Pavagada: ವಿಷಕಾರಿ ಸೊಪ್ಪು ತಿಂದು 42 ಕುರಿಗಳು ಸಾವು
Team Udayavani, Feb 2, 2024, 4:53 PM IST
ಪಾವಗಡ: ವಿಷಕಾರಿ ಆಹಾರ ಸೇವನೆಯಿಂದಾಗಿ 42 ಕುರಿಗಳು ಸಾವನ್ನಪ್ಪಿರುವ ಘಟನೆ ಶುಕ್ರವಾರ ಮಧ್ಯಾಹ್ನ12 ಗಂಟೆಯ ಸಮಯದಲ್ಲಿ ಪಾವಗಡ ತಾಲೂಕಿನ ನಾಗಲಮಡಿಕೆ ಹೋಬಳಿಯ ವಡ್ರೆವು ಗ್ರಾಮದ ಸಮೀಪದ ಜಮೀನೊಂದರಲ್ಲಿ ನಡೆದಿದೆ.
ವಡ್ರೆವು ಗ್ರಾಮದ ಗೋಪಾಲ, ಆಂಜನೇಯ,ರಂಗಮ್ಮ, ಎನ್ನುವರು ಕುರಿಗಳನ್ನುಹೊಲಗಳಲ್ಲಿ ಮೇಯಿಸಲು ಹೋಗಿದ್ದು ಈ ಸಂದರ್ಭದಲ್ಲಿ ಜಮೀನೊಂದರಲ್ಲಿ ಇದ್ದ ವಿಷಕಾರಿ ಸೊಪ್ಪನ್ನು ತಿಂದು ಮೂರು ರೈತರಿಗೆ ಸೇರಿದ ಸುಮಾರು 42 ಕುರಿಗಳು ಸಾವನಪ್ಪಿರುವ ಘಟನೆ ನಡೆದಿದೆ. ಗೋಪಾಲ ಅವರಿಗೆ ಸೇರಿದ 27 ಕುರಿಗಳು, ಅಂಜನೇಯನಿಗೆ ಸೇರಿದ 9 ಕುರಿಗಳು, ರಂಗಮ್ಮಗೆ ಸೇರಿದ 6 ಕುರಿಗಳು ಸತ್ತಿವೆ.
ಇದಕ್ಕೆ ಸಂಬಂಧಪಟ್ಟಂತೆ ಪಾವಗಡ ಪಶುಪಾಲನಾ ಇಲಾಖೆಯ ಸಹಾಯಕ ನಿರ್ದೇಶಕರಾದ ಹೋರಕೇರಪ್ಪ ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲಿಸಿ ಕುರಿಗಳ ಮರಣೋತ್ತರ ಪರೀಕ್ಷೆಯನ್ನು ನಡೆಸಿ ಒಂದಷ್ಟು ಮಾದರಿಗಳನ್ನು ಪ್ರಯೋಗಾಲಯಕ್ಕೆ ರವಾನಿಸಿದ್ದಾರೆ.
ಕುರಿಗಳನ್ನೇ ಜೀವನಾಧಾರ ಮಾಡಿಕೊಂಡಿದ್ದ ರೈತ ಮಹಿಳೆ ರಂಗಮ್ಮ ಅವರ ಎಲ್ಲಾ ಕುರಿಗಳೂ ಸಾವನ್ನಪ್ಪಿದ್ದು, ಬದುಕಿಗೆ ಏನು ಮಾಡಬೇಕೆಂದು ತಿಳಿಯದೆ ಕಂಗಾಲಾಗಿದ್ದಾರೆ.