Pro Kabaddi-10; ಬೆಂಗಳೂರಿಗೆ ಸತತ 4ನೇ ಸೋಲು

Team Udayavani, Dec 9, 2023, 10:25 PM IST

ಬೆಂಗಳೂರು: ಬೆಂಗಳೂರು ಬುಲ್ಸ್‌ ತಂಡದ ಸೋಲಿನ ಆಟ ಕೊನೆಗೊಳ್ಳುವಂತೆ ಕಾಣುತ್ತಿಲ್ಲ. ಕನ್ನಡಿಗರ ತಂಡ ಸತತ 4 ಏಟಿನಿಂದ ದಿಕ್ಕೆಟ್ಟಿದೆ. ಶನಿವಾರದ ಪಂದ್ಯದಲ್ಲಿ ಹರ್ಯಾಣ ಸ್ಟೀಲರ್ 38-32 ಅಂತರದಿಂದ ಬುಲ್ಸ್‌ಗೆ ಆಘಾತವಿಕ್ಕಿತು. ಇದರೊಂದಿಗೆ ತವರಿನ “ಶ್ರೀ ಕಂಠೀರವ ಕ್ರೀಡಾಂಗ ಣ’ದಲ್ಲಿ ಆಡಿದ ಸತತ 2 ಪಂದ್ಯ ಗಳಲ್ಲೂ ಎಡವಿ ಅಭಿಮಾನಿಗಳನ್ನು ನಿರಾಸೆಯಲ್ಲಿ ಕೆಡವಿತು.

ಹರ್ಯಾಣ ಸ್ಟೀಲರ್ 2ನೇ ಪಂದ್ಯದಲ್ಲಿ ಸಾಧಿಸಿದ ಮೊದಲ ಜಯ ಇದಾಗಿದೆ. ರೈಡರ್‌ಗಳಾದ ವಿನಯ್‌ (8 ಅಂಕ), ಸಿದ್ಧಾರ್ಥ್ ದೇಸಾಯಿ (7), ಡಿಫೆಂಡರ್‌ಗಳಾದ ಜೈದೀಪ್‌ ದಹಿಯಾ (6) ಮತ್ತು ಮೋಹಿತ್‌ (5) ಅವರ ಸಾಂ ಕ ಆಟ ಹರ್ಯಾಣ ಜಯದಲ್ಲಿ ನಿರ್ಣಾಯಕ ಪಾತ್ರ ವಹಿಸಿತು.
ಬೆಂಗಳೂರು ತಂಡದಲ್ಲಿ ಎಂದಿ ನಂತೆ ರೈಡರ್‌ ಭರತ್‌ ಅವರದು ಏಕಾಂಗಿ ಹೋರಾಟವಾಗಿತ್ತು. ಅವರು ಅತ್ಯಧಿಕ 14 ಅಂಕ ತಂದಿ ತ್ತರು. ಡಿಫೆಂಡರ್‌ ಸುರ್ಜೀತ್‌ ಸಿಂಗ್‌ 5 ಅಂಕ ಗಳಿಸಿದರು.

ಟೈಟಾನ್ಸ್‌ಗೂ ಸೋಲು
ತೆಲುಗು ಟೈಟಾನ್ಸ್‌ ಸತತ 3ನೇ ಸೋಲಿನ ಆಘಾತಕ್ಕೆ ಸಿಲುಕಿದೆ. ದಿನದ 2ನೇ ಪಂದ್ಯದಲ್ಲಿ ಟೈಟಾನ್ಸ್‌ ವಿರುದ್ಧ ಯುಪಿ ಯೋಧಾಸ್‌ 48-33 ಅಂತರದ ಗೆಲುವು ಸಾಧಿಸಿತು.