ಕೊರಿಯಾ ರಾಯಭಾರಿಗಳ “ನಾಟು’ ಡಾನ್ಸ್‌ಗೆ ಮೋದಿ ಮೆಚ್ಚುಗೆ

Team Udayavani, Feb 27, 2023, 7:35 AM IST

ರಾಜಮೌಳಿ ನಿರ್ದೇಶನದ ಆರ್‌ಆರ್‌ಆರ್‌ ಅಂತಾರಾಷ್ಟ್ರೀಯ ಮಟ್ಟದ ಯಶಸ್ಸು ಕಂಡಿದ್ದು ಹಳೆಯ ವಿಚಾರ. ಅದರಲ್ಲಿನ ನಾಟುನಾಟು ಹಾಡನ್ನು ಮೆಚ್ಚಿಕೊಳ್ಳದವರೇ ಇಲ್ಲ. ಆ ಹಾಡಿಗೆ ಗೋಲ್ಡನ್‌ ಗ್ಲೋಬ್‌ ಪ್ರಶಸ್ತಿಯೂ ಬಂದಿದೆ.

ಇದೀಗ ಭಾರತದಲ್ಲಿರುವ ದ.ಕೊರಿಯಾ ರಾಯಭಾರ ಕಚೇರಿ ಸಿಬ್ಬಂದಿ ಕೂಡ ಇದಕ್ಕೆ ಹೆಜ್ಜೆ ಹಾಕಿದ್ದಾರೆ. ರಾಯಭಾರ ಕಚೇರಿಯ ಆವರಣದಲ್ಲಿರುವ ಹುಲ್ಲುಹಾಸಿನ ಮೇಲೆ ಈ ಹಾಡಿಗೆ ಸ್ವತಃ ರಾಯಭಾರಿ ಚಾಂಗ್‌ ಜೇ ಬಾಕ್‌ ಕೂಡ ಕಾಲನ್ನು ಆಡಿಸಿದ್ದಾರೆ.

“ನಿಮಗೆ ನಾಟು ಗೊತ್ತಾ? ಕೊರಿಯ ರಾಯಭಾರ ಕಚೇರಿಯ ನಾಟು ನಾಟುವನ್ನು ನಿಮ್ಮೊಂದಿಗೆ ಖುಷಿಯಿಂದ ಹಂಚಿಕೊಳ್ಳುತ್ತಿದ್ದೇವೆ’ ಎಂದು ರಾಯಭಾರ ಕಚೇರಿಯಿಂದಲೇ ಟ್ವೀಟ್‌ ಮಾಡಲಾಗಿದೆ.

𝐍𝐚𝐚𝐭𝐮 𝐍𝐚𝐚𝐭𝐮 𝐑𝐑𝐑 𝐃𝐚𝐧𝐜𝐞 𝐂𝐨𝐯𝐞𝐫 – 𝐊𝐨𝐫𝐞𝐚𝐧 𝐄𝐦𝐛𝐚𝐬𝐬𝐲 𝐢𝐧 𝐈𝐧𝐝𝐢𝐚

Do you know Naatu?

We are happy to share with you the Korean Embassy’s Naatu Naatu dance cover. See the Korean Ambassador Chang Jae-bok along with the embassy staff Naatu Naatu!! pic.twitter.com/r2GQgN9fwC

— Korea Embassy India (@RokEmbIndia) February 25, 2023

ಇ ವಿಡಿಯೋ ನೋಡಿ ಪ್ರಧಾನಿ ನರೇಂದ್ರ ಮೋದಿ, ಸಚಿವರಾದ ರಿಜಿಜು, ಅನುರಾಗ್‌ ಠಾಕೂರ್‌ ಸೇರಿ ಅನೇಕರು ಖುಷಿಯಾಗಿ ಮೆಚ್ಚುಗೆ ಸೂಚಿಸಿದ್ದಾರೆ.