ಶಾಹಿದ್ ಅಫ್ರಿದಿ ವಿಶ್ವಕಪ್ ತಂಡ: ಸಚಿನ್, ಇಮ್ರಾನ್ ಖಾನ್ಗೆ ಸ್ಥಾನವಿಲ್ಲ
Team Udayavani, May 2, 2019, 10:44 AM IST
ಲಾಹೋರ್: ಪಾಕಿಸ್ಥಾನದ ಮಾಜಿ ಕ್ರಿಕೆಟಿಗ ಶಾಹಿದ್ ಅಫ್ರಿದಿ “ಆಲ್ ಟೈಮ್ ವರ್ಲ್ಡ್ಕಪ್’ ತಂಡವೊಂದನ್ನು ಪ್ರಕಟಿಸಿದ್ದು, ಇದರಲ್ಲಿ 5 ಮಂದಿ ಪಾಕಿಸ್ಥಾನದವರೇ ತುಂಬಿಕೊಂಡಿದ್ದಾರೆ.
ಕ್ರಿಕೆಟ್ ದಂತಕತೆ ಸಚಿನ್ ತೆಂಡುಲ್ಕರ್, ಮಹೇಂದ್ರ ಸಿಂಗ್ ಧೋನಿ ಈ ತಂಡದಲ್ಲಿಲ್ಲದಿರುವುದು ಅಚ್ಚರಿ. ಹಾಗೆಯೇ ಪಾಕಿಸ್ಥಾನಕ್ಕೆ ಮೊದಲ ಹಾಗೂ ಏಕೈಕ ವಿಶ್ವಕಪ್ ತಂದಿತ್ತ ಇಮ್ರಾನ್ ಖಾನ್ ಅವರನ್ನೂ ಕಡೆಗಣಿಸಲಾಗಿದೆ. ಸಚಿನ್ 6 ವಿಶ್ವಕಪ್ ಪಂದ್ಯಾವಳಿಯಲ್ಲಿ 44 ಇನ್ನಿಂಗ್ಸ್ ಗಳಿಂದ 2,278 ರನ್ ಪೇರಿಸಿದ್ದಾರೆ. ಇದರಲ್ಲಿ 6 ಶತಕ, 16 ಅರ್ಧ ಶತಕ ಸೇರಿದೆ.
ಧೋನಿ ಭಾರತಕ್ಕೆ 2ನೇ ಸಲ ವಿಶ್ವಕಪ್ ತಂದಿತ್ತ ತಂಡದ ಕಪ್ತಾನನಾಗಿದ್ದರು. ಇಮ್ರಾನ್ ಖಾನ್ 1992ರ ವಿಶ್ವಕಪ್ನಲ್ಲಿ ಪಾಕಿಸ್ಥಾನವನ್ನು ಚಾಂಪಿಯನ್ ಪಟ್ಟಕ್ಕೇರಿಸಿದ್ದರು.
ಅಫ್ರಿದಿ ತಂಡ
ಸಯೀದ್ ಅನ್ವರ್, ಆ್ಯಡಂ ಗಿಲ್ಕ್ರಿಸ್ಟ್, ರಿಕಿ ಪಾಂಟಿಂಗ್, ವಿರಾಟ್ ಕೊಹ್ಲಿ, ಇಂಝಮಾಮ್ ಉಲ್ ಹಕ್, ಜಾಕ್ ಕ್ಯಾಲಿಸ್, ವಾಸಿಂ ಅಕ್ರಮ್, ಗ್ಲೆನ್ ಮೆಗ್ರಾಥ್, ಶೇನ್ ವಾರ್ನ್, ಶೋಯಿಬ್ ಅಖ್ತರ್, ಸಕ್ಲೇನ್ ಮುಷ್ತಾಕ್.