ಏಕದಿನ ಸರಣಿಗೆ ಜಿಂಬಾಬ್ವೆ ತಂಡ ಪ್ರಕಟ; ಮರಳಿದ ಸಿಕಂದರ್ ರಜಾ, ರಿಯಾನ್ ಬರ್ಲ್

Team Udayavani, Mar 17, 2023, 4:43 PM IST

ಹರಾರೆ: ನೆದರ್ಲೆಂಡ್ಸ್ ವಿರುದ್ಧದ ಮೂರು ಪಂದ್ಯಗಳ ಏಕದಿನ ಸರಣಿಗೆ ಒಂದು ವಾರ ಮುಂಚಿತವಾಗಿ ಜಿಂಬಾಬ್ವೆ ಪೂರ್ಣ ಪ್ರಮಾಣದ ತಂಡವನ್ನು ಪ್ರಕಟಿಸಿದೆ. ಜಿಂಬಾಬ್ವೆಯ ಅನುಭವಿ ಸಿಕಂದರ್ ರಜಾ ಅವರು ತಮ್ಮ ಫ್ರಾಂಚೈಸಿ ಕ್ರಿಕೆಟ್ ನಿಂದ ರಾಷ್ಟ್ರೀಯ ತಂಡಕ್ಕೆ ಮರಳಿದ್ದಾರೆ, ಲೆಗ್ ಸ್ಪಿನ್ನಿಂಗ್ ಆಲ್-ರೌಂಡರ್ ರಿಯಾನ್ ಬರ್ಲ್ ಬಂದಿದ್ದಾರೆ.

ಇದಲ್ಲದೆ, ಸೀನ್ ವಿಲಿಯಮ್ಸ್, ತೆಂಡೈ ಚಟಾರಾ ಮತ್ತು ಬ್ಲೆಸ್ಸಿಂಗ್ ಮುಜರಬಾನಿ ಅವರು ಮೂರು ಪಂದ್ಯಗಳ ಏಕದಿನ ಸರಣಿಗೆ ಜಿಂಬಾಬ್ವೆ ತಂಡವನ್ನು ಸೇರಿದ್ದಾರೆ. ಮೂರು ಆಟಗಾರರು ಗಾಯಗಳ ಕಾರಣದಿಂದಾಗಿ ಫೆಬ್ರವರಿಯಲ್ಲಿ ನಡೆದ ವೆಸ್ಟ್ ಇಂಡೀಸ್ ವಿರುದ್ಧದ ತವರು ಟೆಸ್ಟ್ ಸರಣಿ ಕಳೆದುಕೊಂಡಿದ್ದರು.

ಇದನ್ನೂ ಓದಿ:ಆಸ್ಕರ್ ಸಮಾರಂಭದಲ್ಲಿ ನನಗೆ ದೊಡ್ಡ ಆಘಾತವಾಯಿತು: ಗುನೀತ್ ಮೊಂಗಾ ಹೇಳಿದ್ದೇನು?

ಏಕದಿನ ಪಂದ್ಯಗಳು ಹರಾರೆ ಸ್ಪೋರ್ಟ್ಸ್ ಕ್ಲಬ್‌ನಲ್ಲಿ ಮಾರ್ಚ್ 21, 23 ಮತ್ತು 25 ರಂದು ನಡೆಯಲಿದೆ. ಇದು ಐಸಿಸಿ ಕ್ರಿಕೆಟ್ ವಿಶ್ವಕಪ್ 2023 ಗೆ ನೇರ ಅರ್ಹತೆಗಾಗಿ ನಡೆಯುವ ಐಸಿಸಿ ಕ್ರಿಕೆಟ್ ವಿಶ್ವಕಪ್ ಸೂಪರ್ ಲೀಗ್‌ ನ ಭಾಗವಾಗಿದೆ.

ಜಿಂಬಾಬ್ವೆ ತಂಡ: ಗ್ಯಾರಿ ಬ್ಯಾಲೆನ್ಸ್, ರಿಯಾನ್ ಬರ್ಲ್, ಟೆಂಡೈ ಚಟಾರಾ, ಕ್ರೇಗ್ ಎರ್ವಿನ್ (ನಾಯಕ), ಬ್ರಾಡ್ಲಿ ಇವಾನ್ಸ್, ಇನ್ನೋಸೆಂಟ್ ಕೈಯಾ, ಕ್ಲೈವ್ ಮದಂಡೆ, ವೆಸ್ಲಿ ಮಾಧೆವೆರೆ, ತಡಿವಾನಾಶೆ ಮರುಮಣಿ, ವೆಲ್ಲಿಂಗ್ಟನ್ ಮಸಕಜಾ, ಬ್ರಾಂಡನ್ ಮಾವುಟಾ, ಬ್ರಾಂಡನ್ ಮಾವುತಾ, ಬ್ಲೆಸ್ಸಿಂಗ್ ಮುಜರಬಾನಿ, ರಿಚರ್ಡ್ ನಾಗರವ, ಸಿಕಂದರ್ ರಜಾ, ಸೀನ್ ವಿಲಿಯಮ್ಸ್.