Bolllywood: ಡಯಟ್ನಿಂದ ನಟಿ ಶ್ರೀದೇವಿ ಸಾವು- ಬೋನಿ ಕಪೂರ್ ಹೇಳಿಕೆ
Team Udayavani, Oct 3, 2023, 9:40 PM IST
ಮುಂಬೈ: “ಪತ್ನಿ, ನಟಿ ಶ್ರೀದೇವಿಯದ್ದು ಸಹಜ ಸಾವಲ್ಲ. ಆಕೆ ಅತಿಯಾದ ಡಯಟ್ ಮಾಡುತ್ತಿದ್ದಳು. ಕಡಿಮೆ ರಕ್ತದೊತ್ತಡ ಕಾರಣದಿಂದ ಆಕೆ ಮೃತಪಟ್ಟಳು’ ಎಂದು ಪತಿ, ಖ್ಯಾತ ನಿರ್ಮಾಪಕ ಬೋನಿ ಕಪೂರ್ ಹೇಳಿದ್ದಾರೆ.
2018ರ ಫೆ.24ರಂದು ದುಬೈನ ಹೋಟೆಲ್ನ ಬಾತ್ ಟಬ್ನಲ್ಲಿ ನಟಿ ಶ್ರೀದೇವಿ ಅಸುನೀಗಿದ್ದರು. ವಿಚಾರಣೆಯ ನಂತರ ಬೋನಿ ಕಪೂರ್ಗೆ ಪೊಲೀಸರಿಂದ ಕ್ಲೀನ್ ಚಿಟ್ ಸಿಕ್ಕಿತ್ತು.
ಇದೇ ಮೊದಲ ಬಾರಿಗೆ ಪತ್ನಿ ಸಾವಿನ ಕುರಿತು ಸಂದರ್ಶನವೊಂದರಲ್ಲಿ ಮಾತನಾಡಿರುವ ಬೋನಿ ಕಪೂರ್, “ಶ್ರೀದೇವಿ ವಿಪರೀತ ಡಯಟ್ ಮಾಡುತ್ತಿದ್ದಳು. ಇಂಗ್ಲಿಷ್-ವಿಂಗ್ಲಿಷ್ ಸಿನಿಮಾ ಸಂದರ್ಭದಲ್ಲಿ 45 ಕೆಜಿ ಗೆ ತನ್ನ ತೂಕ ಇಳಿಸಿಕೊಂಡಿದ್ದಳು. ಆಹಾರದಲ್ಲಿ ಉಪ್ಪು ಬಳಸುವುದನ್ನೂ ನಿಲ್ಲಿಸಿದ್ದಳು. ಇದರಿಂದ ಅವಳ ರಕ್ತದೊತ್ತಡ ತುಂಬಾ ಕಡಿಮೆ ಆಗಿತ್ತು’ ಎಂದು ತಿಳಿಸಿ¨ªಾರೆ.
“ಶೂಟಿಂಗ್ ಸಂದರ್ಭದಲ್ಲಿ ಅತಿಯಾದ ಡಯಟ್ನಿಂದ ಶ್ರೀದೇವಿ ಶೌಚಗೃಹನಲ್ಲಿ ಬಿದ್ದು ಹಲ್ಲು ಮುರಿದುಕೊಂಡಿದ್ದಳು ಎಂದು ನಟ ನಾಗಾರ್ಜುನ್ ಹೇಳಿದ್ದರು. ಆಕೆಯನ್ನು ಮದುವೆಯಾದ ನಂತರ ಈ ವಿಷಯ ನನಗೆ ತಿಳಿಯಿತು. ನಂತರವೂ ಕೂಡ ಅವಳು ವಿಪರೀತ ಡಯಟ್ ಮಾಡುತ್ತಿದ್ದಳು’ ಎಂದಿದ್ದಾರೆ.
ಇದೇ ವೇಳೆ ಪುತ್ರಿ ಜಾಹ್ನವಿಯ ಜನನದ ಬಗ್ಗೆ ಸ್ಪಷ್ಟನೆ ನೀಡಿದ ಬೋನಿ ಕಪೂರ್ ಶ್ರೀದೇವಿಯವರನ್ನು ವಿವಾಹವಾದ ಬಳಿಕವೇ ಆಕೆ ಜನಿಸಿದ್ದಾಳೆ. 1996 ಜೂ.2ರಂದು ಖಾಸಗಿಯಾಗಿ ಮದುವೆಯಾದ ಬಳಿಕವೇ ಶ್ರೀದೇವಿ ಗರ್ಭಿಣಿಯಾಗಿ ಜಾಹ್ನವಿಗೆ ಜನ್ಮ ನೀಡಿದಳು ಎಂದಿದ್ದಾರೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
ಮುಸ್ಲಿಮನಾದ್ರೂ ನನಗೆ ನಮಸ್ತೆ ಮಹತ್ವವೇ ಹೆಚ್ಚು: ನಟ ಅಮೀರ್ ಖಾನ್
Ranveer Singh : ʼಹನುಮಾನ್ʼ ನಿರ್ದೇಶಕನ ಸಿನಿಮಾದಲ್ಲಿ ರಣ್ವೀರ್ ಸಿಂಗ್ ನಟನೆ?
ʼರಾಮಾಯಣʼ ಸೆಟ್ನಿಂದ ʼರಾಮ – ಸೀತೆʼಯಾದ ರಣ್ಬೀರ್- ಸಾಯಿಪಲ್ಲವಿ ಪಾತ್ರದ ಫೋಟೋ ಲೀಕ್
ಸಿನಿಮಾದಲ್ಲಿ ಖ್ಯಾತಿ, ಭಾರತೀಯರ ಪ್ರೀತಿಗಳಿಸಿದರೂ ಈ ಸೆಲೆಬ್ರಿಟಿಗಳು ಮತದಾನ ಹಕ್ಕು ಹೊಂದಿಲ್ಲ
Rap song: ವೋಟು ನಮ್ಮ ಪವರ್ ರ್ಯಾಪ್ ಸಾಂಗ್ ಬಿಡುಗಡೆ