Antarctic ನಲ್ಲಿ ಬೃಹತ್ ಸುನಾಮಿ?: ಹವಾಮಾನ ಬದಲಾವಣೆ ಪರಿಣಾಮ ಕಾರಣ ಶಂಕೆ
Team Udayavani, May 30, 2023, 7:55 AM IST
ವಾಷಿಂಗ್ಟನ್ :ಜಾಗತಿಕ ಹವಾಮಾನ ಬದಲಾವಣೆ ವಿಶ್ವರಾಷ್ಟ್ರಗಳಿಗೆ ಸವಾಲಾಗಿರುವ ನಡುವೆಯೇ, ನೀರ್ಗಲ್ಲುಗಳ ಪ್ರದೇಶ ಅಂಟಾರ್ಟಿಕದಲ್ಲಿ ಬೃಹತ್ ಸುನಾಮಿ ಸೃಷ್ಟಿಯಾಗಲಿದೆ ಎಂಬ ಆತಂಕ ಎದ್ದಿದೆ. ಅದು ಜಗತ್ತಿನ ಮೇಲೆ ಭೀಕರ ಪರಿಣಾಮ ಬೀರುವ ಸಾಧ್ಯತೆಗಳಿವೆ.
ಯುನೈಟೆಡ್ ಕಿಂಗ್ಡಮ್ನಲ್ಲಿರುವ ಪ್ಲೇಮೌತ್ ವಿವಿಯ ವಿಜ್ಞಾನಿಗಳು ಅಂಟಾರ್ಟಿಕದಲ್ಲಿ ಸಾಗರತಳದ ಭೂ ಕುಸಿತಕ್ಕೆ ಸಂಬಂಧಿಸಿದ ಕಾರಣಗಳನ್ನು ಪತ್ತೆಹಚ್ಚುವ ಕುರಿತು ಸಂಶೋಧನೆ ನಡೆಸಿದ್ದಾರೆ. ಈ ವೇಳೆ ಪ್ರದೇಶದಲ್ಲಿ ವರ್ಷದಿಂದ ವರ್ಷಕ್ಕೆ ಹೆಚ್ಚುತ್ತಿರುವ ತಾಪಮಾನದ ಪರಿಣಾಮಗಳನ್ನೂ ವರದಿ ಮಾಡಿದ್ದಾರೆ. ತಾಪಮಾನ ಏರಿಕೆಯು ಈ ಹಿಂದಿನ ದಾಖಲೆಗಳನ್ನೂ ಹಿಂದಿಕ್ಕಿ ಹೆಚ್ಚಾಗುತ್ತಲೇ ಇದೆ. ಈ ಹಿಂದೆ ಅಂಟಾರ್ಟಿಕ್ನಲ್ಲಿ ತಾಪಮಾನ 3 ಡಿಗ್ರಿ ಸೆಲ್ಸಿಯಸ್ ಇದ್ದಾಗ ಬೃಹತ್ ಸುನಾಮಿ ಸಂಭವಿಸಿತ್ತು. ಇದೇ ರೀತಿಯ ಅಸ್ತಿರತೆ ಮುಂದುವರಿದರೆ ಮತ್ತೂಮ್ಮೆ ಬೃಹತ್ ಸುನಾಮಿ ಸಂಭವಿಸಲಿದೆ. ಈ ಬಾರಿ ದಕ್ಷಿಣ ಅಮೆರಿಕಾ, ನ್ಯೂಜಿಲೆಂಡ್ ಹಾಗೂ ಆಗ್ನೇಯ ಏಷ್ಯಾದ ತೀರಗಳನ್ನು ಸುನಾಮಿಯ ಅಲೆಗಳು ಅಪ್ಪಳಿಸಲಿದ್ದು, ಜಾಗತಿಕ ಕಂಟಕ ಎದುರಾಗಲಿದೆ ಎಂದು ಸಂಶೋಧಕರು ಎಚ್ಚರಿಕೆ ನೀಡಿದ್ದಾರೆ.
ಶಾಂಘೈನಲ್ಲಿ 100 ವರ್ಷದಲ್ಲೇ ಅತಿ ಹೆಚ್ಚು ಬಿಸಿಲು
ಚೀನಾದ ಶಾಂಘೈನಲ್ಲೂ ಹವಾಮಾನ ವೈಪರೀತ್ಯದ ಪರಿಣಾಮ ಎದುರಾಗಿದ್ದು, 100 ವರ್ಷದಲ್ಲಿ ಇದೇ ಮೊದಲ ಬಾರಿಗೆ ಮೇ ತಿಂಗಳಿನ ಅತಿಹೆಚ್ಚು ತಾಪಮಾನವನ್ನು ನಗರ ವರದಿಮಾಡಿದೆ. ಶಾಂಘೈನ ಕ್ಸು ಜಿಯಾಹುಯಿ ಎನ್ನವ ಪ್ರದೇಶದಲ್ಲಿ ಸೋಮವಾರ 36.1 ಡಿಗ್ರಿ ಸೆಲ್ಸಿಯಸ್ ತಾಪಮಾನ ದಾಖಲಾಗಿದೆ. ಇದು 100 ವರ್ಷಗಳಲ್ಲೇ ದಾಖಲಾದ ಅತಿಹೆಚ್ಚು ತಾಪಮಾನ. ಇದಕ್ಕೂ ಮುಂಚೆ 1876ರಲ್ಲಿ 35.7 ಡಿಗ್ರಿ ಸೆಲ್ಸಿಯಸ್ ತಾಪಮಾನ ಶಾಂಘೈನಲ್ಲಿ ದಾಖಲಾಗಿತ್ತು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Hubli;ತಪ್ಪಿತಸ್ಥರಿಗೆ ಶಿಕ್ಷೆ ಆಗಲೇಬೇಕು: ನೇಹಾ ಮನೆಗೆ ಫಕೀರ ಸಿದ್ಧರಾಮೇಶ್ವರ ಶಿವಯೋಗಿ ಭೇಟಿ
Davanagere; ಗಾಯಿತ್ರಿ ಸಿದ್ದೇಶ್ವರ್ ಅಂತಿಮ ನಾಮಪತ್ರ ಸಲ್ಲಿಕೆ; ಭರ್ಜರಿ ಮೆರವಣಿಗೆ
Rain: ಕಟಪಾಡಿ-ಶಿರ್ವ ರಾಜ್ಯ ಹೆದ್ದಾರಿ; ಮೊದಲ ಮಳೆಯ ಅವಾಂತರ; ರಸ್ತೆ ಕೆಸರುಮಯ
Gadag ಬೆಳ್ಳಂಬೆಳಗ್ಗೆ ವರುಣಾರ್ಭಟ ಆರಂಭ; ಮುಂಗಾರು ನಿರೀಕ್ಷೆ ಹೆಚ್ಚಿಸಿದ ಅಶ್ವಿನಿ ಮಳೆ
Mahanadi River Tragedy: ಮಗುಚಿದ 50 ಜನರಿದ್ದ ದೋಣಿ; ಇಬ್ಬರು ಸಾವು; ಎಂಟು ಮಂದಿ ನಾಪತ್ತೆ