ಮೀಡಿಯಾ ಒನ್ ಟಿವಿ ವಾಹಿನಿಗೆ ನಿಷೇಧ
ಮಲಯಾಳಂ ವಾಹಿನಿ ವಿರುದ್ಧ ಕೇಂದ್ರ ಸರ್ಕಾರದ ಕ್ರಮ; ವಾಹಿನಿ ಬಗ್ಗೆ ಸೆಕ್ಯುರಿಟಿ ಕ್ಲಿಯರೆನ್ಸ್ ನೀಡದ ಕೇಂದ್ರ ಗೃಹ ಇಲಾಖೆ
Team Udayavani, Feb 1, 2022, 6:15 AM IST
ನವದೆಹಲಿ: ಮಲಯಾಳಂನ ಮೀಡಿಯಾ ಒನ್ ಟಿವಿ ವಾಹಿನಿಯ ಕಾರ್ಯಕ್ರಮಗಳ ಪ್ರಸಾರದ ಮೇಲೆ ಕೇಂದ್ರ ಸರ್ಕಾರ ನಿಷೇಧ ಹೇರಿದೆ.
ಪ್ರಸಾರದ ಅನುಮತಿ ಪಡೆದ ವಾಹಿನಿಗಳ ಪಟ್ಟಿಯಿಂದ ಮೀಡಿಯಾ ಒನ್ ಟಿವಿ ವಾಹಿನಿಯನ್ನು ಕೇಂದ್ರ ಮಾಹಿತಿ ಮತ್ತು ಪ್ರಸಾರ ಸಚಿವಾಲಯ ಹೊರಗಿಟ್ಟಿದೆ. ಕೇಂದ್ರ ಗೃಹ ಇಲಾಖೆಯಿಂದ ಈ ವಾಹಿನಿ ಕುರಿತಾಗಿ ಸೆಕ್ಯುರಿಟಿ ಕ್ಲಿಯರೆನ್ಸ್ ಸಿಗದ ಕಾರಣ ಈ ವಾಹಿನಿಯ ಕಾರ್ಯಕ್ರಗಳ ಪ್ರಸಾರಕ್ಕೆ ನಿಷೇಧ ಹೇರಲಾಗಿದೆ ಎಂದು ಮೂಲಗಳು ತಿಳಿಸಿವೆ.
ಅತ್ತ, ಈ ಕುರಿತಂತೆ ಅಧಿಕೃತ ಪ್ರಕಟಣೆ ನೀಡಿರುವ ಮೀಡಿಯಾ ಒನ್ ಟಿವಿ ಸಂಸ್ಥೆ, “ತನ್ನ ಕಾರ್ಯಕ್ರಮಗಳ ಪ್ರಸಾರಕ್ಕೆ ನೀಡಲಾಗಿರುವ ಅನುಮತಿಯನ್ನು ನವೀಕರಣಗೊಳಿಸುವಂತೆ ಕೋರಿ ಕಳೆದ ವರ್ಷವೇ ಅರ್ಜಿ ಸಲ್ಲಿಸಲಾಗಿತ್ತು.
ಇದನ್ನೂ ಓದಿ:ಹಾಕಿ ಪ್ರೊ ಲೀಗ್ : ಭಾರತದ ಮಹಿಳಾ ತಂಡಕ್ಕೆ ಚೀನಾದೆದುರು ಭಾರಿ ಗೆಲುವು
2021ರ ಸೆ. 30ರಿಂದ 2031ರ ಸೆ. 29ರವರೆಗೆ ಪ್ರಸಾರಕ್ಕೆ ಅವಕಾಶ ಕಲ್ಪಿಸುವಂತೆ ಕೋರಲಾಗಿತ್ತು.
ಆದರೆ, ಈಗ ನವೀಕರಣದ ಮನವಿ ತಿರಸ್ಕಾರಗೊಂಡಿದ್ದು ಕಾರ್ಯಕ್ರಮಗಳ ಪ್ರಸಾರಕ್ಕೂ ತಡೆಯೊಡ್ಡಲಾಗಿದೆ. ನಾವು ನ್ಯಾಯಾಲಯದ ಮೊರೆ ಹೋಗುತ್ತೇವೆ’ ಎಂದು ಹೇಳಿದೆ.