ಕನ್ನಡದ ಕೂಸಿನ ಪ್ರತಿಭೆಗೆ PM Modi ಮೆಚ್ಚುಗೆ
Team Udayavani, Apr 26, 2023, 10:28 AM IST
ಹೊಸದಿಲ್ಲಿ: “ಪಲ್ಲವಗಳ ಪಲ್ಲವಿಯಲಿ’ ಎನ್ನುವ ಹಾಡಿಗೆ ಇತ್ತೀಚೆಗೆ ಮುದ್ದಾಗಿ ಪಿಯಾನೋ ನುಡಿಸಿ, ಸುಮಧುರವಾಗಿ ಹಾಡಿದ್ದ ಕನ್ನಡದ ಕಂದಮ್ಮನ ವೀಡಿಯೋ ಭಾರೀ ವೈರಲ್ ಆಗಿತ್ತು. ಈಗ ಅದೇ ವೀಡಿಯೋವನ್ನು ಪ್ರಧಾನಿ ನರೇಂದ್ರ ಮೋದಿ ಕೂಡ ಹಂಚಿಕೊಂಡಿದ್ದು, ಮಗುವಿನ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ಟ್ವಿಟರ್ ಬಳಕೆದಾರರಾದ ಅನಂತ್ಕುಮಾರ್ ಅವರು ಹಂಚಿಕೊಂಡಿದ್ದ ವೀಡಿಯೋವನ್ನು ಪ್ರಧಾನಿ ಮೋದಿ ಕೂಡ ಶೇರ್ ಮಾಡಿದ್ದಾರೆ. ಅಲ್ಲದೇ “ಈ ವೀಡಿಯೋ ಎಲ್ಲರ ಮುಖದಲ್ಲೂ ಸಂತಸ ತರಬಲ್ಲದು. ಅಸಾಧಾರಣ ಪ್ರತಿಭೆ ಹಾಗೂ ಸೃಜನಶೀಲಳಾದ ಮಗು ಶಾಲ್ಮಲಿಗೆ ಶುಭಾಶಯಗಳು’ ಎಂದು ಟ್ವೀಟ್ ಮಾಡಿದ್ದಾರೆ.
ಕೆ.ಎಸ್.ನರಸಿಂಹ ಸ್ವಾಮಿ ಅವರ ರಚನೆಯ ಪದ್ಯಕ್ಕೆ ಮಗು ಪಿಯಾನೋ ನುಡಿಸಿದ್ದ ವೀಡಿಯೋ 9 ಲಕ್ಷಕ್ಕೂ ಅಧಿಕ ವೀಕ್ಷಣೆ ಪಡೆದುಕೊಂಡಿದೆ.
This video can bring a smile on everyone’s face. Exceptional talent and creativity. Best wishes to Shalmalee! https://t.co/KvxJPJepQ4
— Narendra Modi (@narendramodi) April 25, 2023