ಮಹೀಂದ್ರಾ ಜೈಲೋ ವಾಹನವನ್ನು ಕಚ್ಚಿ ಎಳೆದ ಹುಲಿ- ವಿಡಿಯೋ ವೈರಲ್‌

Team Udayavani, Dec 31, 2021, 9:00 PM IST

ಉದ್ಯಮಿ ಆನಂದ್‌ ಮಹೀಂದ್ರಾ ಸಿಗ್ನಲ್‌ನಲ್ಲಿ ಹಂಚಿಕೊಂಡ ವಿಡಿಯೋ ಒಂದು ವೈರಲ್‌ ಆಗಿದೆ.

ಹುಲಿಯೊಂದು ಮಹೀಂದ್ರಾ ಜೈಲೋ ವಾಹನದ ಹಿಂದಿನ ಬಂಪರ್‌ ಅನ್ನು ಕಚ್ಚಿ ಎಳೆದು ಹಾಕುವ ದೃಶ್ಯ ಈಗ ವೈರಲ್‌ ಆಗಿದೆ.

ಅದಕ್ಕೆ ಅವರು ಲಘು ಧಾಟಿಯಿಂದ ಹೀಗೆ ಬರೆದಿದ್ದಾರೆ “ಹುಲಿ ಕಚ್ಚಿ ಎಳೆಯುತ್ತಿದ್ದ ಕಾರು ಜೈಲೋ. ಇದರಿಂದ ನನಗೇನೂ ಅಚ್ಚರಿ ಉಂಟಾಗಿಲ್ಲ. ಮಹೀಂದ್ರ ಕಾರು ಅತ್ಯಂತ ರುಚಿಕರ ಮತ್ತು ಪ್ರಿಯವಾಗಿರಬಹುದು ಎಂಬ ನನ್ನ ಯೋಚನೆಯನ್ನು ಹುಲಿ ಪ್ರತಿನಿಧಿಸುತ್ತಿದೆ’ ಎಂದು ಬರೆದುಕೊಂಡಿದ್ದಾರೆ.

ಇದನ್ನೂ ಓದಿ:ಅಥಣಿ: ಕಾಂಗ್ರೆಸ್‌ಗೆ ಬಹುಮತ-ಬಿಜೆಪಿ ಮುಖಭಂಗ

ಮೈಸೂರಿನಿಂದ ಊಟಿಗೆ ಹೋಗುವ ತಪ್ಪೇಕಾಡು ಎಂಬಲ್ಲಿ ಈ ಘಟನೆ ನಡೆದಿದೆ ಎಂದು ಅವರು ಬರೆದುಕೊಂಡಿದ್ದರು. ಅದಕ್ಕೆ ಯಶ್‌ ಶಾ ಎಂಬುವರು ಉತ್ತರ ನೀಡಿ, “ಸರ್‌ ನೀವು ಹಂಚಿಕೊಂಡ ವಿಡಿಯೋ ನೋಡಿದೆ. ಇದು ಬನ್ನೇರುಘಟ್ಟ ರಾಷ್ಟ್ರೀಯ ಉದ್ಯಾನವನದಲ್ಲಿ 2020ರ ನ.22ರಂದು ಈ ಘಟನೆ ನಡೆದಿದೆ.

ಜೈಲೋ ಕಾರು ಹಾಳಾಗಿದ್ದ ಕಾರಣ ಅದು ರಸ್ತೆಯಲ್ಲಿತ್ತು. ಈ ಸಂದರ್ಭದಲ್ಲಿ ನಾನು ಮತ್ತು ನನ್ನ ಕುಟುಂಬ ಇತ್ತು’ ಎಂದು ಬರೆದುಕೊಂಡಿದ್ದಾರೆ. ಜತೆಗೆ ಇನ್ನೊಂದು ವಿಡಿಯೋ ಲಿಂಕ್‌ ಅನ್ನೂ ಹಂಚಿಕೊಂಡಿದ್ದಾರೆ.

Going around #Signal like wildfire. Apparently on the Ooty to Mysore Road near Theppakadu. Well, that car is a Xylo, so I guess I’m not surprised he’s chewing on it. He probably shares my view that Mahindra cars are Deeeliciousss. 😊 pic.twitter.com/A2w7162oVU

— anand mahindra (@anandmahindra) December 30, 2021