ಇಂದು ಪ್ರೊ ಕಬಡ್ಡಿ ಸೆಮಿಫೈನಲ್ಸ್ ; ಬೆಂಗಳೂರು ಬುಲ್ಸ್ ಮುಂದಿದೆ ಜೈಪುರ್ ಸವಾಲು
Team Udayavani, Dec 15, 2022, 8:00 AM IST
ಮುಂಬಯಿ: ಕನ್ನಡಿಗರ ನೆಚ್ಚಿನ ತಂಡವಾದ ಬೆಂಗಳೂರು ಬುಲ್ಸ್ ಮತ್ತೊಂದು ಭರ್ಜರಿ ಪ್ರದರ್ಶನದೊಂದಿಗೆ ಪ್ರಶಸ್ತಿ ಸುತ್ತಿಗೆ ಲಗ್ಗೆ ಹಾಕೀತೆಂಬ ನಿರೀಕ್ಷೆಯಲ್ಲಿದ್ದಾರೆ ಪ್ರೊ ಕಬಡ್ಡಿ ಅಭಿಮಾನಿಗಳು.
ಗುರುವಾರ 2 ಉಪಾಂತ್ಯ ಪಂದ್ಯಗಳು ನಡೆಯಲಿದ್ದು, ಮೊದಲ ಮುಖಾಮುಖಿಯಲ್ಲಿ ಬೆಂಗಳೂರು ಬುಲ್ಸ್ ಲೀಗ್ ಹಂತದ ಅಗ್ರಸ್ಥಾನಿ ಜೈಪುರ್ ಪಿಂಕ್ ಪ್ಯಾಂಥರ್ ತಂಡವನ್ನು ಎದುರಿಸಲಿದೆ. ಅನಂತರದ ಸೆಣಸಾಟದಲ್ಲಿ ಪುನೇರಿ ಪಲ್ಟಾನ್ ಮತ್ತು ತಮಿಳ್ ತಲೈವಾಸ್ ಮುಖಾಮುಖಿ ಆಗಲಿವೆ.
ಬುಲ್ಸ್ ಮತ್ತು ತಲೈವಾಸ್ ಎಲಿಮಿನೇಟರ್ ಪಂದ್ಯಗಳನ್ನು ಗೆದ್ದು ಬಂದ ತಂಡಗಳು. ಇದರಲ್ಲಿ ಬುಲ್ಸ್ ಆಟ ಅಮೋಘ ಮಟ್ಟದಲ್ಲಿತ್ತು. ತಲೈವಾಸ್ಗೆ ಟೈ ಬ್ರೇಕರ್ನಲ್ಲಿ ಯುಪಿ ಯೋಧಾಸ್ ವಿರುದ್ಧ ಅದೃಷ್ಟ ಕೈ ಹಿಡಿದಿತ್ತು. ಗಾಯಾಳು ಪವನ್ ಸೆಹ್ರಾವತ್ ಗೈರಲ್ಲೂ ತಲೈವಾಸ್ ಸೆಮಿಫೈನಲ್ ತನಕ ಸಾಗಿ ಬಂದದ್ದು ಅಚ್ಚರಿಯೇ ಸೈ.
ದಬಾಂಗ್ ಡೆಲ್ಲಿ ವಿರುದ್ಧದ ಪಂದ್ಯವನ್ನು ಬುಲ್ಸ್ ಏಕಪಕ್ಷೀಯವಾಗಿಯೇ ಗೆದ್ದಿತ್ತು (56-24). ರೈಡರ್ ಭರತ್, ವಿಕಾಸ್ ಕಂಡೋಲ, ಪಿ. ಸುಬ್ರಹ್ಮಣ್ಯನ್, ಸೌರಭ್ ನಂದಲ್ ಅವರೆಲ್ಲ ತಮ್ಮ ಮಿಂಚಿನ ಓಟವನ್ನು ಮುಂದುವರಿಸಿದರೆ ಬುಲ್ಸ್ ಮುನ್ನುಗ್ಗೀತು.
ಆದರೆ ಪ್ರಥಮ ಆವೃತ್ತಿಯ ಚಾಂಪಿಯನ್ ಆಗಿರುವ ಜೈಪುರ್ ಪಿಂಕ್ ಪ್ಯಾಂಥರ್ ಅತ್ಯಂತ ಬಲಿಷ್ಠವಾಗಿದೆ. ರೈಡರ್ ಅರ್ಜುನ್ ದೇಶ್ವಾಲ್, ಡಿಫೆನ್ಸ್ ಆಟಗಾರರಾದ ಅಂಕುಶ್ ಮತ್ತು ನಾಯಕ ಸುನೀಲ್ ಕುಮಾರ್ ಉತ್ತಮ ಲಯದಲ್ಲಿದ್ದಾರೆ. ಹೀಗಾಗಿ ಇದೊಂದು ಸಮಬಲದ ಕಾದಾಟವಾಗುವ ಸಾಧ್ಯತೆ ಹೆಚ್ಚಿದೆ.
1. ಬೆಂಗಳೂರು ಬುಲ್ಸ್- ಜೈಪುರ್ ಪಿಂಕ್ ಪ್ಯಾಂಥರ್: ರಾತ್ರಿ 7.30
2. ಪುನೇರಿ ಪಲ್ಟಾನ್-ತಮಿಳ್ ತಲೈವಾಸ್: ರಾತ್ರಿ 8.30
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
IPL 2024: ಗೆಲುವಿನ ವಿಶ್ವಾಸದಲ್ಲಿ ಕೆಕೆಆರ್
Team India: ಟಿ20 ವಿಶ್ವಕಪ್ ತಂಡ ರಾಹುಲ್ಗೆ ಚಾನ್ಸ್, ಹಾರ್ದಿಕ್ ಪಾಂಡ್ಯಗೆ ಕೊಕ್?
Chess: ವಿಶ್ವ ಚೆಸ್ ಚಾಂಪಿಯನ್ಶಿಪ್: ಆತಿಥ್ಯ ಹಕ್ಕಿಗಾಗಿ ಭಾರತ ಬಿಡ್
Archery World Cup: ಆರ್ಚರಿ ವಿಶ್ವಕಪ್ ರಿಕರ್ವ್ ವಿಭಾಗದಲ್ಲೂ ಭಾರತ ಫೈನಲ್ಗೆ
IPL; ಸನ್ರೈಸರ್ಸ್ ಹೈದರಾಬಾದ್ ವಿರುದ್ಧ ಜಯದ ನಗು ಬೀರಿದ ಆರ್ ಸಿಬಿ
MUST WATCH
ಹೊಸ ಸೇರ್ಪಡೆ
EVM ಕುರಿತು ಸುಪ್ರೀಂ ತೀರ್ಪು ಪ್ರತಿಪಕ್ಷಗಳಿಗೆ ಕಪಾಳ ಮೋಕ್ಷ: ಪ್ರಧಾನಿ ಮೋದಿ
Baramulla ಗುಂಡಿನ ಚಕಮಕಿಯಲ್ಲಿ ಉಗ್ರರಿಬ್ಬರ ಹತ್ಯೆ; ಇಬ್ಬರು ಸೇನಾ ಸಿಬಂದಿಗೆ ಗಾಯ
Minority ತುಷ್ಟೀಕರಣದಿಂದ ನೇಹಾಳ ಹತ್ಯೆಯಾಗಿದೆ :ಜಗದೀಶ್ ಶೆಟ್ಟರ್
Davanagere; ಪ್ರಧಾನಿ ಮೋದಿ ರ್ಯಾಲಿಗೆ ಅನುಮತಿ ನೀಡಬಾರದು:ಕಾಂಗ್ರೆಸ್ ಮನವಿ
2nd PUC: ಮರುಮೌಲ್ಯಮಾಪನದಲ್ಲಿ ರಾಜ್ಯಕ್ಕೆ ಆರನೇ ರ್ಯಾಂಕ್ ಪಡೆದ ತೀರ್ಥಹಳ್ಳಿಯ ಸುಚಿಂತ್