ಐಎಸ್ಎಸ್ಎಫ್ ವಿಶ್ವಕಪ್: ಚಿನ್ನ ಗೆದ್ದ ಐಶ್ವರಿ ಪ್ರತಾಪ್ ಸಿಂಗ್
Team Udayavani, Feb 23, 2023, 6:02 AM IST
ಕೈರೋ (ಈಜಿಪ್ಟ್): ಐಎಸ್ಎಸ್ಎಫ್ ವಿಶ್ವಕಪ್ ಶೂಟಿಂಗ್ನಲ್ಲಿ ಭಾರತಕ್ಕೆ ಮತ್ತೂಂದು ಚಿನ್ನದ ಪದಕ ಒಲಿದಿದೆ. ಒಲಿಂಪಿಯನ್ ಶೂಟರ್ ಐಶ್ವರಿ ಪ್ರತಾಪ್ ಸಿಂಗ್ ತೋಮರ್ 50 ಮೀ. ರೈಫಲ್ 3 ಪೊಸಿಶನ್ನಲ್ಲಿ ಬುಧವಾರ ಸ್ವರ್ಣಕ್ಕೆ ಗುರಿ ಇರಿಸಿದರು.
ಇದು ಭಾರತಕ್ಕೆ ಒಲಿದ 6ನೇ ಪದಕ. ಇದರಲ್ಲಿ 4 ಚಿನ್ನಗಳು ಸೇರಿವೆ. ಈ ಸಾಧನೆಯೊಂದಿಗೆ ಭಾರತ ಪದಕಪಟ್ಟಿಯಲ್ಲಿ ಅಗ್ರಸ್ಥಾನ ಕಾಯ್ದುಕೊಂಡಿದೆ.
22 ವರ್ಷದ ಐಶ್ವರಿ ಪ್ರತಾಪ್ ಸಿಂಗ್ ತೋಮರ್ ಫೈನಲ್ನಲ್ಲಿ ಆಸ್ಟ್ರೇಲಿಯದ ಅಲೆಕ್ಸಾಂಡರ್ ಶ್ಮಿರ್ಲ್ ಅವರನ್ನು 16-6 ಅಂತರದಿಂದ ಮಣಿಸಿದರು.
ರ್ಯಾಂಕಿಂಗ್ ರೌಂಡ್ನಲ್ಲಿ ತೋಮರ್ 406.4 ಅಂಕಗಳೊಂದಿಗೆ ದ್ವಿತೀಯ ಸ್ಥಾನಿ ಯಾಗಿದ್ದರು. ಆಗ ಶ್ಮಿರ್ಲ್ ಅಗ್ರ ಸ್ಥಾನ ದಲ್ಲಿದ್ದರು (407.9). ಅರ್ಹತಾ ಸುತ್ತಿ ನಲ್ಲಿ ತೋಮರ್ 588 ಅಂಕ ಪಡೆದು ಅಗ್ರಸ್ಥಾನ ಪಡೆದಿದ್ದರು. ಅದು 3 ವಿಭಾಗಗಳ ಸ್ಪರ್ಧೆ ಆಗಿತ್ತು. ಭಾರತದ ಮತ್ತೋರ್ವ ಶೂಟರ್ ಅಖೀಲ್ ಶೋರನ್ ದ್ವಿತೀಯ ಸ್ಥಾನಿಯಾಗಿದ್ದರು (587). ಕಳೆದ ವರ್ಷ ಚಾಂಗನ್ ವಿಶ್ವಕಪ್ನಲ್ಲೂ ತೋಮರ್ ಬಂಗಾರದ ಪದಕ ಜಯಿಸಿದ್ದರು.
ದಿನದ ಮೊದಲ ಪದಕ ಸ್ಪರ್ಧೆಯಾದ, ವನಿತೆಯರ 25 ಮೀ. ಪಿಸ್ತೂಲ್ ವಿಭಾಗದಲ್ಲಿ ರಿದಂ ರ್ಯಾಂಕಿಂಗ್ ಸುತ್ತಿಗೆ ಅರ್ಹತೆ ಪಡೆದರೂ ಫೈನಲ್-4 ತಲುಪಲು ವಿಫಲರಾದರು. ಇಲ್ಲಿ ಹಂಗೇರಿಯ ವೆರೋನಿಕಾ ಮೇಜರ್ ಬಂಗಾರ ಗೆದ್ದರು. ಭಾರತದ ಮನು ಭಾಕರ್ 32ನೇ, ಇಶಾ ಸಿಂಗ್ 34ನೇ ಸ್ಥಾನಕ್ಕೆ ಕುಸಿದರು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
LS Election; ದಿಂಗಾಲೇಶ್ವರ ಶ್ರೀ ಟೀಕೆ ನನಗೆ ಆಶೀರ್ವಾದ ಇದ್ದಂತೆ: ಪ್ರಹ್ಲಾದ್ ಜೋಶಿ
Kejriwal ಪತ್ನಿಯನ್ನು ರಾಬ್ರಿ ದೇವಿಗೆ ಹೋಲಿಸಿದ ಕೇಂದ್ರ ಸಚಿವ ಹರ್ದೀಪ್ ಪುರಿ
Kannada Cinema; ಸ್ನೇಹಿತರ ಸುತ್ತ ‘ಪಾರ್ಟ್ನರ್’: ಟ್ರೇಲರ್, ಆಡಿಯೋದಲ್ಲಿ ಹೊಸಬರ ಚಿತ್ರ
Mukhtar Ansari ಸಾವಿನ ಪ್ರಕರಣ: ನ್ಯಾಯಾಂಗ ತನಿಖೆಗೆ ಆದೇಶಿಸಿದ ಕೋರ್ಟ್
ವಿಕಸಿತ ಭಾರತದಂತ ಬಲಾಢ್ಯ ಕಲ್ಪನೆ ಕಾಂಗ್ರೆಸ್ ಎಷ್ಟು ವರ್ಷ ಆಳ್ವಿಕೆ ಮಾಡಿದರೂ ಸಾಧ್ಯವಾಗದು