ಉತ್ತರ ಧ್ರುವದಿಂದ ಬೆಂಗಳೂರು ಅಂಗಳಕ್ಕೆ ವಿಮಾನ ಆಗಮನ
Team Udayavani, Jan 9, 2021, 6:00 AM IST
ಹೊಸದಿಲ್ಲಿ: ಅಮೆರಿಕದ ಸ್ಯಾನ್ಫ್ರಾನ್ಸಿಸ್ಕೋದಿಂದ ಬೆಂಗಳೂರಿಗೆ ಸಂಚಾರ ನಡೆಸಲಿರುವ ಏರ್ ಇಂಡಿಯಾ ವಿಮಾನ ಉತ್ತರ ಧ್ರುವ ಮೂಲಕ ಹಾರಾಟ ನಡೆಸಲಿದೆ. ವಿಶ್ವದ ಅತ್ಯಂತ ಹೆಚ್ಚಿನ ದೂರ, 16 ಸಾವಿರ ಕಿಮೀ ಪ್ರಯಾಣ ಮಾಡುವ ಮೂಲಕ ಜ.9ರಂದು ಬೆಂಗಳೂರಿಗೆ ಆಗಮಿ ಸಲಿದೆ. ಅದರ ಮತ್ತೂಂದು ವಿಶೇಷತೆ ಏನೆಂದರೆ ಪೂರ್ಣ ಪ್ರಮಾಣದಲ್ಲಿ ಮಹಿಳಾ ಸಿಬಂದಿ ಕರ್ತವ್ಯ ನಿರ್ವಹಿಸಲಿದ್ದಾರೆ. ಅವರಿಗೆ ಕ್ಯಾ| ಝೋಯಾ ಅಗರ್ವಾಲ್ ನಾಯಕಿ. ಈ ಬಗ್ಗೆ ಹೇಳಿಕೆ ನೀಡಿರುವ ಏರ್ ಇಂಡಿಯಾ “ಉತ್ತರ ಧ್ರುವದ ಮೇಲೆ ಹಾರಾಟ ನಡೆಸುವುದು ವಿಮಾನದ ಸಿಬ್ಬಂದಿಯ ಅನುಭವ ಮತ್ತು ಪರಿಣತಿಯನ್ನು ಒರೆಗೆ ಹಚ್ಚುತ್ತದೆ’ ಎಂದಿದೆ.
ಈ ಬಗ್ಗೆ ಪ್ರತಿಕ್ರಿಯೆ ನೀಡಿದ ಕ್ಯಾ| ಝೋಯಾ “ಇದು ನಿಜಕ್ಕೂ ಹೆಮ್ಮೆಯ ವಿಚಾರ. ನನ್ನ ಮೇಲೆ ನಂಬಿಕೆ ಇರಿಸಿ ನಾಗರಿಕ ವಿಮಾನಯಾನ ಸಚಿವಾಲಯ ನೀಡಿದ ಹೊಣೆಯನ್ನು ನಿಭಾಯಿಸಲಿದ್ದೇನೆ. ಸ್ಯಾನ್ಫ್ರಾನ್ಸಿಸ್ಕೋದಿಂದ ಬೆಂಗಳೂರಿಗೆ ಬೋಯಿಂಗ್ 777ನ ಆರಂಭಿಕ ವಿಮಾನವನ್ನು ದೂರದ ಸಂಚಾರ ದಾರಿಯ ಮೂಲಕ ಹಾರಿಸಿಕೊಂಡು ಬರುವುದು ಹೆಮ್ಮೆ’ ಎಂದಿದ್ದಾರೆ. 2013ರಲ್ಲಿ ಬೋಯಿಂಗ್ 777 ವಿಮಾನವನ್ನು ಹಾರಿಸಿದ ಹೆಗ್ಗಳಿಕೆಯೂ ಝೋಯಾಗೆ ಇದೆ. ಜತೆಗೆ ಉತ್ತರ ಧ್ರುವದ ಮೂಲಕ ವಿಮಾನ ಹಾರಿಸಿದ ಮೊದಲ ಮಹಿಳಾ ಕಮಾಂಡರ್ ಎನ್ನುವ ಹಿರಿಮೆಯೂ ಅವರದ್ದಾಗಲಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Brahmos; ಫಿಲಿಪ್ಪೀನ್ಸ್ಗೆ ಬ್ರಹ್ಮೋಸ್: ಭಾರತದ ಮೊದಲ ರಫ್ತು
EC ಚುನಾವಣ ಆಯೋಗ ಅಲ್ಲ, ಬಿಜೆಪಿ ಆಯೋಗ: ಮಮತಾ ಬ್ಯಾನರ್ಜಿ ಟೀಕಾಸ್ತ್ರ
ED; ನಾನು ತಿಂದದ್ದು ಮೂರೇ ಮಾವು: ಕೋರ್ಟ್ಗೆ ಕೇಜ್ರಿವಾಲ್ ಮಾಹಿತಿ
Nagaland Poll: ಬೇಡಿಕೆ ಈಡೇರಿಸಿ- ಆರು ಜಿಲ್ಲೆಗಳಲ್ಲಿ ಒಂದೇ ಒಂದು ಮತದಾನ ನಡೆದಿಲ್ಲ!
Manipura: ಮತಗಟ್ಟೆ ಮೇಲೆ ಗುಂಡಿನ ದಾಳಿ… ದಿಕ್ಕಾ ಪಾಲಾಗಿ ಓಡಿದ ಮತದಾರರು