ನಾಲ್ಕು ದಿನಗಳ ಟೆಸ್ಟ್ ಗೆ ಇಂಗ್ಲೆಂಡ್ ಬೆಂಬಲ
Team Udayavani, Jan 1, 2020, 11:27 PM IST
ಲಂಡನ್: ಐಸಿಸಿ ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಭಾಗವಾಗಿ 2023ರಿಂದ ಐದರ ಬದಲು 4 ದಿನಗಳ ಟೆಸ್ಟ್ ಪಂದ್ಯವನ್ನು ಆಡಬೇಕೆಂಬ ಪ್ರಸ್ತಾವನೆಗೆ ಇಂಗ್ಲೆಂಡ್ ಮತ್ತು ವೇಲ್ಸ್ ಕ್ರಿಕೆಟ್ ಮಂಡಳಿ “ಪರೋಕ್ಷ’ ಬೆಂಬಲ ಸೂಚಿಸಿದೆ.
“ಆಟಗಾರರ ಮೇಲಿನ ಒತ್ತಡವನ್ನು ಕಡಿಮೆ ಮಾಡುವ ನಿಟ್ಟಿನಲ್ಲಿ 4 ದಿನಗಳ ಟೆಸ್ಟ್ ಸಹಕಾರಿಯಾಗಲಿದೆ. ಇದರಿಂದ ಎಲ್ಲ ತಂಡಗಳ ವೇಳಾಪಟ್ಟಿಯನ್ನು ಸಿದ್ಧಪಡಿಸುವುದು ಕೂಡ ಸುಲಭವಾಗುತ್ತದೆ. ಇನ್ನೊಂದೆಡೆ ಟೆಸ್ಟ್ ಆಡಿದರಷ್ಟೇ ಕ್ರಿಕೆಟಿಗನ ಬಾಳು ಸಾರ್ಥಕ್ಯ ಎಂಬುದು ಎಲ್ಲರ ಅನಿಸಿಕೆ.
ಆದರೆ ಆಧುನಿಕ ಜಗತ್ತಿನಲ್ಲಿ ಟಿ20 ಕ್ರಿಕೆಟ್ ಅಬ್ಬರದ ಎದುರು ಟೆಸ್ಟ್ ತನ್ನ ಮಹತ್ವ ಕಳೆದುಕೊಳ್ಳುತ್ತಿದೆ ಇದೀಗ ಮುಂದಿನ ದಿನಗಳಲ್ಲಿ ಟೆಸ್ಟ್ ಕ್ರಿಕೆಟ್ ಉಳಿಯುವಂತಾಗಲು ಇಂತಹ ಆಲೋಚನೆ ಒಳ್ಳೆಯದ್ದೇ’ ಎಂದು ಇಂಗ್ಲೆಂಡ್ ಮತ್ತು ವೇಲ್ಸ… ಕ್ರಿಕೆಟ್ ಮಂಡಳಿಯ ವಕ್ತಾರರೊಬ್ಬರು ಅಭಿಪ್ರಾಯಪಟ್ಟಿದ್ದಾರೆ.