ಪ್ರೊ ಕಬಡ್ಡಿ: ಯು ಮುಂಬಾಗೆ ಸತತ 4ನೇ ಆಘಾತ; ಡೆಲ್ಲಿಗೆ ಗೆಲುವು

Team Udayavani, Dec 6, 2022, 10:49 PM IST

ಹೈದರಾಬಾದ್‌: ಪ್ರೊ ಕಬಡ್ಡಿ ಸೀಸನ್‌-9ರಲ್ಲಿ ಯು ಮುಂಬಾ ಸತತ 4ನೇ ಆಘಾತಕ್ಕೆ ಸಿಲುಕಿದೆ. ಮಂಗಳವಾರದ ಮುಖಾಮುಖಿಯಲ್ಲಿ ಅದು ದಬಾಂಗ್‌ ಡೆಲ್ಲಿ ಕೈಯಲ್ಲಿ 24-41 ಅಂತರದ ಭಾರೀ ಸೋಲನುಭವಿಸಿತು.

ಇದು 21 ಪಂದ್ಯಗಳಲ್ಲಿ ಮುಂಬಾಕ್ಕೆ ಎದುರಾದ 12ನೇ ಸೋಲು. ಡೆಲ್ಲಿ ಇಷ್ಟೇ ಮುಖಾಮುಖಿಗಳಲ್ಲಿ 10ನೇ ಗೆಲುವು ಸಾಧಿಸಿತು.

ಡೆಲ್ಲಿ ಸಾಂ ಕ ಆಟದ ಮೂಲಕ ಗಮನ ಸೆಳೆಯಿತು. ಗೆಲುವಿನಲ್ಲಿ ಎಲ್ಲರೂ ಪಾಲು ಸಲ್ಲಿಸಿದರು. ಡಿಫೆಂಡರ್‌ ಅಮಿತ್‌ ಹೂಡಾ ಸರ್ವಾಧಿಕ 7 ಅಂಕ; ನಾಯಕ ನವೀನ್‌ ಕುಮಾರ್‌, ಆಲ್‌ರೌಂಡರ್‌ ವಿಜಯ್‌ ಮಲಿಕ್‌, ಡಿಫೆಂಡರ್‌ ಸಂದೀಪ್‌ ಧುಲ್‌ ತಲಾ 5 ಅಂಕ ತಂದಿತ್ತರು.

ಮುಂಬಾ ತಂಡದಲ್ಲಿ ಯಾರೂ ಗಮನ ಸೆಳೆಯುವಂಥ ಪ್ರದರ್ಶನ ನೀಡಲಿಲ್ಲ. ನಾಯಕ ರಿಂಕು 4 ಅಂಕ ಗಳಿಸಿದ್ದೇ ಉತ್ತಮ ಸಾಧನೆ ಎನಿಸಿತು.