IPL: ರಾಜಸ್ಥಾನ್‌ ತೊರೆದು ಚೆನ್ನೈ ಕಿಂಗ್ಸ್‌ ಸೇರುತ್ತಾರಾ ಅಶ್ವಿ‌ನ್‌?

Team Udayavani, Jun 6, 2024, 1:56 PM IST

ಚೆನ್ನೈ: ಪ್ರಸ್ತುತ ರಾಜಸ್ಥಾನ್‌ ರಾಯಲ್ಸ್‌ ತಂಡದಲ್ಲಿರುವ ಆಲ್‌ರೌಂಡರ್‌ ಆರ್‌.ಅಶ್ವಿ‌ನ್‌ ಮತ್ತೆ ಚೆನ್ನೈ ಸೂಪರ್‌ ಕಿಂಗ್ಸ್‌ ತಂಡಕ್ಕೆ ಸೇರ್ಪಡೆಯಾಗಲಿದ್ದಾರೆ ಎನ್ನಲಾಗಿದೆ. ಆದರೆ ಆಟಗಾರನಾಗಿಯಲ್ಲದೇ ಮೆಂಟರ್‌ ಆಗಿ ತಂಡಕ್ಕೆ ಸೇರ್ಪಡೆಯಾಗುವ ಸಾಧ್ಯತೆಗಳು ಹೆಚ್ಚಿವೆ ಎನ್ನಲಾಗಿದೆ.

ಚೆನ್ನೈ ತಂಡದ ಮಾಲಿಕರಾದ ಇಂಡಿಯಾ ಸಿಮೆಂಟ್ಸ್‌ ಆರಂಭಿಸಲಿರುವ ಸಿಎಸ್‌ಕೆಯ ತರಬೇತಿ ಸಂಸ್ಥೆಯ ತಂಡವನ್ನು ಅಶ್ವಿ‌ನ್‌ ಸೇರಿಕೊಂಡಿದ್ದಾರೆ. ಈ ಸಂಸ್ಥೆ 2025ರ ವೇಳೆಗೆ ಸಂಪೂರ್ಣವಾಗಿ ಕಾರ್ಯನಿರ್ವಹಣೆ ಆರಂಭಿಸಲಿದ್ದು, ಇದರ ಪ್ರಗತಿಯಲ್ಲಿ ಅಶ್ವಿ‌ನ್‌ ಪಾಲುದಾರರಾಗಲಿದ್ದಾರೆ ಎನ್ನಲಾಗಿದೆ.

2008ರಿಂದ 2015ರವರೆಗೆ ಚೆನ್ನೈ ತಂಡದ ಪರವಾಗಿ ಆಡಿದ್ದ ಅಶ್ವಿ‌ನ್‌ ಬಳಿಕ ವಿವಿಧ ತಂಡಗಳ ಪರವಾಗಿ ಆಡಿದ್ದರು. ಪ್ರಸ್ತುತ ರಾಜಸ್ಥಾನ್‌ ತಂಡ ಅಶ್ವಿ‌ನ್‌ರನ್ನು ಖರೀದಿಸಿದ್ದು, ಮುಂದಿನ ಐಪಿಎಲ್‌ಗೆ ಅವರನ್ನು ಬಿಡುಗಡೆಗೊಳಿಸಲಿದೆ ಎನ್ನಲಾಗಿದೆ