ಐಪಿಎಲ್ ಹರಾಜು: ದೊಡ್ಡ ಮೊತ್ತಕ್ಕೆ ಸೇಲಾದ ಹ್ಯಾರಿ ಬ್ರೂಕ್, ಮಯಾಂಕ್, ಸ್ಯಾಮ್ ಕರ್ರನ್
Team Udayavani, Dec 23, 2022, 3:28 PM IST
ಕೊಚ್ಚಿ: ಬಹುನಿರೀಕ್ಷಿತ ಇಂಡಿಯನ್ ಪ್ರೀಮಿಯರ್ ಲೀಗ್ ನ ಮಿನಿ ಹರಾಜು ಇದೀಗ ಕೊಚ್ಚಿಯಲ್ಲಿ ಆರಂಭವಾಗಿದೆ. ಹತ್ತು ತಂಡಗಳು ಸೇರಿ ತಮ್ಮ ನೆಚ್ಚಿನ ಆಟಗಾರರನ್ನು ಖರೀದಿಸಲು ಮುಂದಾಗಿದ್ದು, ಆರಂಭಿಕ ಸುತ್ತಿನಲ್ಲಿ ಇಂಗ್ಲೆಂಡ್ ಹ್ಯಾರಿ ಬ್ರೂಕ್ ಅಚ್ಚರಿ ಮೂಡಿಸಿದ್ದಾರೆ. 18.50 ಕೋಟಿ ರೂ ಗೆ ಸೇಲಾದ ಸ್ಯಾಮ್ ಕರ್ರನ್ ಅವರು ಐಪಿಎಲ್ ಇತಿಹಾಸದ ಅತೀ ದುಬಾರಿ ಆಟಗಾರ ಎಂಬ ಖ್ಯಾತಿಗೆ ಪಾತ್ರರಾದರು.
ಹರಾಜಿನ ಮೊದಲ ಹೆಸರು ಬಂದಿದ್ದು ಮಾಜಿ ಹೈದರಾಬಾದ್ ಆಟಗಾರ ಕೇನ್ ವಿಲಿಯಮ್ಸನ್ ಅವರದ್ದು. ಮೂಲಬೆಲೆ 2 ಕೋಟಿ ರೂ ಗೆ ಗುಜರಾತ್ ಖರೀದಿ ಮಾಡಿತು.
ಇತ್ತೀಚೆಗೆ ಪಾಕ್ ವಿರುದ್ಧ ಸತತ ಮೂರು ಶತಕ ಬಾರಿಸಿದ ಹ್ಯಾರಿ ಬ್ರೂಕ್ ಈ ಹರಾಜಿನಲ್ಲಿ ಬೋನಸ್ ಪಡೆದರು. ಆರಂಭದಲ್ಲಿ ರಾಜಸ್ಥಾನ ರಾಯಲ್ಸ್ ಮತ್ತು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡಗಳು ಬಿಡ್ ನಲ್ಲಿ ತೊಡಗಿದ್ದವು. ಕೊನೆಗೆ ಸನ್ ರೈಸರ್ಸ್ ಹೈದರಾಬಾದ್ ತಂಡವು ಬ್ರೂಕ್ ಅವರನ್ನು 13.25 ಕೋಟಿ ರೂ ಗೆ ಖರೀದಿ ಮಾಡಿತು.
ಕಳೆದ ಬಾರಿಯ ಪಂಜಾಬ್ ನಾಯಕ ಮಯಾಂಕ್ ಅಗರ್ವಾಲ್ ಅವರನ್ನು ಕೂಡಾ ಸನ್ ರೈಸರ್ಸ್ ಹೈದರಾಬಾದ್ ತಂಡವು 8.25 ಕೋಟಿಗೆ ಖರೀದಿ ಮಾಡಿತು. ಎಸ್ ಆರ್ ಎಚ್ ತಂಡವನ್ನು ಮಯಾಂಕ್ ಮುನ್ನಡೆಸುವ ಸಾಧ್ಯತೆಯಿದೆ.
ಅಜಿಂಕ್ಯ ರಹಾನೆ ಅವರು 50 ಲಕ್ಷಕ್ಕೆ ಚೆನ್ನೈ ತಂಡದ ಪಾಲಾದರು. ಜೋ ರೂಟ್, ಶಕೀಬ್ ಅಲ್ ಹಸನ್ ಅನ್ ಸೋಲ್ಡ್ ಆದರು.
ಎಲ್ಲರ ಕುತೂಹಲಕ್ಕೆ ಕಾರಣವಾಗಿದ್ದ ಟಿ20 ವಿಶ್ವಕಪ್ ಹೀರೋ ಸ್ಯಾಮ್ ಕರ್ರನ್ ಅವರು ಪಂಜಾಬ್ ಕಿಂಗ್ಸ್ ತಂಡದ ಪಾಲಾದರು. ಕರ್ರನ್ ಹೆಸರು ಬರುತ್ತಿದ್ದಂತೆ ರಾಜಸ್ಥಾನ, ಪಂಜಾಬ್, ಚೆನ್ನೈ ತಂಡಗಳು ಭರ್ಜರಿ ಬಿಡ್ ಮಾಡಿದವು. ಕೊನೆಗೆ ದಾಖಲೆಯ 18.50 ಕೋಟಿ ರೂಗೆ ಪಂಜಾಬ್ ತಂಡದ ಪಾಲಾದರು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Davanagere; ಗಾಯಿತ್ರಿ ಸಿದ್ದೇಶ್ವರ್ ಅಂತಿಮ ನಾಮಪತ್ರ ಸಲ್ಲಿಕೆ; ಭರ್ಜರಿ ಮೆರವಣಿಗೆ
Rain: ಕಟಪಾಡಿ-ಶಿರ್ವ ರಾಜ್ಯ ಹೆದ್ದಾರಿ; ಮೊದಲ ಮಳೆಯ ಅವಾಂತರ; ರಸ್ತೆ ಕೆಸರುಮಯ
Gadag ಬೆಳ್ಳಂಬೆಳಗ್ಗೆ ವರುಣಾರ್ಭಟ ಆರಂಭ; ಮುಂಗಾರು ನಿರೀಕ್ಷೆ ಹೆಚ್ಚಿಸಿದ ಅಶ್ವಿನಿ ಮಳೆ
Mahanadi River Tragedy: ಮಗುಚಿದ 50 ಜನರಿದ್ದ ದೋಣಿ; ಇಬ್ಬರು ಸಾವು; ಎಂಟು ಮಂದಿ ನಾಪತ್ತೆ
Loksabha Election; ತಮಿಳುನಾಡಿನಲ್ಲಿ ಮರು ಮತದಾನಕ್ಕೆ ಬಿಜೆಪಿ ಅಧ್ಯಕ್ಷ ಅಣ್ಣಾಮಲೈ ಆಗ್ರಹ