ಪ್ರಾದೇಶಿಕ ಭಾಷೆಗಳಲ್ಲಿ ಬ್ಯಾಂಕ್ ಗುಮಾಸ್ತ ಹುದ್ದೆಗೆ ನೇಮಕಾತಿ ಪರೀಕ್ಷೆ ?
Team Udayavani, Oct 1, 2021, 8:20 AM IST
ಹೊಸದಿಲ್ಲಿ: ಸಾರ್ವಜನಿಕ ರಂಗದ ಬ್ಯಾಂಕ್ (ಪಿಎಸ್ಬಿ)ಗಳಲ್ಲಿ ಗುಮಾಸ್ತ ಹುದ್ದೆಗೆ ನೇಮಕಾತಿ ಪರೀಕ್ಷೆಗಳನ್ನು 13 ಪ್ರಾದೇಶಿಕ ಭಾಷೆ ಗಳಲ್ಲಿಯೂ ನಡೆಸುವಂತೆ ವಿತ್ತ ಸಚಿವಾಲ ಯವು ಬ್ಯಾಂಕಿಂಗ್ ಸಿಬಂದಿ ನೇಮಕಾತಿ ಸಂಸ್ಥೆ (ಐಬಿಪಿಎಸ್)ಗೆ ಸಲಹೆ ನೀಡಿದೆ.
ಈ ಸಂಬಂಧ ರಚನೆಯಾಗಿದ್ದ ಉನ್ನತ ಮಟ್ಟದ ಸಮಿತಿಯ ಶಿಫಾರಸುಗಳಂತೆ ಈ ಸಲಹೆ ನೀಡಿರುವುದಾಗಿ ವಿತ್ತ ಸಚಿವಾಲಯ ತಿಳಿಸಿದೆ. ಈ ಸಮಿತಿಯ ಶಿಫಾರಸು ಲಭ್ಯವಾಗುವವರೆಗೆ ಪಿಎಸ್ಬಿಗಳ ಗುಮಾಸ್ತ ಶ್ರೇಣಿಯ ಎಲ್ಲ ನೇಮಕಾತಿಗಳನ್ನು ತಡೆ ಹಿಡಿಯ ಲಾಗಿತ್ತು ಎಂದು ಅದು ಹೇಳಿದ್ದು, ಇದು ಸದ್ಯವೇ ಕಾರ್ಯರೂಪಕ್ಕೆ ಬರುವ ನಿರೀಕ್ಷೆ ಮೂಡಿಸಿದೆ.