Bhiwani; ಶೂಟ್ ಮಾಡಲು ಬಂದ ದುಷ್ಕರ್ಮಿಗಳಿಗೆ ಪೊರಕೆಯಿಂದ ಓಡಿಸಿದ ಮಹಿಳೆ; VIDEO

Team Udayavani, Nov 28, 2023, 2:10 PM IST

ಹೊಸದಿಲ್ಲಿ: ಲಾರೆನ್ಸ್‌ ಗ್ಯಾಂಗ್‌ ದರೋಡೆಕೋರ ರವಿ ಬಾಕ್ಸರ್‌ ಹತ್ಯೆ ಪ್ರಕರಣದ ಆರೋಪಿ ಹರಿಕಿಶನ್‌ ಅಲಿಯಾಸ್‌ ಹರಿಯಾ ಎಂಬಾತನ ಮೇಲೆ ಎರಡು ಬೈಕ್‌ಗಳಲ್ಲಿ ಬಂದ ನಾಲ್ವರು ದುಷ್ಕರ್ಮಿಗಳು ಸೋಮವಾರ ಬೆಳಗ್ಗೆ ನಡೆಸಿದ ಗುಂಡಿನ ದಾಳಿಗೆ ಭಿವಾನಿಯ ದಬರ್‌ ಕಾಲೋನಿ ತತ್ತರಿಸಿ ಹೋಗಿದೆ.

ಇತ್ತೀಚೆಗೆ ಜಾಮೀನಿನ ಮೇಲೆ ಹೊರಬಂದ ಹರಿಯಾ ಮೇಲೆ ನಾಲ್ಕು ಬಾರಿ ಗುಂಡು ಹಾರಿಸಿದ್ದು, ಅವರನ್ನು ರೋಹ್ಟಕ್‌ ನಲ್ಲಿರುವ ಪಿಜಿಐಎಂಎಸ್‌ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಮಾಹಿತಿ ಪಡೆದ ಪೊಲೀಸರು ಸ್ಥಳಕ್ಕೆ ಆಗಮಿಸಿ ತನಿಖೆ ಆರಂಭಿಸಿದ್ದಾರೆ.

ಆದರೆ ಘಟನೆಯ ಬಗೆಗಿನ ವಿಡಿಯೋವೊಂದು ಇದೀಗ ಭಾರಿ ವೈರಲ್ ಆಗುತ್ತಿದೆ. ಹರಿಯಾ ನೆರೆಮನೆಯ ಮಹಿಳೆಯೊಬ್ಬರು ಕೈಯಲ್ಲಿ ಪೊರಕೆ ಹಿಡಿದು ಶೂಟ್ ಮಾಡಲು ಬಂದ ದುಷ್ಕರ್ಮಿಗಳನ್ನು ಎದುರಿಸಿದ ವಿಡಿಯೋ ಈಗ ಸಾಮಾಜಿಕ ಜಾಲಾಣಗಳಲ್ಲಿ ಭಾರೀ ಸದ್ದು ಮಾಡುತ್ತಿದೆ. ಮಹಿಳೆಯ ಧೈರ್ಯದ ಕಾರ್ಯಕ್ಕೆ ಸಾಮಾಜಿಕ ಜಾಲತಾಣದ ಜನತೆ ಶಹಭಾಸ್ ಗಿರಿ ಕೊಟ್ಟಿದ್ದಾರೆ.

ಇದನ್ನೂ ಓದಿ:UP: ಬುರ್ಖಾ ಧರಿಸಿಕೊಂಡು ಫ್ಯಾಷನ್‌ ಶೋನಲ್ಲಿ ಭಾಗಿಯಾದ ವಿದ್ಯಾರ್ಥಿನಿಯರು; ಸಂಘಟನೆ ಗರಂ

ಹರಿಯಾ ಮನೆಯ ಹೊರಗೆ ನಿಂತಿದ್ದಾಗ ಎರಡು ಬೈಕ್ ನಲ್ಲಿ ಬಂದ ನಾಲ್ವರು ದುಷ್ಕರ್ಮಿಗಳು ಬೈಕ್ ನಿಲ್ಲಿಸಿ ಗುಂಡು ಹಾರಿಸಿದ್ದಾರೆ. ಕೂಡಲೇ ಹರಿಯಾ ಮನೆಯ ಗೇಟ್ ಒಳಗೆ ಓಡಿದ್ದಾರೆ. ಗುಂಡಿನ ಶಬ್ದ ಕೇಳಿದ ಓಡಿ ಬಂದ ಮಹಿಳೆ ತನ್ನ ಕೈಯಲ್ಲಿ ಕೋಲು ಕಟ್ಟಿದ್ದ ಪೊರಕೆಯನ್ನು ದುಷ್ಕರ್ಮಿಗಳತ್ತ ಬೀಸಿದ್ದಾರೆ. ದುಷ್ಕರ್ಮಿಗಳು ಗುಂಡಿನ ದಾಳಿ ನಿಲ್ಲಿಸಿದ್ದು ಮಾತ್ರವಲ್ಲದೆ, ಬೈಕ್ ಏರಿ ಪರಾರಿಯಾಗಿದ್ದಾರೆ.

Four to five miscreants riding on two bikes opened fire on a person standing outside his house in #Bhiwani district of #Haryana. pic.twitter.com/4AJuOBe8Vc

— Hate Detector 🔍 (@HateDetectors) November 27, 2023