ಟೆಸ್ಟ್ ಕ್ರಿಕೆಟ್ ನಲ್ಲಿ 450 ವಿಕೆಟ್: ದಾಖಲೆ ಬರೆದ ರವಿಚಂದ್ರನ್ ಅಶ್ವಿನ್

Team Udayavani, Feb 9, 2023, 2:43 PM IST

ನಾಗ್ಪುರ: ಟೀಂ ಇಂಡಿಯಾದ ಪ್ರಮುಖ ಸ್ಪಿನ್ನರ್ ರವಿಚಂದ್ರನ್ ಅಶ್ವಿನ್ ಅವರು ಟೆಸ್ಟ್ ಕ್ರಿಕೆಟ್ ನಲ್ಲಿ 450 ವಿಕೆಟ್ ಕಿತ್ತ ಸಾಧನೆ ಮಾಡಿದ್ದಾರೆ. ಅಲ್ಲದೆ ಅತೀ ವೇಗವಾಗಿ (ಪಂದ್ಯಗಳ ಲೆಕ್ಕಾಚಾರದಲ್ಲಿ) ಈ ಸಾಧನೆ ಮಾಡಿದ ಭಾರತೀಯ ಎಂಬ ದಾಖಲೆಗೂ ಪಾತ್ರರಾಗಿದ್ದಾರೆ.

ಭಾರತೀಯ ಆಫ್-ಸ್ಪಿನ್ನರ್ ಈಗ ವೇಗವಾಗಿ 450ನೇ ಟೆಸ್ಟ್ ವಿಕೆಟ್‌ಗೆ ತಲುಪಿದ ವಿಶ್ವದ ಎರಡನೇ ಬೌಲರ್ ಆಗಿದ್ದಾರೆ. ರವಿ ಅಶ್ವಿನ್ ಅವರು 89ನೇ ಟೆಸ್ಟ್ ಪಂದ್ಯದಲ್ಲಿ ಈ ಸಾಧನೆ ಮಾಡಿದರೆ, ಶ್ರೀಲಂಕಾದ ಮುತ್ತಯ್ಯ ಮುರಳೀಧರನ್ ಅವರ 80 ನೇ ಟೆಸ್ಟ್ ಪಂದ್ಯದಲ್ಲಿ ಈ ಸಾಧನೆ ಮಾಡಿದ್ದರು.

ಇದನ್ನೂ ಓದಿ:‘ನಟ ಭಯಂಕರ’ನ ನಿರ್ದೇಶನಕ್ಕೆ ಫುಲ್ ಮಾರ್ಕ್ಸ್; ಖುಷಿಯಲ್ಲಿ ಪ್ರಥಮ್

ಆಸೀಸ್ ಕೀಪರ್ ಅಲೆಕ್ಸ್ ಕ್ಯಾರಿ ವಿಕೆಟ್ ಪಡೆದ ವೇಳೆ ಅಶ್ವಿನ್ ಈ ದಾಖಲೆ ಪೂರ್ಣಗೊಳಿಸಿದರು. ಒಟ್ಟಾರೆ ಟೆಸ್ಟ್ ಕ್ರಿಕೆಟ್ ನಲ್ಲಿ 450 ವಿಕೆಟ್ ಪಡೆದ ವಿಶ್ವದ 9ನೇ ಬೌಲರ್ ಮತ್ತು ಎರಡನೇ ಭಾರತೀಯ ಎಂಬ ಸಾಧನೆ ಅಶ್ವಿನ್ ಅವರದ್ದು. ಅನಿಲ್ ಕುಂಬ್ಳೆ ಮೊದಲ ಭಾರತೀಯ.

Both Ravi Ashwin and Ravindra Jadeja have the best average among the top ten Indian bowlers in Tests at home.#CricTracker #INDvAUS #RaviAshwin #RavindraJadeja pic.twitter.com/hZK98nqMQk

— CricTracker (@Cricketracker) February 9, 2023