸಗಿಯ 17 ಪಂಚಾಯಿತಿಯ 286 ಸ್ಥಾನಗಳಿಗೆ ಮತದಾನ ನಡೆಯಿತು.
ತಾಲೂಕುವಾರು ಸುರಪುರ ತಾಲೂಕಿನಲ್ಲಿ 61389 ಮತ ಚಲಾವಣೆಯಾಗಿದ್ದು ಶೇ 58.91, ಶಹಾಪುರ ತಾಲೂಕಿನ ಲ್ಲಿ 59263 ಜನ ಹಕ್ಕು ಚಲಾಯಿಸಿದ್ದು ಶೇ.44.19 ಹಾಗೂ ಹುಣಸಗಿ ತಾಲೂಕಿನಲ್ಲಿ 57458 ಜನ ಮತದಾನ ಮಾಡಿದ್ದು ಶೇಕಡಾವಾರು 61.37 ಅತಿ ಹೆಚ್ಚು ಮತದಾನವಾಗಿದೆ.
ಇದನ್ನೂ ಓದಿ:ಮತ ಚಲಾಯಿಸಿ ಬ್ಯಾಲೆಟ್ ಪೇಪರ್ ಫೋಟೋ ತೆಗೆದು ಸಾಮಾಜಿಕ ಜಾಲತಾಣದಲ್ಲಿ ಹರಿಬಿಟ್ಟ ಆಸಾಮಿ!
ಯಾದಗಿರಿ ಜಿಲ್ಲಾಧಿಕಾರಿ ಡಾ. ರಾಗಪ್ರಿಯಾ ಶಹಾಪುರ ತಾಲೂಕಿನ ಮದ್ದರಕಿ ಮತ್ತು ಮೂಡಬುಳ ಗ್ರಾಮ ಪಂಚಾಯಿತಿಯ ಮತಗಟ್ಟೆಳಿಗೆ ಭೇಟಿ ನೀಡಿ, ಮತದಾನಗಳ ಪ್ರಕ್ರಿಯೆ ಕುರಿತು ಪರಿಶೀಲಿಸಿ, ಮತದಾರರಿಗೆ ಕಡ್ಡಾಯವಾಗಿ ಸ್ಯಾನಿಟೈಸ್ ಮಾಡಿ, ಥರ್ಮಲ್ ಸ್ಕ್ಯಾನಿಂಗ್ ಮಾಡಲು ಸೂಚಿಸಿದರು.