ಚಾಂಪಿಯನ್ಸ್‌ ಟ್ರೋಫಿಯಲ್ಲಿ ಭಾರತ-ಪಾಕ್‌ ಮುಖಾಮುಖೀ

Team Udayavani, Feb 18, 2017, 3:45 AM IST

ಹೊಸದಿಲ್ಲಿ: ಕ್ರಿಕೆಟಿನ ಸಾಂಪ್ರದಾಯಿಕ ಎದುರಾಳಿಗಳಾದ ಭಾರತ-ಪಾಕಿಸ್ಥಾನ ಮುಖಾಮುಖೀ ಆಗುವ ಕಾಲ ಮತ್ತೂಮ್ಮೆ ಸನ್ನಿಹಿತವಾಗಿತ್ತಿದೆ.  ಮುಂದಿನ ಜೂನ್‌ನಲ್ಲಿ ಇಂಗ್ಲೆಂಡ್‌ ಆತಿಥ್ಯದಲ್ಲಿ ನಡೆಯಲಿರುವ ಚಾಂಪಿಯನ್ಸ್‌ ಟ್ರೋಫಿ ಕ್ರಿಕೆಟ್‌ ಪಂದ್ಯಾವಳಿಯಲ್ಲಿ ಈ ಹೈ ವೋಲ್ಟೆàಜ್‌ ಪಂದ್ಯ ನಡೆಯಲಿದೆ.

ಜೂನ್‌ ಒಂದರಿಂದ 18ರ ವರೆಗೆ ಚಾಂಪಿಯನ್ಸ್‌ ಟ್ರೋಫಿ ಪಂದ್ಯಾವಳಿ ನಡೆಯಲಿದ್ದು, 2015ರ ಸೆ. 30ಕ್ಕೆ ಅನ್ವಯವಾಗುವಂತೆ ಏಕದಿನ ರ್‍ಯಾಂಕಿಂಗ್‌ನಲ್ಲಿ ಅಗ್ರ 8 ಸ್ಥಾನ ಪಡೆದಿರುವ ತಂಡಗಳು ಪಾಲ್ಗೊಳ್ಳಲಿವೆ. ಭಾರತ ಮತ್ತು ಪಾಕಿಸ್ಥಾನ ತಂಡಗಳು “ಬಿ’ ಗುಂಪಿನಲ್ಲಿ ಸ್ಥಾನ ಪಡೆದಿವೆ.ಇದು ಗ್ರೂಪ್‌ ಮಾದರಿಯಾಗಿದ್ದು, ಈಗ ನಿರ್ಧರಿಸಿರುವ ವೇಳಾಪಟ್ಟಿಯಂತೆ ಜೂ. 4ರಂದು ಭಾರತ-ಪಾಕ್‌ ಪಂದ್ಯ ನಡೆಯಲಿವೆ. “ಬಿ’ ವಿಭಾಗದಲ್ಲಿರುವ ಮತ್ತೆರಡು ತಂಡಗಳೆಂದರೆ ದಕ್ಷಿಣ ಆಫ್ರಿಕಾ ಮತ್ತು ಶ್ರೀಲಂಕಾ.

“ಎ’ ವಿಭಾಗದಲ್ಲಿ ಆಸ್ಟ್ರೇಲಿಯ, ಇಂಗ್ಲೆಂಡ್‌, ನ್ಯೂಜಿಲ್ಯಾಂಡ್‌ ಮತ್ತು ಬಾಂಗ್ಲಾದೇಶ ತಂಡಗಳಿವೆ. ಓವಲ್‌, ಬರ್ಮಿಂಗಂ ಮತ್ತು ಕಾರ್ಡಿಫ್ನಲ್ಲಿ ಪಂದ್ಯಗಳು ಸಾಗಲಿವೆ.