ಇನ್ನೂ 74 ಲಕ್ಷ ರೂ. ರೋಗಿಗಳಿಗೆ ಹಿಂದಿರುಗಿಸದ ಆಸ್ಪತ್ರೆಗಳು
Team Udayavani, Jun 27, 2021, 12:56 PM IST
ಥಾಣೆ: ನಗರಸಭೆಯ ಲೆಕ್ಕಪರಿಶೋಧನಾ ಇಲಾಖೆಯು ಕಳೆದ ವರ್ಷ ನಡೆಸಿದ ತನಿಖೆಯಲ್ಲಿ ನಗರದ ಖಾಸಗಿ ಕೊರೊನಾ ಆಸ್ಪತ್ರೆಗಳು ರೋಗಿಗಳಿಂದ ಅತಿಯಾದ ಶುಲ್ಕ ಪಡೆಯುತ್ತಿವೆ ಎಂದು ತಿಳಿದು ಬಂದಿದೆ. ಇಲ್ಲಿಯವರೆಗೆ 1,62,73,583 ಹೆಚ್ಚುವರಿ ಶುಲ್ಕ ವಿಧಿಸಿದ್ದು, ಈ ಪೈಕಿ ಕೇವಲ 87,73,958 ರೂ. ಗಳನ್ನು ಮಾತ್ರ ರೋಗಿಗಳಿಗೆ ಮರುಪಾವತಿಸಲಾಗಿದೆ. ಉಳಿದ 74,99,625 ರೂ. ಗಳನ್ನು ಇನ್ನೂ ರೋಗಿಗಳಿಗೆ ನೀಡಿಲ್ಲ ಎಂಬುದು ಬೆಳಕಿಗೆ ಬಂದಿದ್ದು, ಇದು ಪುರಸಭೆಯ ಕೊರೊನಾ ನಿರ್ವಹಣೆ ಜವಾಬ್ದಾರಿಯ ಕುರಿತು ಮತ್ತೆ ಪ್ರಶ್ನೆಗಳನ್ನು ಸೃಷ್ಟಿಸಿದೆ.
ಕೊರೊನಾದ ಮೊದಲ ಅಲೆ ಸಂದರ್ಭ ರೋಗಿಗಳ ಚಿಕಿತ್ಸೆಗೆ ಸರಕಾರಿ ಆಸ್ಪತ್ರೆಗಳಲ್ಲಿ ಸಾಕಷ್ಟು ಸೌಲಭ್ಯಗಳು ಇರಲಿಲ್ಲ. ಈ ಹಿನ್ನೆಲೆ ಕೆಲವರು ಪ್ರಾಣ ಕಳೆದುಕೊಂಡರು. ಇದನ್ನು ತಪ್ಪಿಸಲು ಪುರಸಭೆ ಆಡಳಿತವು ಖಾಸಗಿ ಆಸ್ಪತ್ರೆಗಳನ್ನು ಕೊರೊನಾ ಆಸ್ಪತ್ರೆಗಳಾಗಿ ಗುರುತಿಸಿತ್ತು. ಕೊರೊನಾ ರೋಗಿಗಳಿಗೆ ತತ್ಕ್ಷಣ ಚಿಕಿತ್ಸೆ ನೀಡುವ ಉದ್ದೇಶದಿಂದ ನಗರಸಭೆ ಈ ನಿರ್ಧಾರ ಕೈಗೊಂಡಿತ್ತು. ಬಳಿಕ ಈ ಆಸ್ಪತ್ರೆಗಳು ಹೆಚ್ಚಿನ ಶುಲ್ಕ ವಿಧಿಸುವ ಮೂಲಕ ರೋಗಿಗಳನ್ನು ದರೋಡೆ ಮಾಡಲಾಗುತ್ತಿದೆ ಎಂದು ಆರೋಪಗಳು ಕೇಳಿಬಂದಿದ್ದವು.
ಇದರ ತನಿಖೆಗೆ ಲೆಕ್ಕಪರಿಶೋಧಕರ ವಿಶೇಷ ತಂಡವನ್ನು ರಚಿಸಲಾಯಿತು. ತಂಡದ ತನಿಖೆಯಲ್ಲಿ ಹಲವಾರು ಆಸ್ಪತ್ರೆಗಳು ರೋಗಿಗಳಿಗೆ ಹೆಚ್ಚಿನ ಶುಲ್ಕ ವಿಧಿಸಿವೆ ಎಂದು ತಿಳಿದುಬಂದ ಬಳಿಕ ಎಲ್ಲ ಆಸ್ಪತ್ರೆಗಳಿಗೆ ನೋಟಿಸ್ ನೀಡುವಂತೆ ಥಾಣೆ ಮಹಾನಗರ ಪಾಲಿಕೆಯ ಆಯುಕ್ತ ವಿಪಿನ್ ಶರ್ಮಾ ಅವರು ಆದೇಶಿಸಿದ್ದರು.
ಆಸ್ಪತ್ರೆಗಳು ಪಡೆದ ಹೆಚ್ಚುವರಿ ಮೊತ್ತವನ್ನು ಸಂಬಂಧಪಟ್ಟ ರೋಗಿಯ ಖಾತೆಗೆ ಹಿಂದಿರುಗಿಸಲು ಅವರು ಆದೇಶಿಸಿದ್ದರು. ಒಂದು ವರ್ಷದ ಬಳಿಕವೂ 74,99,625 ರೂ. ಗಳನ್ನು ರೋಗಿಗಳಿಗೇ ಮೊತ್ತವನ್ನು ಹಿಂದಿರುಗಿಸಲಾಗಿಲ್ಲ. ಈ ಮೊತ್ತದ ಮರುಪಾವತಿಯನ್ನು ರೋಗಿಗಳು ಕೂಡಲೇ ಪಡೆಯಬೇಕು ಎಂದು ಶಾಸಕ ಸಂಜಯ್ ಕೇಲ್ಕರ್ ಒತ್ತಾಯಿಸಿದ್ದಾರೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
ನಮ್ಮ ಆರಾಧನ ಪದ್ಧತಿ ಯುವ ಪೀಳಿಗೆಗೆ ಪರಿಚಯಿಸುವ ಅಗತ್ಯವಿದೆ: ರಾಕೇಶ್ ಶೆಟ್ಟಿ ಬೆಳ್ಳಾರೆ
Desi Swara: ಕನ್ನಡ ಕಲಾವಿದನ ಅಪ್ರತಿಮ ಕಲೆ :ಕುಂಚದಲ್ಲಿ ಅರಳಿದ ಅದ್ಭುತ ಚಿತ್ತಾರ
Desi Swara-ಜಗದೋದ್ಧಾರಕ ವಸುದೇವ ಸುತ…..: ಅವತಾರ ಪುರುಷನ ಜನ್ಮ ವೃತ್ತಾಂತ
Desi Swara: ಶಿಶಿರದ ಸಂಗೀತ ಯಾನ- “ಗಮಭನ’ ಸಂಸ್ಥೆಯ “ಸ್ವರ ಆನಂದ್’
ವಿಂಶತಿಯ ವಿಜೃಂಭಣೆಯಲ್ಲಿ ಯುಎಇ ಬ್ರಾಹ್ಮಣ ಸಮಾಜ: 20ನೇ ವರ್ಷದಲ್ಲಿ 20 ಕಾರ್ಯಕ್ರಮಗಳ ದಾಖಲೆ