ಅಡಲ್ಟ್ಸ್ಇನ್ ದಿ ರೂಂ: ಒಮ್ಮೆ ನೋಡಿ

ರಾಜಕೀಯ ಹಿನ್ನೆಲೆಯ ಸಿನಿಮಾ ನೋಡಲು ಬಯಸುವವರೆಲ್ಲಾ ಈ ಸಿನಿಮಾವನ್ನು ತಪ್ಪಿಸಿಕೊಳ್ಳಬೇಡಿ.

Team Udayavani, Feb 29, 2020, 9:39 AM IST

ಬೆಂಗಳೂರು: ಕಾಸ್ತಾ ಗವ್ರಾಸ್ ನಿರ್ದೇಶಿಸಿದ ‘ಅಡಲ್ಟ್ಸ್ ಇನ್ ದಿ ರೂಂ’. ಈ ಸಿನಿಮಾ ಈಗಾಗಲೇ ಈ ಚಿತ್ರೋತ್ಸವದಲ್ಲಿ  ಫೆ. 27 ರಂದು ಪ್ರದರ್ಶನಗೊಂಡಿತ್ತು. ಅದರ ಮರು ಪ್ರದರ್ಶನ ಮಾ. 3 ರಂದು ಇದೆ.(ಸ್ಕ್ರೀನ್-4, ಪ್ರದರ್ಶನ ಸಮಯ: ಸಂಜೆ 7:40ನಿಮಿಷಕ್ಕೆ. ಒರಿಯನ್ ಮಾಲ್)

ಕಾಸ್ತಾ ಗವ್ರಾಸ್ ಗ್ರೀಸ್‌ನ ಚಲನಚಿತ್ರ ನಿರ್ದೇಶಕ. ಅವನ ಝೆಡ್ ಸಿನಿಮಾ ರಾಜಕೀಯ ಹಿನ್ನೆಲೆಯ ಚಿತ್ರ ಬಹಳಷ್ಟು ಚರ್ಚೆಗೊಳಗಾಗಿತ್ತು. ಅದರ ನಿರೂಪಣೆಯ ಶೈಲಿ, ಕಥಾನಕವನ್ನು ಬಿಚ್ಚಿಡುವ ಕ್ರಮವೂ ಸೇರಿದಂತೆ ಎಲ್ಲ ತಾಂತ್ರಿಕ ಅಂಶಗಳಿಂದಲೂ ಬಹಳ ಗಮನ ಸೆಳೆದಿತ್ತು. ಇಂದಿಗೂ ಕಾಸ್ತಾ ಗವ್ರಾಸ್ ಅವರನ್ನು ಗುರುತಿಸುವುದು ಝೆಡ್ ಚಿತ್ರದಿಂದಲೇ.

ಅವರ ಹೊಸ ಚಿತ್ರ ‘ಅಡಲ್ಟ್ಸ್ ಇನ್ ದಿ ರೂಂ’ 2019 ರಲ್ಲಿ ರೂಪುಗೊಂಡ ಚಿತ್ರ. ಬ್ರೆಕ್ಸಿಟ್ ನ (ಬ್ರಿಟನ್ ಯುರೋ ಒಕ್ಕೂಟದಿಂದ ಹೊರಬರುವ ಪ್ರಕ್ರಿಯೆ) ನೆನಪಿನಲ್ಲಿರುವಾಗಲೇ, ಇದಕ್ಕೆ ಮೊದಲು ಆದದ್ದು ಗ್ರೆಕ್ಸಿಟ್. ಗ್ರೀಕ್ ರಾಷ್ಟ್ರ ಹೊರಬಂದು, ಆರ್ಥಿಕ ದಿವಾಳಿಯಾಗಿ ಹೊರಬರುವ ಸ್ಥಿತಿಯ ಹಿನ್ನೆಲೆಯಲ್ಲಿನ ಕಥೆ. ಇದನ್ನು ಬರೆದದ್ದು ಆಗ ಗ್ರೀಕ್‌ನ ಆರ್ಥಿಕ ಸಚಿವರಾಗಿದ್ದ ಯಾನಿಸ್ ವರೊಪಕೀಸ್. ಅವರ ಪುಸ್ತಕದ ಶೀರ್ಷಿಕೆಯು ಮತ್ತು ಸಿನಿಮಾದ ಶೀರ್ಷಿಕೆಯು ಒಂದೇ.

ಸಿನಿಮಾ 124 ನಿಮಿಷಗಳುಳ್ಳದ್ದು. ಇದು ಗ್ರೀಕ್ ಆರ್ಥಿಕ ದಿವಾಳಿಗೆ ಒಳಗಾಗುವ ಸ್ಥಿತಿಯಲ್ಲಿದ್ದಾಗ ಅಸ್ತಿತ್ವಕ್ಕೆ ಬಂದ ಹೊಸ ಸರಕಾರ ಇಡೀ ಯುರೋ ಒಕ್ಕೂಟವನ್ನು ಎದುರು ಹಾಕಿಕೊಳ್ಳುವ ಹೊತ್ತಿನದ್ದು. ಇಡೀ ಕಥೆ ಸಾಗುವುದು ಕೆಲವು ಸಭೆಗಳಲ್ಲಿ ಮಾತ್ರ. ಆದರೆ, ಈ ಚಿತ್ರದ ಮೂಲಕ ನಿರ್ದೇಶಕ ಕಟ್ಟಿಕೊಡಲು ಪ್ರಯತ್ನಿಸುವುದು ಒಂದು ಘಟನೆಯ ಹಿಂದಿರಬಹುದಾದ ರಾಜಕೀಯ, ಮೇಲುಗೈ ಸಾಧಿಸುವ ಹಪಾಹಪಿತನ, ದೇಶಗಳ ದೇಶಗಳ ನಡುವಿನ ದ್ವೇಷ, ಇಡೀ ಜಗತ್ತನ್ನು ತಮ್ಮ ಹಣದ ಸಂಪತ್ತಿನಿಂದ ಅಧೀನವಾಗಿಸಿಟ್ಟುಕೊಳ್ಳಬೇಕೆನ್ನುವ ಲಾಲಸೆ ಎಲ್ಲವೂ ಬಯಲುಗೊಳ್ಳುತ್ತದೆ.

ಸಿನಿಮಾದ ಗತಿ ಎಲ್ಲೂ ನಿಮಗೆ ಒಣ ರಾಜಕೀಯ ಸಂಭಾಷಣೆ ಎನಿಸುವುದೆ ಇಲ್ಲ. ಪ್ರತಿ ಸಂಭಾಷಣೆಯಲ್ಲೂ ಚುರುಕುತನ ಕಾಪಾಡಿಕೊಂಡ ಕಾರಣದಿಂದ ಅದನ್ನು ಅನುಸರಿಸಲೂ ಇಷ್ಟವಾಗುತ್ತದೆ. ಗ್ರೀಕ್ ಹೊರತುಪಡಿಸಿ ಉಳಿದೆಲ್ಲಾ ರಾಷ್ಟ್ರಗಳಿಗೆ ಅದೊಂದು (ಗ್ರೆಕ್ಸಿಟ್) ಬರೀ ಸುದ್ದಿಯಷ್ಟೇ. ಆದರೆ ಆ ದೇಶದ ಜನರಿಗೆ ಅದೊಂದು ಬೆಳವಣಿಗೆ. ಇಂಥದೊಂದು ಮಹತ್ವದ (ಒಂದು ರಾಷ್ಟ್ರದ ಆರ್ಥಿಕ ಅಸ್ತಿತ್ವ) ಪ್ರಶ್ನೆಯ ಹಿಂದಿನ ಎಲ್ಲ ಹಿನ್ನೆಲೆ ತಿಳಿಯುವುದು ಈ ಚಿತ್ರದಿಂದಲೇ.

ಇಡೀ ಚಿತ್ರದಲ್ಲಿ ಕೆಲವೆಡೆ ಕೊಂಚ ವೈಭವೀಕರಣ ಇದೆ ಎನಿಸಬಹುದಾದರೂ ನಂಬಲರ್ಹ ಸಾಧ್ಯತೆ ಇರುವುದು ಸ್ವತಃ ಫೈನಾನ್ಸ್ ಮಿನಿಸ್ಟರ್ ಬರೆದ ಪುಸ್ತಕದಿಂದಲೇ ಎನ್ನುವುದು. ಆಯಾ ಸಂದರ್ಭಕ್ಕೆ ಬಳಸುವ ಸಂಗೀತದ ಗತಿಯೂ ಒಂದು ಘಟನೆಯನ್ನು ನಡೆಯತ್ತಿರುವ ಬೆಳವಣಿಗೆಯೆಂಬ ತಾಜಾತನವನ್ನು ತುಂಬುತ್ತದೆ.

ರಾಜಕೀಯ ಘಟನೆ ಹಿನ್ನೆಲೆಯ ಚಿತ್ರವಾದ ಕಾರಣ, ಸಂಭಾಷಣೆ ತುಸು ಹೆಚ್ಚೆ ಎನಿಸಬಹುದು. ಕಾಸ್ತಾ ಗವ್ರಾಸ್ ಸಹ ಕೊಂಚ ಸಂಭಾಷಣಾ ಪ್ರಿಯ.

ಗ್ರೀಕ್‌ನಲ್ಲೇ ಚಿತ್ರೀಕರಣಗೊಂಡ ಕಾಸ್ತಾ ಗವ್ರಾಸ್ ನ ಮೊದಲ ಚಿತ್ರವೂ ಇದು ಎನ್ನುವುದು ವಿಶೇಷ.

-ರೂಪರಾಶಿ

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ
ಜಯನಗರ ಬೆಂಗಳೂರು, ಮೋ- 8884889444

ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ

  • ಬೆಂಗಳೂರು: ಕೋವಿಡ್‌ 19 ಭೀತಿ ಹಿನ್ನೆಲೆಯಲ್ಲಿ ಎ. 15ರ ತನಕ ದೇಶವೇ ಲಾಕ್‌ಡೌನ್‌ ಆಗಿರುವುದರಿಂದ ಶಾಲೆಗಳಲ್ಲಿ ದಾಖಲಾತಿ ಪ್ರಕ್ರಿಯೆ ಮತ್ತು ಶುಲ್ಕ ಪಾವತಿ ಮಾಡಿಸಿಕೊಳ್ಳದಂತೆ...

  • ಬೆಂಗಳೂರು: ರಾಜ್ಯದಲ್ಲಿ ಕೋವಿಡ್‌ 19 ಸೋಂಕು ಹೆಚ್ಚುತ್ತಿದ್ದು, ಶನಿವಾರ 18 ಮಂದಿಗೆ ದೃಢವಾಗಿದೆ. ಈ ಮೂಲಕ ರಾಜ್ಯದಲ್ಲಿ ಸೋಂಕು ಪೀಡಿತರ ಸಂಖ್ಯೆ 82ಕ್ಕೆ ಏರಿದೆ. ಶನಿವಾರ...

  • ಬಂಟ್ವಾಳ: ದ.ಕ.ಜಿಲ್ಲೆಯಲ್ಲಿ ಮಾ. 27ರಂದು ಒಂದೇ ದಿನ ಎರಡು ಕೋವಿಡ್‌ 19 ಸೋಂಕು ದೃಢ ಪ್ರಕರಣಗಳು ಕಂಡುಬಂದ ಹಿನ್ನೆಲೆಯಲ್ಲಿ ಜಿಲ್ಲಾಡಳಿತ ಸಂಪೂರ್ಣ ಬಂದ್‌ಗೆ ನಿರ್ಧರಿಸಿದ್ದು,...

  • ಉಡುಪಿ: ಉಡುಪಿ ನಗರಸಭೆ ವ್ಯಾಪ್ತಿಯಲ್ಲಿ ಸೋಂಕು ನಿವಾರಕ ರಾಸಾಯನಿಕ ಸಿಂಪಡಣೆಯನ್ನು ನಗರಾದ್ಯಂತ ಮಾಡಲಾಯಿತು. ಸಾಂಕ್ರಾಮಿಕ ರೋಗ ತಡೆಗಟ್ಟಲು ನಗರಸಭೆ, ಅಗ್ನಿಶಾಮಕ...

  • ಬೆಂಗಳೂರು: ಅರಿವಿಲ್ಲದೆ ಆರೆಂಟು ಗಂಟೆಗಳ ಕಾಲ ಕೋವಿಡ್‌ 19 ವೈರಸ್‌ ಸೋಂಕಿತರೊಂದಿಗೆ ಪ್ರಯಾಣ ಬೆಳೆಸಿದ ಸುಮಾರು 22 ಚಾಲನ ಸಿಬಂದಿ ಗೃಹ ಬಂಧನಕ್ಕೆ ಗುರಿಯಾಗಿದ್ದಾರೆ....