50 ಕಂಪನಿಗಳಿದ್ದರೂ ನೌಕರಿ ಸಿಕ್ಕಿದ್ದು 50 ಮಂದಿಗಷ್ಟೆ!
4,004 ಹುದ್ದೆ ಗಳಿಗೆ 50 ಮಂದಿಯಷ್ಟೇ ಆಯ್ಕೆ! ಉದ್ಯೋಗ ಮೇಳಕ್ಕೆ 3122 ಉದ್ಯೋಗಾಕಾಂಕ್ಷಿಗಳು ಹಾಜರು
Team Udayavani, Aug 31, 2021, 3:56 PM IST
ಮೈಸೂರು: ನಗರದಲ್ಲಿ ನಡೆದ ಮಿನಿ ಉದ್ಯೋಗ ಮೇಳದಲ್ಲಿ 50 ಮಂದಿ ವಿವಿಧ ಕಂಪನಿಗಳಿಗೆ ನೇಮಕಾತಿ ಮೂಲಕ ಆಯ್ಕೆಯಾದರೆ, 685 ಮಂದಿ ಸಂದರ್ಶನಕ್ಕೆ ಆಯ್ಕೆಯಾದರು.
ಕೈಗಾರಿಕಾ ತರಬೇತಿ ಮತ್ತು ಉದ್ಯೋಗ ಇಲಾಖೆ, ಕೌಶಲ್ಯಭಿವೃದ್ಧಿ ಇಲಾಖೆ ಕಾರ್ಮಿಕ ಇಲಾಖೆ ಮತ್ತು ಜಿಲ್ಲಾಡಳಿತ ಸಂಯುಕ್ತಾಶ್ರಯದಲ್ಲಿ ನಗರದ ವಸ್ತು ಪ್ರದರ್ಶನ ಆವರಣದಲ್ಲಿ ಏರ್ಪಡಿಸಿದ್ದ ಮಿನಿ ಉದ್ಯೋಗ ಮೇಳದಲ್ಲಿ ಕೊರೊನಾ ಸಮಯದಲ್ಲಿ ಕೆಲಸ ಕಳೆದುಕೊಂಡವರು ಹಾಗೂ ಕೊರೊನೋತ್ತರ ಉದ್ಯೋಗದ ಆಸೆ ಹೊತ್ತ 3,122ಕ್ಕೂ ಹೆಚ್ಚು ಉದ್ಯೋಗಾಕಾಂಕ್ಷಿಗಳು ಭಾಗವಹಿಸಿದ್ದರು.
ಸೋಮವಾರ ದಿನವಿಡೀ ನಡೆದ ಉದ್ಯೋಗ ಮೇಳಕ್ಕೆಗ್ರಾಮೀಣಭಾಗದಯುವಕ,ಯುವತಿಯರ ಹೆಚ್ಚಾಗಿ ಆಗಮಿಸಿದ್ದರು. ಉದ್ಯೋಗ ಮೇಳಕ್ಕೆ ಬಂದವರಲ್ಲಿ ಬಹುತೇಕರು ಬಿಎ, ಬಿಕಾಂ, ಬಿಎಸ್ಸಿ ಹಾಗೂ ಎಂ.ಎ. ವಿದ್ಯಾರ್ಥಿಗಳೇ ಇದ್ದರು.
ಇದನ್ನೂ ಓದಿ:ಕ್ರಿಕೆಟ್ ಗೆ ವಿದಾಯ ಘೋಷಿಸಿದ ದಕ್ಷಿಣ ಆಫ್ರಿಕಾದ ವೇಗಿ ಡೇಲ್ ಸ್ಟೇನ್
ಫ್ರೆಷರ್ ಗೆ ನಿರಾಸೆ: ಕೆಲವೊಂದು ಕಂಪನಿಗಳು ಫ್ರೆಷರ್ ಗಳನ್ನು ತೆಗೆದುಕೊಳ್ಳಲು ನಿರಾಸಕ್ತಿ ತೋರಿದವು. ಬಹುತೇಕ ಕಂಪನಿಗಳು ವಿದ್ಯಾರ್ಥಿಗಳಿಂದ ರೆಸ್ಯೂಮೆ ಪಡೆದು ತಿಳಿಸುವುದಾಗಿ ಹೇಳಿದವು. ಅನೇಕ ಕಂಪನಿಗಳು ಅನುಭವಿಗಳನ್ನು ನೋಡುತ್ತಿದ್ದ ವಾದವೂ ಕಡಿಮೆ
ಸಂಬಳಕ್ಕೆ ಬರುವಂತೆ ಆಹ್ವಾನಿಸಿದ್ದರಿಂದ ಅನೇಕರು ಹಿಂದೆ ಸರಿಯುತ್ತಿದ್ದ ದೃಶ್ಯ ಕಂಡುಬಂದಿತು. ಇನ್ನೂ ಕೆಲವರು ಕೌಶಲಗಳಲ್ಲಿ ಹಿನ್ನಡೆಯಾಗಿದ್ದರಿಂದ ಖಾಲಿಯಿದ್ದ 4004 ಹುದ್ದೆಗಳಿಗೆ ಕೇವಲ 50 ಮಂದಿಯಷ್ಟೇ ನೇಮಕಾತಿ ಆದೇಶ ಪಡೆದಿದ್ದುಕಂಡು ಬಂದಿತು.
ಬಹುತೇಕರು ಇಂಗ್ಲಿಷ್ ಭಾಷಾ ಕೊರತೆ, ಟ್ಯಾಲಿ ಮತ್ತು ಫೀಲ್ಡ್ ವರ್ಕ್ ಕೆಲಸವಾಗಿದ್ದರಿಂದಲೂ ಅನೇಕರು ನಿರಾಸಕ್ತಿ ತೋರಿದರು. ಇನ್ನೂ ಅನೇಕ ವಿದ್ಯಾರ್ಥಿಗಳು ಇಂತಹ ಮೇಳಗಳು ಮತ್ತಷ್ಟು ಹೆಚ್ಚಾಗಿ ನಡೆಯ ಬೇಕಿದೆ. ಅಲ್ಲದೆ ಬಂದಿರುವ ಕಂಪನಿಗಳಲ್ಲಿ ಸಾಕಷ್ಟು ಫಿಲ್ಡ್ ವರ್ಕ್ ಆಧಾರಿತ ಕಂಪನಿಗಳಾಗಿದ್ದು, ಆಫೀಸ್ ವರ್ಕ್ ಕಂಪನಿಗಳು ಬಂದೆ ಇಲ್ಲ ಎಂದು ದೂರಿದರು. ಒಟ್ಟಾರೆ ಕೋವಿಡ್ ನಂತರ ನಡೆದ ಉದ್ಯೋಗ
ಮೇಳಕ್ಕೆ ನಿರೀಕ್ಷೆಗೂ ಮೀರಿದ ವಿದ್ಯಾರ್ಥಿಗಳ ಸ್ಪಂದನೆ ದೊರೆತಿತ್ತಾದರೂ ಉದ್ಯೋಗಾಕಾಂಕ್ಷಿಗಳು ಸೂಕ್ತಕೆಲಸ ಪಡೆಯುವಲ್ಲಿ ವಿಫಲರಾದರು.
ಉದ್ಯೋಗ ಮೇಳಕ್ಕೆ ಶಾಸಕ ರಾಮದಾಸ್ ಚಾಲನೆ ನೀಡಿದರು. ಇದೇ ವೇಳೆ ಜಿಲ್ಲಾ ಕೈಗಾರಿಕಾ ಕೇಂದ್ರದ ಜಂಟಿ ನಿರ್ದೇಶಕ ಲಿಂಗರಾಜು ಸೇರಿದಂತೆ ಹಲವು ಮಂದಿ ಉಪಸ್ಥಿತರಿದ್ದರು.
50ಕ್ಕೂ ಹೆಚ್ಚು ಪ್ರತಿಷ್ಟಿತ ಕಂಪನಿಗಳು ಭಾಗಿ
ಉದ್ಯೋಗ ಮೇಳದಲ್ಲಿ ಎಕ್ಸೆಲ್ ಸಾಫ್ಟ್, ತಿಯರಮ್ಸ್, ದೊಡ್ಡಕೈಗಾರಿಕೆಗಳ ಪೈಕಿ ಪ್ರಮುಖವಾಗಿ ಬೆಮಲ್, ಜೆ.ಕೆ. ಟೈರ್, ರಾಣೆ ಮದ್ರಾಸ್, ದುರ್ಗಾ ಸಲ್ಯೂಷನ್, ಗ್ರಾಸ್ ರೂಟ್ಸ್, ಆದಿತ್ಯಾ ಬಿರ್ಲಾ,ಕಾವೇರಿ ಮಲ್ಟಿ ಸ್ಪೆಷಾಲಿಟಿ ಆಸ್ಪತ್ರೆ, ನಂಜನಗೂಡಿನ ನೆಸ್ಲೆ, ಜುಬಿಲಿಯಂಟ್, (ಯು.ಬಿ)ಯುನೈಟೆಡ್ ಬ್ರಿವರೀಸ್, ಸೆಕ್ಯೂರಿಟಿ ಏಜನ್ಸಿಗಳು, ಗಾರ್ಮೆಂಟ್ಸ್, ಹೆಲ್ತ್ ಸೆಕ್ಟರ್ನಂತಹ50ಕ್ಕೂ ಹೆಚ್ಚು ಪ್ರತಿಷ್ಟಿತಕಂಪನಿಗಳು ಭಾಗವಹಿಸಿದ್ದವು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Arunachal Village: ಕೇವಲ ಒಂದು ಮತಕ್ಕಾಗಿ ಚುನಾವಣಾ ಅಧಿಕಾರಿಗಳ 40 ಕಿ.ಮೀ ಕಾಲ್ನಡಿಗೆ!
SSLC ಪರೀಕ್ಷೆ ವೇಳೆ ಉತ್ತರ ತೋರಿಸಲಿಲ್ಲ ಎಂದು ಸಹಪಾಠಿಗೆ ಚಾಕು ಇರಿದ ವಿದ್ಯಾರ್ಥಿಗಳು
Bengaluru: ಸಾಲ ವಸೂಲಿ ಹೆಸರಲ್ಲಿ ಆಟೋ ವಶ, ಧರ್ಮ ನಿಂದನೆ: ಬಂಧನ
Shocking: ಮುಸುಧಾರಿಗಳಿಂದ ಗುರುದ್ವಾರದ ಸಿಬ್ಬಂದಿಯ ಗುಂಡಿಕ್ಕಿ ಹತ್ಯೆ.. ಭಯಾನಕ ದೃಶ್ಯ ಸೆರೆ
Bengaluru: ಪೇಂಟರ್ ಕೊಂದು ಪೊಲೀಸ್ ಠಾಣೆಗೆ ಬಂದು ಸಿಕ್ಕಿಬಿದ್ದ ಸ್ನೇಹಿತರು