Reservation: ಮಹಿಳಾ ಮೀಸಲು: ಕಾಂಗ್ರೆಸ್ 21 ಸುದ್ದಿಗೋಷ್ಠಿ
Team Udayavani, Sep 25, 2023, 10:23 PM IST
ನಾಗ್ಪುರ: “ಮಹಿಳಾ ಮೀಸಲು ವಿಧೇಯಕವು ರಾಜಕೀಯವಾಗಿ ಬಿಜೆಪಿಗೆ ಸರಿಹೊಂದುತ್ತದೆ. ಆದರೆ ಅದರ ಅನುಷ್ಠಾನವು ಆ ಪಕ್ಷದ “ಮನುವಾದಿ” ಸಿದ್ಧಾಂತಕ್ಕೆ ಸರಿಹೊಂದುವುದಿಲ್ಲ” ಎಂದು ಕಾಂಗ್ರೆಸ್ ನಾಯಕಿ ಅನುಮ ಆಚಾರ್ಯ ವ್ಯಂಗ್ಯವಾಡಿದ್ದಾರೆ.
ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, “ಜನಗಣತಿ ಹಾಗೂ ಲೋಕಸಭೆ ಮತ್ತು ರಾಜ್ಯಗಳ ವಿಧಾನಸಭೆ ಕ್ಷೇತ್ರಗಳ ಮರುವಿಂಗಡಣೆ ನಂತರವಷ್ಟೇ ಮಹಿಳಾ ಮೀಸಲು ಕಾಯ್ದೆ ಜಾರಿಗೆ ಬರಲಿದೆ. ಈ ಮೂಲಕ ಬೇಕೆಂದೇ ಇದರ ಅನುಷ್ಠಾನವನ್ನು 10ರಿಂದ 12 ವರ್ಷಗಳವರೆಗೆ ಬಿಜೆಪಿ ಮುಂದೂಡಿದೆ’ ಎಂದು ಆರೋಪಿಸಿದ್ದಾರೆ. “ಮಹಿಳಾ ಮೀಸಲಾತಿ ವಿಚಾರದಲ್ಲಿ ಬಿಜೆಪಿಯ ಬಣ್ಣ ಬಯಲು’ ಮಾಡುವುದಾಗಿ ಹೇಳಿದ್ದ ಕಾಂಗ್ರೆಸ್, ಸೋಮವಾರ ದೇಶಾದ್ಯಂತ 21 ನಗರಗಳಲ್ಲಿ 21 ಸುದ್ದಿಗೋಷ್ಠಿಗಳನ್ನು ಮಾಡಿದೆ.