ಧನಂಜಯ ಡಿ ಸಿಲ್ವ ಶತಕ: ಲಂಕಾ ದಾಳಿಗೆ ಶಕೀಲ್-ಸಲ್ಮಾನ್ ಸಡ್ಡು
Team Udayavani, Jul 18, 2023, 5:30 AM IST
ಗಾಲೆ: ಅರ್ಧದಷ್ಟು ಆಟಗಾರರನ್ನು 101 ರನ್ ಆಗುವಷ್ಟರಲ್ಲಿ ಕಳೆದುಕೊಂಡ ಪಾಕಿಸ್ಥಾನಕ್ಕೆ ಸೌದ್ ಶಕೀಲ್ ಮತ್ತು ಆಘಾ ಸಲ್ಮಾನ್ ಸೇರಿಕೊಂಡು ಆಸರೆ ಒದಗಿಸಿದ್ದಾರೆ. ಶ್ರೀಲಂಕಾದ 312 ರನ್ನುಗಳ ಮೊದಲ ಇನ್ನಿಂಗ್ಸ್ಗೆ ಜವಾಬು ನೀಡುತ್ತಿರುವ ಪಾಕಿಸ್ಥಾನ ಗಾಲೆ ಟೆಸ್ಟ್ ಪಂದ್ಯದ ದ್ವಿತೀಯ ದಿನ 5 ವಿಕೆಟ್ ನಷ್ಟಕ್ಕೆ 221 ರನ್ ಮಾಡಿದೆ.
ಶ್ರೀಲಂಕಾ 6 ವಿಕೆಟಿಗೆ 242 ರನ್ ಗಳಿಸಿ ಮೊದಲ ದಿನದಾಟ ಮುಗಿಸಿತ್ತು. 94 ರನ್ ಮಾಡಿ ಬ್ಯಾಟಿಂಗ್ ಕಾಯ್ದುಕೊಂಡಿದ್ದ ಧನಂಜಯ ಡಿ ಸಿಲ್ವ 122ರ ತನಕ ಸಾಗಿದರು. ಇದು ಅವರ 10ನೇ ಟೆಸ್ಟ್ ಶತಕ. 214 ಎಸೆತ ನಿಭಾಯಿಸಿದ ಧನಂಜಯ 12 ಬೌಂಡರಿ ಹಾಗೂ 3 ಸಿಕ್ಸರ್ ಬಾರಿಸಿದರು. ಕೊನೆಯ ಆಟಗಾರ ವಿಶ್ವ ಫೆರ್ನಾಂಡೊ 21 ರನ್ ಮಾಡಿದರು. ಪಾಕಿಸ್ಥಾನದ ಬೌಲಿಂಗ್ ಸರದಿಯಲ್ಲಿ ಮಿಂಚಿದವರೆಂದರೆ ಶಾಹೀನ್ ಶಾ ಅಫ್ರಿದಿ, ನಸೀಮ್ ಶಾ ಮತ್ತು ಅಬ್ರಾರ್ ಅಹ್ಮದ್. ಮೂವರೂ 3 ವಿಕೆಟ್ ಕೆಡವಿದರು.
ಪ್ರಭಾತ್ ಜಯಸೂರ್ಯ, ರಮೇಶ್ ಮೆಂಡಿಸ್ ಮತ್ತು ಕಸುನ್ ರಜಿತ ಬೌಲಿಂಗ್ ದಾಳಿಗೆ ಪಾಕಿಸ್ಥಾನದ ಅಗ್ರ ಕ್ರಮಾಂಕ ತೀವ್ರ ಕುಸಿತ ಕಂಡಿತು. 101 ರನ್ನಿಗೆ 5 ವಿಕೆಟ್ ಉರುಳಿತು. ಈ ಹಂತದಲ್ಲಿ ಸೌದ್ ಶಕೀಲ್ (ಬ್ಯಾಟಿಂಗ್ 69) ಮತ್ತು ಆಘಾ ಸಲ್ಮಾನ್ (ಬ್ಯಾಟಿಂಗ್ 61) 6ನೇ ವಿಕೆಟಿಗೆ 120 ರನ್ ಪೇರಿಸಿ ತಂಡವನ್ನು ಆಧರಿಸಿ ನಿಂತಿದ್ದಾರೆ. ಸದ್ಯ ಪಾಕ್ 91 ರನ್ನುಗಳ ಹಿನ್ನಡೆಯಲ್ಲಿದೆ.
ಸಂಕ್ಷಿಪ್ತ ಸ್ಕೋರ್
ಶ್ರೀಲಂಕಾ-312 (ಧನಂಜಯ ಡಿ ಸಿಲ್ವ 122, ಏಂಜೆಲೊ ಮ್ಯಾಥ್ಯೂಸ್ 64, ಸಮರವಿಕ್ರಮ 36, ಕರುಣಾರತ್ನೆ 29, ಅಬ್ರಾರ್ ಅಹ್ಮದ್ 68ಕ್ಕೆ 3, ಶಾಹೀನ್ ಅಫ್ರಿದಿ 86ಕ್ಕೆ 3, ನಸೀಮ್ ಶಾ 90ಕ್ಕೆ 3). ಪಾಕಿಸ್ಥಾನ-5 ವಿಕೆಟಿಗೆ 221 (ಸೌದ್ ಶಕೀಲ್ ಬ್ಯಾಟಿಂಗ್ 69, ಆಘಾ ಸಲ್ಮಾನ್ ಬ್ಯಾಟಿಂಗ್ 61, ಶಾನ್ ಮಸೂದ್ 39, ಪ್ರಭಾತ್ ಜಯಸೂರ್ಯ 83ಕ್ಕೆ 3).
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Minor girl ಪ್ರೀತಿಸಿ ಮದುವೆ; ವೈಮನಸ್ಸಾಗಿ ದೂರ: ಕತ್ತು ಸೀಳಿ ಬರ್ಬರ ಹತ್ಯೆ!
Airstrike; ಹಿಂದಿನಿಂದ ದಾಳಿ ಮಾಡುವುದರಲ್ಲಿ ನನಗೆ ನಂಬಿಕೆ ಇಲ್ಲ: ಮೋದಿ
Not responding; ಶಿವರಾಮ್ ಹೆಬ್ಬಾರ್ ಅವರನ್ನು ಪ್ರಧಾನಿ ಕಾರ್ಯಕ್ರಮಕ್ಕೆ ಕರೆದಿಲ್ಲ: ಬಿಜೆಪಿ
Hunasagi: ಕಂದಕಕ್ಕೆ ಉರುಳಿದ ಶಾಸಕ ಬೈರತಿ ಬಸವರಾಜ ಕಾರು
PM Candidate; ಖರ್ಗೆ, ರಾಹುಲ್ ಯಾವುದರಲ್ಲಿ ಕಡಿಮೆ ಇದ್ದಾರೆ : ಸಿದ್ದರಾಮಯ್ಯ