ಈ ಬಾರಿಯ ಮುಂಗಾರು ಉತ್ತಮ: ಸ್ಕೈಮೆಟ್ ಭವಿಷ್ಯ
Team Udayavani, Apr 13, 2022, 7:15 AM IST
ಹೊಸದಿಲ್ಲಿ: ಈ ಬಾರಿಯ ಮುಂಗಾರು ಮಳೆ ಸಹಜವಾಗಿ ಸುರಿಯಲಿದ್ದು, ಶೇ. 98ರಷ್ಟು ದೀರ್ಘಕಾಲಿಕ ಸರಾಸರಿ (ಎಲ್ಪಿಎ) ಮಳೆ ತರಲಿದೆ ಎಂದು ಖಾಸಗಿ ಹವಾಮಾನ ಮುನ್ಸೂಚನ ಸಂಸ್ಥೆ ಸ್ಕೈಮೆಟ್ ಮಂಗಳವಾರ ಭವಿಷ್ಯ ನುಡಿದಿದೆ.
ಮುಂಗಾರಿನ ಮೊದಲ ಅರ್ಧ ಭಾಗ ಅಂದರೆ ಜೂನ್-ಜುಲೈ ಅವಧಿಯಲ್ಲಿ ಉತ್ತರಾರ್ಧದ ಆಗಸ್ಟ್ ಮತ್ತು ಸಪ್ಟೆಂಬರ್ಗಿಂತ ಉತ್ತಮ ಮಳೆಯಾಗಲಿದೆ ಎಂದು ಸ್ಕೈಮೆಟ್ ತಿಳಿಸಿದೆ. ಉತ್ತಮ ಮುಂಗಾರು ಕೃಷಿ ಉತ್ಪಾದನೆಯನ್ನು ಹೆಚ್ಚಿಸಲಿದ್ದು, ಹಣದುಬ್ಬರ ತಗ್ಗಿಸಲು ಮತ್ತು ಆರ್ಥಿಕತೆಗೆ ಚೈತನ್ಯ ತುಂಬುವ ನಿರೀಕ್ಷೆ ಯಿದೆ.
ಪಂಜಾಬ್, ಹರಿಯಾಣ ಮತ್ತು ಉತ್ತರ ಪ್ರದೇಶ; ಮಧ್ಯ ಭಾರತದ ಮಹಾರಾಷ್ಟ್ರ ಮತ್ತು ಮಧ್ಯ ಪ್ರದೇಶಗಳಲ್ಲಿ ವಾಡಿಕೆಗಿಂತ ಹೆಚ್ಚು ಮಳೆಯಾಗುವ ನಿರೀಕ್ಷೆಯಿದೆ. ಕೇರಳ, ಕರ್ನಾಟಕದ ಉತ್ತರ ಒಳನಾಡು, ರಾಜಸ್ಥಾನ, ಗುಜರಾತ್ ಮತ್ತು ಈಶಾನ್ಯ ಭಾರತದಲ್ಲಿ ಕಡಿಮೆ ಮಳೆ ಬೀಳಲಿದೆ ಎಂದು ಸ್ಕೈಮೆಟ್ ತಿಳಿಸಿದೆ.