ಪ್ರೊ ಕಬಡ್ಡಿ: ಬೆಂಗಾಲ್ ವಾರಿಯರ್, ದಬಾಂಗ್ ದಿಲ್ಲಿ ಗೆಲುವಿನ ಆಟ
Team Udayavani, Feb 18, 2022, 11:16 PM IST
ಬೆಂಗಳೂರು: ಪುನೇರಿ ಪಲ್ಟಾನ್ ವಿರುದ್ಧದ ಅಂತಿಮ ಪ್ರೊ ಕಬಡ್ಡಿ ಲೀಗ್ ಪಂದ್ಯವನ್ನು ಬೆಂಗಾಲ್ ವಾರಿಯರ್ 43- 36 ಅಂತರದಿಂದ ಜಯಿಸಿದೆ. ಆದರೆ ಇದರಿಂದ ಬೆಂಗಾಲ್ಗೆ ಯಾವುದೇ ಲಾಭ ವಾಗಲಿಲ್ಲ. ಅದು 9ನೇ ಸ್ಥಾನದಲ್ಲಿ ಉಳಿದಿದೆ.
ಪುನೇರಿ 11 ಪಂದ್ಯ ಜಯಿಸಿದ್ದು, ಇನ್ನೂ ಒಂದು ಪಂದ್ಯ ಆಡಲಿಕ್ಕಿದೆ. ಪಾಟ್ನಾ, ದಿಲ್ಲಿ ಮತ್ತು ಯೋಧಾ ತಂಡಗಳ ಮುಂದಿನ ಸುತ್ತಿನ ಪ್ರವೇಶವಷ್ಟೇ ಅಧಿಕೃತಗೊಂಡಿದೆ.
ಬೆಂಗಾಲ್ ನಾಯಕ ಮಣಿಂದರ್ ಸಿಂಗ್ ಅಮೋಘ ರೈಡಿಂಗ್ ನಡೆಸಿ 11 ಅಂಕ ತಂದಿ ತ್ತರು. ಮತ್ತೋರ್ವ ರೈಡರ್ ಸುಕೇಶ್ ಹೆಗ್ಡೆ 7 ಅಂಕ ಗಳಿಸಿದರು. ಪುನೇರಿ ರೈಡರ್ ಮೋಹಿತ್ ಗೋಯತ್ ಪ್ರದರ್ಶನ ಅಮೋಘ ಮಟ್ಟದಲ್ಲಿತ್ತು. ಅವರು 15 ಅಂಕ ಗಳಿಸಿದರು. ಆದರೆ ಇವರಿಗೆ ಸಾಟಿ ಯಾಗುವಂಥ ಪ್ರದರ್ಶನ ಬೇರೆ ಯವರಿಂದ ಕಂಡು ಬರಲಿಲ್ಲ.
ದಬಾಂಗ್ ದಿಲ್ಲಿ ವಿಜಯ
ದಿನದ ದ್ವಿತೀಯ ಪಂದ್ಯದಲ್ಲಿ ದಬಾಂಗ್ ದಿಲ್ಲಿ ಗೆಲುವು ಒಲಿಸಿಕೊಂಡಿತು. ಅದು ಈ ಕೂಟದಲ್ಲೇ ಅತ್ಯಂಕ ಕಳಪೆ ನೀಡಿದ ತೆಲುಗು ಟೈಟಾನ್ಸ್ಗೆ 17ನೇ ಸೋಲುಣಿಸಿತು. 22 ಪಂದ್ಯಗಳಲ್ಲಿ ಟೈಟಾನ್ಸ್ ಜಯಿಸಿದ್ದು ಒಂದನ್ನು ಮಾತ್ರ. ದಿಲ್ಲಿ ಗೆಲುವಿನ ಅಂತರ 40-32. ಆದರೆ ಈ ಜಯದಿಂದ ದಿಲ್ಲಿಗೆ ದ್ವಿತೀಯ ಸ್ಥಾನ ಬಿಟ್ಟು ಮೇಲೇರಲಾಗಲಿಲ್ಲ. ಅದು ಒಟ್ಟು 12 ಜಯದೊಂದಿಗೆ ಲೀಗ್ ವ್ಯವಹಾರ ಮುಗಿಸಿತು. ದಬಾಂಗ್ ದಿಲ್ಲಿ ಸಾಂ ಕ ಆಟದ ಮೂಲಕ ಮಿಂಚಿತು. ಆಲ್ರೌಂಡರ್ ವಿಜಯ್ ಮತ್ತು ರೈಡರ್ ಆಶು ಮಲಿಕ್ ತಲಾ 6 ಅಂಕ ಗಳಿಸಿದರು. ಟೈಟಾನ್ಸ್ ಪರ ಅಂಕಿತ್ ಬೇನಿವಾಲ್ ಅವರದು ಏಕಾಂಗಿ ಹೋರಾಟವಾಗಿತ್ತು (10 ಅಂಕ).
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Neha hiremath Case; ನಿಷ್ಪಕ್ಷ ತನಿಖೆ ನಡೆಸಿ ನ್ಯಾಯ ಒದಗಿಸಲಾಗುವುದು: ಹೆಬ್ಬಾಳ್ಕರ್
Congress: ಉತ್ಸಾಹದ ಉತ್ತುಂಗದಲ್ಲಿ ಕಾಂಗ್ರೆಸ್; ಕಾರ್ಕಳದಲ್ಲಿ ಜೆಪಿ ಪಡೆ ದಿಟ್ಟ ನಡೆ
Fraud: ರೈಸ್ ಪುಲ್ಲಿಂಗ್ ಹೆಸರಿನಲ್ಲಿ ವಂಚನೆಗೆ ಯತ್ನ; 3 ಸೆರೆ, 69.79 ಲಕ್ಷ ವಶ
Crime: ಸ್ನೇಹಿತನನ್ನೇ ಕೊಲೆ ಮಾಡಿದ್ದ ನಾಲ್ವರು ಆರೋಪಿಗಳ ಸೆರೆ
Bengaluru: ನಕಲಿ ಭೂ ದಾಖಲೆಗಳ ಸಲ್ಲಿಸಿ 22 ಬ್ಯಾಂಕಲ್ಲಿ 10 ಕೋಟಿ ಸಾಲ!