ಕೇರಳ ಎಸೆಸೆಲ್ಸಿ ಫಲಿತಾಂಶ ಪ್ರಕಟ: ಕಾಸರಗೋಡು ಜಿಲ್ಲೆಗೆ ಶೇ. 99.48
Team Udayavani, Jun 16, 2022, 2:18 AM IST
ಕುಂಬಳೆ: ಕೇರಳ ರಾಜ್ಯ ಎಸೆಸೆಲ್ಸಿ ಪರೀûಾ ಫಲಿತಾಂಶವನ್ನು ರಾಜ್ಯ ಶಿಕ್ಷಣ ಸಚಿವ ವಿ. ಶಿವನ್ ಕುಟ್ಟಿ ಬುಧವಾರ ಪ್ರಕಟಿಸಿದ್ದು, ರಾಜ್ಯದಲ್ಲಿ ಶೇ. 99.26 ವಿದ್ಯಾರ್ಥಿಗಳು ಉತ್ತೀರ್ಣರಾಗಿದ್ದಾರೆ.
ಒಟ್ಟು 4,26,469 ಮಂದಿ ಪರೀಕ್ಷೆ ಬರೆದಿದ್ದು 4,23,303 ಮಂದಿ ಉತ್ತೀರ್ಣರಾಗಿದ್ದಾರೆ. 44,363 ಮಂದಿ ಎಲ್ಲ ವಿಷಯಗಳಲ್ಲೂ ಎ+ ಶ್ರೇಣಿ ಗಳಿಸಿದ್ದಾರೆ. ಕಣ್ಣೂರು ಜಿಲ್ಲೆಯಲ್ಲಿ ಅತೀ ಹೆಚ್ಚು ವಿದ್ಯಾರ್ಥಿಗಳು ಉತ್ತೀರ್ಣರಾಗಿದ್ದಾರೆ.
ಕಾಸರಗೋಡು ಜಿಲ್ಲೆಯ 6ನೇ ಸ್ಥಾನ
ಕಾಸರಗೋಡು ಜಿಲ್ಲೆಯಲ್ಲಿ ಶೇ. 99.48 ಶತಮಾನ ಫಲಿತಾಂಶ ಪ್ರಕಟವಾಗಿದ್ದು ರಾಜ್ಯದಲ್ಲಿ 6ನೇ ಸ್ಥಾನ ಪಡೆದ ಜಿಲ್ಲೆಯಾಗಿದೆ. ಜಿಲ್ಲೆಯ 162 ವಿದ್ಯಾಲಯಗಳಿಂದ 10,431 ಬಾಲಕರು, 9,460 ಬಾಲಕಿಯರ ಸಹಿತ 1,639 ವಿದ್ಯಾರ್ಥಿಗಳು ಎಲ್ಲ ವಿಷಯಗಳಲ್ಲಿ ಉತ್ತೀರ್ಣರಾಗಿದ್ದಾರೆ.
ಸರಕಾರಿ ವಿದ್ಯಾಲಯಗಳಲ್ಲಿ ಪರೀಕ್ಷೆಗೆ ಬರೆದ 232 ಬಾಲಕರು, ಮತ್ತು 625 ಬಾಲಕಿಯರ ಸಹಿತ 857 ಮಂದಿ ಎಲ್ಲ ವಿಷಯಗಳಲ್ಲಿ ಉತ್ತೀರ್ಣರಾಗಿದ್ದಾರೆ.
ಅನುದಾನಿತ ಶಾಲೆಗಳಲ್ಲಿ 190 ಬಾಲಕರು ಮತ್ತು 398 ಬಾಲಕಿಯರ ಸಹಿತ 588 ಮಂದಿ ಎಲ್ಲ ವಿಷಯಗಳಲ್ಲಿ ತೇರ್ಗಡೆ ಹೊಂದಿದ್ದಾರೆ.
ಅನುದಾನ ರಹಿತ ಶಾಲೆಗಳಲ್ಲಿ 33 ಬಾಲಕರು ಮತ್ತು 161 ಬಾಲಕಿಯರ ಸಹಿತ 194 ವಿದ್ಯಾರ್ಥಿಗಳು ಎಲ್ಲ ವಿಷಯಗಳಲ್ಲಿ ತೇರ್ಗಡೆ ಹೊಂದಿದ್ದಾರೆ.