![1-kanwar-msid](https://www.udayavani.com/wp-content/uploads/2024/07/1-kanwar-msid-415x233.jpg)
Taiwan Open: ಜಾವೆಲಿನ್ ಚಿನ್ನ ಗೆದ್ದ ಕರ್ನಾಟಕದ ಡಿ.ಪಿ. ಮನು
Team Udayavani, Jun 1, 2024, 10:55 PM IST
![1-aasa](https://www.udayavani.com/wp-content/uploads/2024/06/1-aasa-620x348.jpg)
ತೈಪಿ (ತೈವಾನ್): ಕರ್ನಾಟಕದ ಡಿ.ಪಿ. ಮನು “ತೈವಾನ್ ಓಪನ್’ ಕೂಟದ ಜಾವೆಲಿನ್ ಎಸೆತದಲ್ಲಿ ಚಿನ್ನದ ಪದಕ ಜಯಿಸಿದ್ದಾರೆ. ಶನಿವಾರದ ಸ್ಪರ್ಧೆಯಲ್ಲಿ ಅವರು 81.58 ಮೀಟರ್ಗಳ ಗರಿಷ್ಠ ದೂರ ದಾಖಲಿಸಿದರು.
ಏಷ್ಯನ್ ಆ್ಯತ್ಲೆಟಿಕ್ಸ್ ಚಾಂಪಿಯನ್ಶಿಪ್ನಲ್ಲಿ ಬೆಳ್ಳಿ ಪದಕ ಜಯಿಸಿದ್ದ ಮನು, ತಮ್ಮ ಕೊನೆಯ ಎಸೆತದಲ್ಲಿ ಈ ದೂರವನ್ನು ದಾಖಲಿಸಿದರು. ಮನು ಅವರ ಆರಂಭಿಕ ಎಸೆತ 78.32 ಮೀ. ಆಗಿತ್ತು. ದ್ವಿತೀಯ ಎಸೆತ 76.80 ಮೀಟರ್ಗಳಿಗೆ ಕುಸಿಯಿತು. ಆದರೆ ಇಲ್ಲಿಂದ ಮುಂದೆ ಪ್ರಗತಿ ಕಾಣುತ್ತ ಹೋದರು. 3ನೇ ಎಸೆತದಲ್ಲಿ 80.59 ಮೀ., 5ನೇ ಎಸೆತದಲ್ಲಿ 81.52 ಮೀ. ದೂರ ದಾಖಲಿಸಿದರು.
ಆದರೆ ಈ ಸಾಧನೆ ಎನ್ನುವುದು ಅವರ ವೈಯಕ್ತಿಕ ಹಾಗೂ ಸೀಸನ್ ದಾಖಲೆಗಿಂತ ಹಿಂದುಳಿದಿದೆ. ಮನು ಅವರ ಅತ್ಯುತ್ತಮ ಸಾಧನೆ 84.35 ಮೀ. ಆಗಿದೆ. ಈ ಸೀಸನ್ನಲ್ಲಿ 82.06 ಮೀ. ದಾಖಲಿಸಿದ್ದರು. ಇದು ಭುವನೇಶ್ವರದಲ್ಲಿ ನಡೆದ ಕಳೆದ “ಫೆಡರೇಶನ್ ಕಪ್’ನಲ್ಲಿ ದಾಖಲಾಗಿತ್ತು. ಅಲ್ಲಿ ಇವರು ದ್ವಿತೀಯ ಸ್ಥಾನಿಯಾಗಿದ್ದರು. ಒಲಿಂಪಿಕ್ ಚಾಂಪಿ ಯನ್ ನೀರಜ್ ಚೋಪ್ರಾ ಚಿನ್ನ ಜಯಿಸಿದ್ದರು.
ತೈವಾನ್ ಓಪನ್ ಎನ್ನುವುದು ವರ್ಲ್ಡ್
ಆ್ಯತ್ಲೆಟಿಕ್ಸ್ ಕಾಂಟಿನೆಂಟಲ್ ಟೂರ್ ಬ್ರಾಂಝ್ ಮಟ್ಟದ ಕ್ರೀಡಾಕೂಟ ವಾಗಿದ್ದು, ಇಲ್ಲಿನ ಸಾಧನೆ ರ್ಯಾಂಕಿಂಗ್ ಅಂಕಗಳಿಗೆ ಅತ್ಯಂತ ಮಹತ್ವದ್ದಾಗಿದೆ.
ಸಿಕ್ಕಿಲ್ಲ ಪ್ಯಾರಿಸ್ ಅರ್ಹತೆ
ಡಿ.ಪಿ. ಮನು ಕಳೆದ ವರ್ಷದ ವಿಶ್ವ ಚಾಂಪಿಯನ್ಶಿಪ್ನಲ್ಲಿ 6ನೇ ಸ್ಥಾನಿಯಾಗಿದ್ದರು. ಇನ್ನೂ ಪ್ಯಾರಿಸ್ ಒಲಿಂಪಿಕ್ಸ್ಗೆ ಅರ್ಹತೆ ಸಂಪಾದಿಸಿಲ್ಲ. ಇಲ್ಲಿನ ಮಾನದಂಡ 85.50 ಮೀ. ಆಗಿದೆ. ನೀರಜ್ ಚೋಪ್ರಾ ಮತ್ತು ಕಿಶೋರ್ ಜೇನಾ ಈಗಾಗಲೇ ಪ್ಯಾರಿಸ್ ಒಲಿಂಪಿಕ್ಸ್ ಟಿಕೆಟ್ ಸಂಪಾದಿಸಿದ್ದಾರೆ.
ಟಾಪ್ ನ್ಯೂಸ್
![1-kanwar-msid](https://www.udayavani.com/wp-content/uploads/2024/07/1-kanwar-msid-415x233.jpg)
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.