ಎಲ್ಲಿಂದ ಬಂದಿದ್ದಿ ತಂಗಿ…; ಅಭಿಮಾನದಿಂದ ಹೆಚ್ ಡಿಕೆಗೆ ಮುತ್ತಿಟ್ಟ ಮಹಿಳೆ

Team Udayavani, Apr 1, 2023, 10:16 PM IST

ಬೆಂಗಳೂರು : ಯಶವಂತಪುರ ವಿಧಾನಸಭೆ ಕ್ಷೇತ್ರದಲ್ಲಿ ನಡೆದ ಪಂಚರತ್ನ ರಥಯಾತ್ರೆ ವೇಳೆ ಜೆಡಿಎಸ್ ನಾಯಕ, ಮಾಜಿ ಸಿಎಂ ಹೆಚ್.ಡಿ.ಕುಮಾರಸ್ವಾಮಿ ಅವರಿಗೆ ಮಹಿಳಾ ಅಭಿಮಾನಿಯೊಬ್ಬರು ಚುಂಬಿಸಿದ ಪ್ರಸಂಗ ಶನಿವಾರ ನಡೆದಿದೆ.

ಮಹಿಳಾ ಅಭಿಮಾನಿ ವಾಹನದ ಮೇಲೆ ಬಂತು ನೆಚ್ಚಿನ ನಾಯಕರನ್ನು ಮಾತನಾಡಿಸಿದ್ದು, ಮರಳುವ ಸಮಯದಲ್ಲಿ ಕೆನ್ನೆಗೆ ಮುತ್ತು ಕೊಟ್ಟಿದ್ದಾರೆ.ಇದು ಮಾಧ್ಯಮಗಳಲ್ಲಿ ಭಾರಿ ಸುದ್ದಿಯಾಗಿದ್ದು, ಹಲವರು ಟ್ರೋಲ್ ಕೂಡ ಮಾಡಿದ್ದಾರೆ.

ಕೈಕುಲುಕಿದ್ದ ಮಹಿಳೆ ಏಕಾಏಕಿಚುಂಬಿಸಿದ ಕಾರಣ ಹೆಚ್.ಡಿ.ಕುಮಾರಸ್ವಾಮಿ ಕ್ಷಣ ಕಾಲ ಅಚ್ಚರಿಗೊಳಗಾದರು. ಆ ಬಳಿಕ ಜನರತ್ತ ಕೈಬೀಸುತ್ತಾ ಯಾತ್ರೆಯಲ್ಲಿ ಮುನ್ನೆಡದರು.

ಈ ಬಗ್ಗೆ ಮಾಧ್ಯಮಗಳು ಪ್ರಶ್ನಿಸಿದಾಗ ಪ್ರತಿಕ್ರಿಯಿಸಿದ ಭದ್ರಾವತಿ ಮೂಲದ ಮಹಿಳೆ, ಕುಮಾರಸ್ವಾಮಿ ಅವರನ್ನು ಟಿವಿಯಲ್ಲಿ ನೋಡಿದ್ದೆ. ಹೋದ ಕೂಡಲೇ ಎಲ್ಲಿಂದ ಬಂದಿದ್ದಿ ತಂಗಿ ಎಂದು ಮಾತನಾಡಿಸಿದರು. ಚೆನ್ನಾಗಿದ್ದೀರಾ ಎಂದು ಕೇಳಿದಾಗ ಚೆನ್ನಾಗಿದ್ದೀನಿ ಅಂದರು ಎಂದು ಪ್ರತಿಕ್ರಿಯಿಸಿದ್ದಾರೆ.