ʼಕಚ್ಚಾ ಬಾದಾಮ್ʼ ವೈರಲ್ ಖ್ಯಾತಿಯ ಭುವನ್ ರಿಂದ ಬರಲಿದೆ ಮತ್ತೊಂದು ಹಾಡು
ಹೋಬೆ ನಕಿ ಬೌʼ ಎಂಬ ಮತ್ತೊಂದು ಹಾಡಿನಲ್ಲೂ ಭುವನ್ ಕಾಣಿಸಿಕೊಂಡಿದ್ದರು.
Team Udayavani, Nov 2, 2022, 5:53 PM IST
ಪಶ್ಚಿಮ ಬಂಗಾಳ: ʼಕಚ್ಚಾ ಬಾದಮ್ʼ ಈ ಹಾಡು ಎಲ್ಲರಿಗೂ ನೆನಪಿರಬಹುದು. ರಾತ್ರೋ ರಾತ್ರಿ ಸಾಮಾನ್ಯ, ಬಡ ಕಡಲೆಕಾಯಿ ವ್ಯಾಪಾರಿಯನ್ನು ಜನಪ್ರಿಯಗೊಳಿಸಿದ ಹಾಡು, ಇಂಟರ್ ನೆಟ್ ಯುಗದಲ್ಲಿರುವವರಿಗೆ ಖಂಡಿತ ಅಷ್ಟು ಬೇಗ ಮರೆಯಲು ಸಾಧ್ಯವಿಲ್ಲ.
ಭುವನ್ ಬಡ್ಯಾಕರ್ ಎಂಬ ಕಡಲೆಕಾಯಿ ವ್ಯಾಪಾರಿ, ಕಡಲೆಯನ್ನು ಮಾರುವಾಗ ಹಾಡಿದ ಹಾಡನ್ನು ಮೊಬೈಲ್ ನಲ್ಲಿ ಚಿತ್ರೀಕರಿಸಿ ಸೋಶಿಯಲ್ ಮೀಡಿಯಾದಲ್ಲಿ ಹರಿದು ಬಿಡಲಾಗಿತ್ತು. ಕೆಲವೇ ಸೆಕೆಂಡ್ ಗಳ ಹಾಡು ಭುವನ್ ಬಡ್ಯಾಕರ್ ಎಂಬ ಸಾಮಾನ್ಯ ಕಡಲೆಕಾಯಿ ವ್ಯಾಪಾರಿಯನ್ನು ವೈರಲ್ ಮಾಡಿದ್ದು ಗೊತ್ತೇ ಇದೆ.
ಫೇಮ್ ಸಿಕ್ಕ ಬಳಿಕ ಕಾರು, ಮನೆ, ಐಷಾರಾಮಿ ಜೀವನವನ್ನು ಮಾಡುತ್ತಿದ್ದ ಭುವನ್ ಬಡ್ಯಾಕರ್ ಕೆಲ ತಿಂಗಳ ಹಿಂದೆ ಕಾರು ಅಪಘಾತದಿಂದ ಗಾಯಗೊಂಡು ಚೇತರಿಸಿಕೊಂಡಿದ್ದರು. ʼ ಹೋಬೆ ನಕಿ ಬೌʼ ಎಂಬ ಮತ್ತೊಂದು ಹಾಡಿನಲ್ಲೂ ಭುವನ್ ಕಾಣಿಸಿಕೊಂಡಿದ್ದರು.
ಇದೀಗ ಭುವನ್ ಇನ್ನೊಂದು ಹಾಡು ಮಾಡಿದ್ದು ಅದನ್ನು ರಿಲೀಸ್ ಮಾಡುವ ತಯಾರಿಯಲ್ಲಿದ್ದಾರೆ. ಈ ಬಗ್ಗೆ ಮಾತನಾಡಿದ ಅವರು, “ನಾನು ಕಡಲೆಕಾಯಿ ಮಾರಲು ಇಷ್ಟಪಡುವುದಿಲ್ಲ ಅಂಥೇನಿಲ್ಲ. ಆದರೆ ಈಗ ನನಗೆ ಅದಕ್ಕೆ ಸಮಯ ಸಿಗುವುದಿಲ್ಲ. ನನ್ನ ಹಾಡುಗಳೇ ನನ್ನ ಜೀವನದ ಪ್ರತಿಬಿಂಬವಾಗಿದೆ. ನನ್ನ ಬಳಿ ಮನೆಯಿದೆ. ಕಾರು ಇದೆ. ಸುಂದರವಾದ ಮಹಿಳೆಯೂ (ಹೆಂಡತಿ) ಇದ್ದಾರೆ ಎಂದು ತಮ್ಮ ಬದುಕಿನ ಬಗ್ಗೆ ಹೇಳಿಕೊಂಡರು.
ಈ ಮೇಲಿನ ವಿಷಯಗಳನ್ನೇ ನಾನು ನನ್ನ ಮುಂದಿನ ಹಾಡಿನಲ್ಲಿ ತೋರಿಸಲಿದ್ದೇನೆ ಎಂದರು. ಹೊಸ ಹಾಡಿನ ರೆಕಾರ್ಡಿಂಗ್ ಕೂಡ ಮುಗಿದದೆ. ‘Ekhon ami bechi na badamʼ (ಈಗ ನಾನು ಕಡಲೆಕಾಯಿ ಮಾರುವುದಿಲ್ಲ) ಎನ್ನುವುದು ಇವರ ಮುಂದಿನ ಆಲ್ಬಂ ಹೆಸರು ಎಂದು ವರದಿ ತಿಳಿಸಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Telangana: ಪಿಯು ಫಲಿತಾಂಶದ ಬೆನ್ನಲ್ಲೇ 7 ವಿದ್ಯಾರ್ಥಿ ಆತ್ಮಹತ್ಯೆ
Baramulla ಗುಂಡಿನ ಚಕಮಕಿಯಲ್ಲಿ ಉಗ್ರರಿಬ್ಬರ ಹತ್ಯೆ; ಇಬ್ಬರು ಸೇನಾ ಸಿಬಂದಿಗೆ ಗಾಯ
CBI ತನಿಖೆ; ಸಂದೇಶಖಾಲಿಯಲ್ಲಿ ಬೀಡುಬಿಟ್ಟ ಕಮಾಂಡೋಗಳು; ಸುಪ್ರೀಂ ಮೆಟ್ಟಿಲೇರಿದ ಸರಕಾರ
ಏ.26ರಂದು 2ನೇ ಹಂತದ ಚುನಾವಣೆ;ರಾಹುಲ್, ತರೂರ್, ಹೇಮಾ ಮಾಲಿನಿ ಹಲವು ಘಟಾನುಘಟಿಗಳು ಕಣದಲ್ಲಿ
EVM, VVPAT ಮತಗಳ ಹೋಲಿಕೆ- ಎಲ್ಲಾ ಅರ್ಜಿ ವಜಾಗೊಳಿಸಿದ ಸುಪ್ರೀಂಕೋರ್ಟ್…ಆದರೆ…