ಫೋಟೋ ಕಾಪಿ ನೋಟು ಪತ್ತೆ ಪ್ರಕರಣ: ಮನೆ ಬಾಡಿಗೆದಾರನ ಮೊಬೈಲ್ ಸ್ವಿಚ್ಆಫ್
Team Udayavani, Apr 3, 2023, 6:36 AM IST
ಬದಿಯಡ್ಕ: ಕೇಂದ್ರ ಸರಕಾರ ನಿಷೇಧಿಸಿರುವ 1 ಸಾವಿರ ರೂಪಾಯಿಯ ಕಲರ್ ಫೋಟೋ ಕಾಪಿಗಳ ಬೃಹತ್ ಸಂಗ್ರಹ ಪತ್ತೆಯಾಗಿರುವ ಪ್ರಕರಣಕ್ಕೆ ಸಂಬಂಧಿಸಿ ಮನೆಯ ಮಾಲಕ ಚೆರ್ಕಳ ನಿವಾಸಿಯಾದ ಶಾಫಿಯನ್ನು ಬದಿಯಡ್ಕ ಪೊಲೀಸರು ವಿಚಾರಣೆ ನಡೆಸುತ್ತಿದ್ದಾರೆ.
ಈ ಮನೆಯಲ್ಲಿ ಬಾಡಿಗೆಗಿದ್ದ ಫಾರೂಕ್ನನ್ನು ಸಂಪರ್ಕಿಸಲು ಕರೆ ಮಾಡಿದ್ದರೂ ಫೋನ್ ಸ್ವಿಚ್ ಆಫ್ ಆಗಿದೆ. ಈ ಮನೆಯಲ್ಲಿ ನೋಟುಗಳ ಫೋಟೋ ಕಾಪಿಗಳನ್ನು ಬಚ್ಚಿಟ್ಟಿರುವುದು ತನಗೆ ತಿಳಿದಿಲ್ಲ ಎಂದು ಶಾಫಿ ಪೊಲೀಸರಲ್ಲಿ ಹೇಳಿದ್ದಾರೆ. ಪೊಲೀಸರು ಈ ಮನೆಗೆ ದಾಳಿ ಮಾಡಿದಾಗ ಮನೆಯಲ್ಲಿದ್ದವರು ಕಾರಿನಲ್ಲಿ ಪರಾರಿಯಾಗಿದ್ದರು. ವಶಪಡಿಸಿಕೊಂಡ ನೋಟುಗಳ ಫೋಟೋ ಕಾಪಿಗಳನ್ನು ಕಾಸರಗೋಡು ಜ್ಯುಡೀಶಿಯಲ್ ಮ್ಯಾಜಿಸ್ಟ್ರೇಟ್ ನ್ಯಾಯಾಲಯಕ್ಕೆ ಹಾಜರುಪಡಿಸಲಾಗಿದೆ.