ಮೊಹಾಲಿ ಹಾಕಿ ಸ್ಟೇಡಿಯಂಗೆ ಬಲ್ಬೀರ್ ಸಿಂಗ್ ಹೆಸರು
Team Udayavani, May 26, 2020, 5:31 AM IST
ಚಂಡೀಗಢ: ಮೊಹಾಲಿ ಹಾಕಿ ಸ್ಟೇಡಿಯಂಗೆ ಬಲ್ಬೀರ್ ಸಿಂಗ್ ಸೀನಿಯರ್ ಅವರ ಹೆಸರನ್ನು ಇಡಲಾಗುವುದು ಎಂದು ಪಂಜಾಬ್ ಕ್ರೀಡಾ ಸಚಿವ ರಾಣಾ ಗುರ್ಮೀತ್ ಸಿಂಗ್ ಸೋಧಿ ಹೇಳಿದ್ದಾರೆ. ಬಲ್ಬೀರ್ ಅವರ ಅಂತ್ಯಕ್ರಿಯೆಯಲ್ಲಿ ಸರಕಾರದ ಪ್ರತಿನಿಧಿಯಾಗಿ ಪಾಲ್ಗೊಂಡ ಅವರು ಸುದ್ದಿಗಾರರಲ್ಲಿ ಈ ವಿಷಯ ತಿಳಿಸಿದರು.
ಸೋಮವಾರ ಸಂಜೆ ಸಕಲ ಸರಕಾರಿ ಗೌರವಗಳೊಂದಿಗೆ ಸಿಕ್ಖ್ ಸಂಪ್ರದಾಯದಂತೆ ಬಲ್ಬೀರ್ ಅವರ ಅಂತ್ಯಕ್ರಿಯೆಯನ್ನು ನೆರವೇರಿಸಲಾಯಿತು.