ಫಿಫಾ 2022: ಮೊರಾಕ್ಕೊ ಐತಿಹಾಸಿಕ ಸಾಧನೆಗೆ ವಿದೇಶಿ ಆಟಗಾರರೇ ಕಾರಣ!
Team Udayavani, Dec 3, 2022, 5:25 PM IST
ಆಫ್ರಿಕಾ ಖಂಡದ ಪುಟ್ಟ ರಾಷ್ಟ್ರ ಮೊರಾಕ್ಕೊ ಐತಿಹಾಸಿಕ ಸಾಧನೆ ಮಾಡಿ 16ರ ಘಟ್ಟಕ್ಕೇರಿದೆ. ಆ ದೇಶದ ಇತಿಹಾಸದಲ್ಲೇ ಕೇವಲ 2ನೇ ಬಾರಿಗೆ ಇಂತಹ ಸಾಧನೆ ಸಾಧ್ಯವಾಗಿದೆ. ಅರ್ಥಾತ್ 36 ವರ್ಷಗಳ ಬಳಿಕ ಹೀಗೊಂದು ಸಾಧನೆ ಆಗಿದೆ. ಇದಕ್ಕೆ ಕಾರಣವೇನು ಗೊತ್ತಾ?
ಮೊರಾಕ್ಕೊ ವಿದೇಶಗಳಲ್ಲಿ ಆಡುತ್ತಿರುವ ತನ್ನದೇ ಮೂಲಬೇರು ಹೊಂದಿರುವ ಆಟಗಾರರನ್ನು ಕಣಕ್ಕಿಳಿಸಿದ್ದು. ಅದಕ್ಕಾಗಿ ಫಿಫಾ ನಿಯಮವನ್ನೇ ಬದಲಿಸುವಂತೆ ಮಾಡಿತು. ಯಾವುದೇ ರಾಷ್ಟ್ರೀಯ ತಂಡದ ಪರ ಆಡಿದ ಆಟಗಾರರು ತಮ್ಮ ದೇಶವನ್ನು ಬದಲಿಸಿಕೊಳ್ಳಲು, ಕನಿಷ್ಠ ಪಂದ್ಯಗಳೊಳಗೆ ಆಡಿದ್ದರೆ ಮಾತ್ರ ಸಾಧ್ಯ ಎಂದು ನಿಯಮ ಮಾಡುವಂತೆ ಫಿಫಾ ಮೇಲೆ ಮೊರಾಕ್ಕೊ ಒತ್ತಡ ಹೇರಿತು. ಆ ದೇಶದ ದೀರ್ಘಕಾಲದ ಬೇಡಿಕೆಗೆ ಫಿಫಾ ಸ್ಪಂದಿಸಿ ಆಯ್ತು ಎಂದಿತು. ಅದರ ಪರಿಣಾಮವೀಗ ಆಗಿದೆ.
ಮೊರಾಕ್ಕೊದ ಪ್ರಜೆಗಳು ಬಹಳ ಹಿಂದೆಯೇ ಬೇರೆಬೇರೆ ದೇಶಗಳಿಗೆ ಹೋಗಿ ನೆಲೆಸಿದ್ದಾರೆ. ನೆದರ್ಲೆಂಡ್, ಫ್ರಾನ್ಸ್, ಸ್ಪೇನ್ ಹೀಗೆ ಯಾವುದೋ ದೇಶಗಳಲ್ಲಿ ಹುಟ್ಟಿ, ಅಲ್ಲಿನ ಲೀಗ್ಗಳಲ್ಲಿ ಆಡುತ್ತಿರುವ ಮೊರಾಕ್ಕೊ ಮೂಲದ ಆಟಗಾರರು, ಮೊರಾಕ್ಕೊ ಪರ ಕಣಕ್ಕಿಳಿದರು. ಹಕೀಮ್ ಝಿಯೆಚ್, ನೌಸೆರ್ ಮಾಜ್ರಾಯಿ, ಸೋಫಿಯಾನ್ ಅಮ್ರಾಬಾತ್ ಇವರೆಲ್ಲ ನೆದರ್ಲೆಂಡ್ನಲ್ಲಿ ಹುಟ್ಟಿದವರು. ಅಶ್ರಫ್ ಹಕಿಮಿ ಸ್ಪೇನ್ನಲ್ಲಿ ಹುಟ್ಟಿದವರು, ಗೋಲ್ಕೀಪರ್ ಯಾಸಿನ್ ಬೊನೊವು, ನಾಯಕ ರೊಮೇನ್ ಸೈಸ್, ಸೋಫಿಯನ್ ಬೌಫಾಲ್ ಇವರೆಲ್ಲ ವಿದೇಶಿ ಮೂಲದವರೇ! ಇವರೆಲ್ಲ ಮೊರಾಕ್ಕೊಕ್ಕಾಗಿ ಒಂದಾದರು. ಹೆಚ್ಚೇಕೆ ತಂಡದ 26 ಆಟಗಾರರ ಪೈಕಿ 16 ಮಂದಿ ವಿದೇಶೀಯರು! ಇವರೆಲ್ಲ ಒಂದಾಗಿ ಮೊರಾಕ್ಕೊದ ಅದ್ಭುತ ಸಾಧನೆಗೆ ಕಾರಣವಾಗಿದ್ದಾರೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Rameshwaram Cafe ಪ್ರಕರಣ: ಇಬ್ಬರು ಶಂಕಿತರ ಮಾಹಿತಿ ನೀಡಿದವರಿಗೆ ಬಹುಮಾನ ಘೋಷಣೆ ಮಾಡಿದ NIA
LS Election; ದಿಂಗಾಲೇಶ್ವರ ಶ್ರೀ ಟೀಕೆ ನನಗೆ ಆಶೀರ್ವಾದ ಇದ್ದಂತೆ: ಪ್ರಹ್ಲಾದ್ ಜೋಶಿ
Kejriwal ಪತ್ನಿಯನ್ನು ರಾಬ್ರಿ ದೇವಿಗೆ ಹೋಲಿಸಿದ ಕೇಂದ್ರ ಸಚಿವ ಹರ್ದೀಪ್ ಪುರಿ
Kannada Cinema; ಸ್ನೇಹಿತರ ಸುತ್ತ ‘ಪಾರ್ಟ್ನರ್’: ಟ್ರೇಲರ್, ಆಡಿಯೋದಲ್ಲಿ ಹೊಸಬರ ಚಿತ್ರ
Mukhtar Ansari ಸಾವಿನ ಪ್ರಕರಣ: ನ್ಯಾಯಾಂಗ ತನಿಖೆಗೆ ಆದೇಶಿಸಿದ ಕೋರ್ಟ್