ಹೊಸ ಲಿಸ್ಟಿಂಗ್ ಪದ್ಧತಿ ಬಗ್ಗೆ ಅತೃಪ್ತಿ
Team Udayavani, Sep 16, 2022, 6:29 AM IST
ಹೊಸದಿಲ್ಲಿ: ವರ್ಷಗಳಿಂದ ಉಳಿದಿರುವ ಪ್ರಕರಣಗಳ ತ್ವರಿತ ವಿಲೇವಾರಿಗಾಗಿ ಸುಪ್ರೀಂ ಕೋರ್ಟ್ ಮುಖ್ಯ ನ್ಯಾಯಮೂರ್ತಿ ಯು.ಯು. ಲಲಿತ್ ಜಾರಿಗೆ ತಂದಿರುವ ಹೊಸ ಲಿಸ್ಟಿಂಗ್ ಪದ್ಧತಿ ಬಗ್ಗೆ ನ್ಯಾ| ಸಂಜಯ್ ಕಿಶನ್ ಕೌಲ್ ಅವರ ನೇತೃತ್ವದ ಪೀಠ ಅಸಮಾಧಾನ ವ್ಯಕ್ತಪಡಿಸಿದೆ.
“ಹೊಸ ಲಿಸ್ಟಿಂಗ್ ಪದ್ಧತಿಯಿಂದಾಗಿ ನಿಗದಿಪಡಿಸಿದ ಪ್ರಕರಣಗಳನ್ನು ಕೈಗೆತ್ತಿಕೊಳ್ಳಲು ನ್ಯಾಯಮೂರ್ತಿಗಳಿಗೆ ಸಮರ್ಪಕ ಸಮಯ ಸಿಗುತ್ತಿಲ್ಲ. ಮಧ್ಯಾಹ್ನದ ಅವಧಿಯಲ್ಲಿ ಸಾಕಷ್ಟು ಪ್ರಕರಣಗಳು ಪಟ್ಟಿಯಲ್ಲಿ ಇರುವುದರಿಂದ ಬೆಳಗಿನ ಅವಧಿಯಲ್ಲಿ ಎಲ್ಲ ಪ್ರಕರಣಗಳ ವಿಚಾರಣೆ ಕೈಗೆತ್ತಿ ಕೊಳ್ಳಲಾಗುತ್ತಿಲ್ಲ,’ ಎಂದು ಪೀಠ ಹೇಳಿದೆ. ಹೊಸ ಲಿಸ್ಟಿಂಗ್ ಪದ್ಧತಿಯ ಪ್ರಕಾರ ಬೆಳಗಿನ ಅವಧಿ ಮತ್ತು ಮಧ್ಯಾಹ್ನದ ಅವಧಿಗೆ ಪ್ರಕರಣಗಳ ಪಟ್ಟಿಯಂತೆ 30 ನ್ಯಾಯಮೂರ್ತಿಗಳು ಎರಡು ವಿಭಿನ್ನ ಪಾಳಿಗಳಲ್ಲಿ ವಿಚಾರಣೆ ನಡೆಸಬೇಕಿದೆ.