ಮಹಿಳೆಯೊಂದಿಗಿರುವ ಫೋಟೋ ಟ್ರೋಲ್; ಕಿಡಿಕಾರಿದ ಶಶಿ ತರೂರ್
Team Udayavani, Nov 16, 2022, 3:47 PM IST
ನವದೆಹಲಿ : ಕಾರ್ಯಕ್ರಮವೊಂದರಲ್ಲಿ ಮಹಿಳೆಯೊಂದಿಗೆ ಇರುವ ಫೋಟೋವನ್ನು ಟ್ರೋಲ್ ಮಾಡಿದ ಟ್ರೋಲರ್ ಗಳ ವಿರುದ್ಧ ಕಾಂಗ್ರೆಸ್ ಹಿರಿಯ ನಾಯಕ ಶಶಿ ತರೂರ್ ಬುಧವಾರ ಆಕ್ರೋಶ ಹೊರ ಹಾಕಿದ್ದು, ‘ತಮ್ಮ ನಿಂದನೆಯಲ್ಲಿ ನಿಜವಾದ ಮನುಷ್ಯರು ಭಾಗಿಯಾಗಿದ್ದಾರೆಯೇ ಎಂಬುದನ್ನು ಅವರು ಅರ್ಥಮಾಡಿಕೊಳ್ಳಬೇಕು’ ಎಂದು ಹೇಳಿದ್ದಾರೆ.
ಟ್ರೋಲ್ ನಂತರ ತರೂರ್ ಅವರೊಂದಿಗಿನ ಚಿತ್ರಗಳನ್ನು ತೆಗೆದ ಮಹಿಳೆಯೊಬ್ಬರು ಟ್ವೀಟ್ ಮೂಲಕ ಕಾಮೆಂಟ್ ಮಾಡಿದ್ದು. “ಬಲಪಂಥೀಯ ಜನರು ತರೂರ್ ಸರ್ ಅವರೊಂದಿಗಿನ ನನ್ನ ಚಿತ್ರಗಳನ್ನು ಹೇಗೆ ತಪ್ಪು ಸಂದರ್ಭದಲ್ಲಿ ಬಳಸುತ್ತಿದ್ದಾರೆ ಮತ್ತು ರಾಜಕೀಯ ಲಾಭಕ್ಕಾಗಿ ತಪ್ಪು ಮಾಹಿತಿಯನ್ನು ಹರಡುತ್ತಿದ್ದಾರೆ ಎಂಬುದು ನನ್ನ ಹೃದಯವನ್ನು ಒಡೆಯುತ್ತದೆ” ಎಂದು ಸಾಹಿತ್ಯೋತ್ಸವದಲ್ಲಿ ತರೂರ್ ಅವರನ್ನು ಭೇಟಿಯಾದೆ ಎಂದು ಪೋಸ್ಟ್ ನಲ್ಲಿ ಹೇಳಿಕೊಂಡಿದ್ದಾರೆ.
”ಯಾವುದೇ ಇತರ ಜನರಂತೆ ನಾನು ಶ್ರೇಷ್ಠ ಲೇಖಕರೊಂದಿಗೆ ಕೆಲವು ಚಿತ್ರಗಳನ್ನು ಕ್ಲಿಕ್ ಮಾಡಿದ್ದೇನೆ. ಇದಕ್ಕೆ ಯಾವುದೇ ರಾಜಕೀಯ ಅಥವಾ ವೈಯಕ್ತಿಕ ಕಥೆಗಳಿಲ್ಲ. ನಾನು ಯಾವಾಗಲೂ ಅವರನ್ನು ನೋಡುತ್ತಿದ್ದೇನೆ, ”ಎಂದು ಅವರು ಹೇಳಿಕೊಂಡಿದ್ದಾರೆ.
ತಿರುವನಂತಪುರಂನ ಕಾಂಗ್ರೆಸ್ ಸಂಸದ, ಲೇಖಕ ತರೂರ್ ಅವರು ತಮ್ಮ ಪ್ರತಿಕ್ರಿಯೆಯಲ್ಲಿ ಅವರ ಟ್ವೀಟ್ ಅನ್ನು ಟ್ಯಾಗ್ ಮಾಡಿದ್ದು”ತಮ್ಮ ನಿಂದನೆಯಲ್ಲಿ ನಿಜವಾದ ಮನುಷ್ಯರು ಭಾಗಿಯಾಗಿದ್ದಾರೆಂದು ರಾಕ್ಷಸರು ಅರಿತುಕೊಳ್ಳಬೇಕು. “ಈ ಚಿಕ್ಕ ಹುಡುಗಿ ನೂರಕ್ಕೂ ಹೆಚ್ಚು ಜನರ ಸ್ವಾಗತದಲ್ಲಿ ತೆಗೆದ ಮುಗ್ಧ ಚಿತ್ರಕ್ಕಾಗಿ ನೊಂದಿದ್ದಾರೆ , ಅದರಲ್ಲಿ ನಾನು ಐವತ್ತಕ್ಕೂ ಹೆಚ್ಚು ಫೋಟೋಗಳಿಗೆ ಪೋಸ್ ನೀಡಿರಬೇಕು! ನಿಮ್ಮ ಅನಾರೋಗ್ಯದ ಮನಸ್ಸನ್ನು ನಿಮ್ಮಲ್ಲೇ ಇಟ್ಟುಕೊಳ್ಳಿ, ರಾಕ್ಷಸರೆ! ” ಎಂದು ಟ್ವೀಟ್ ಮೂಲಕ ಆಕ್ರೋಶ ಹೊರ ಹಾಕಿದ್ದಾರೆ.
Trolls should realise there are real human beings involved in their abuse. This young girl has suffered for an innocent picture taken at a reception for over a hundred people, at which I must have posed for photos with over fifty! Keep your sick minds to yourselves, trolls! https://t.co/0C4tHata9z
— Shashi Tharoor (@ShashiTharoor) November 16, 2022
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Nagaland Poll: ಬೇಡಿಕೆ ಈಡೇರಿಸಿ- ಆರು ಜಿಲ್ಲೆಗಳಲ್ಲಿ ಒಂದೇ ಒಂದು ಮತದಾನ ನಡೆದಿಲ್ಲ!
Manipura: ಮತಗಟ್ಟೆ ಮೇಲೆ ಗುಂಡಿನ ದಾಳಿ… ದಿಕ್ಕಾ ಪಾಲಾಗಿ ಓಡಿದ ಮತದಾರರು
Lok Sabha 1 Phase: ನಿತಿನ್ ಗಡ್ಕರಿ ಟು ಕನಿಮೋಳಿ..ಮೊದಲ ಹಂತದ ಘಟಾನುಘಟಿ ಅಭ್ಯರ್ಥಿಗಳು…
Navy chief: ಭಾರತೀಯ ನೌಕಾಪಡೆಯ ನೂತನ ಮುಖ್ಯಸ್ಥರಾಗಿ ದಿನೇಶ್ ತ್ರಿಪಾಠಿ ನೇಮಕ
Stones Pelted: ಮತದಾನದ ವೇಳೆ ಕಲ್ಲು ತೂರಾಟ… ಬಿಜೆಪಿ ನಾಯಕನಿಗೆ ಗಾಯ