ದೋಷಿಯಾದ ಬೆನ್ನಲ್ಲೇ 4 ದಶಲಕ್ಷ ಡಾಲರ್ ಸಂಗ್ರಹ!
ಮುಂದಿನ ವರ್ಷದ ಚುನಾವಣೆಗೆ ಸ್ಪರ್ಧಿ ನಾನೇ ಎಂಬ ಸೂಚನೆಯೂ ರವಾನೆ
Team Udayavani, Apr 2, 2023, 7:25 AM IST
ವಾಷಿಂಗ್ಟನ್: ನೀಲಿಚಿತ್ರಗಳ ನಟಿ ಸ್ಟಾರ್ಮಿ ಡೇನಿಯಲ್ಸ್ಗೆ ಹಣ ಪಾವತಿ ಮಾಡಿದ ಪ್ರಕರಣದಲ್ಲಿ ದೋಷಿ ಎಂದು ಜ್ಯೂರಿಗಳಿಂದ ಘೋಷಣೆಗೊಂಡ ಬೆನ್ನಲ್ಲಿಯೇ ಅಮೆರಿಕದ ಮಾಜಿ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್, 4 ಮಿಲಿಯನ್ ಅಮೆರಿಕನ್ ಡಾಲರ್(32.80 ಕೋಟಿ ರೂ. ) ಮೊತ್ತ ಸಂಗ್ರಹಿಸಿದ್ದಾರೆ. ಒಟ್ಟು ಮೊತ್ತದ ಪೈಕಿ ಶೇ.25 ಮೊದಲ ಬಾರಿಗೆ ದೇಣಿಗೆ ಕೊಡುವವರಿಂದಲೇ ಸಂಗ್ರಹವಾಗಿದೆ ಎನ್ನುವುದು ಗಮನಾರ್ಹ.
ಇದರಿಂದಾಗಿ ರಿಪಬ್ಲಿಕನ್ ಪಕ್ಷದಲ್ಲಿ 2024ರ ಅಧ್ಯಕ್ಷೀಯ ಚುನಾವಣೆಯಲ್ಲಿ ಅಭ್ಯರ್ಥಿಯಾಗಲು ಅವರೇ ಸೂಕ್ತ ಎಂಬ ಸಂದೇಶವನ್ನೂ ಪಕ್ಷದ ಇತರ ಸ್ಪರ್ಧಾಕಾಂಕ್ಷಿಗಳಿಗೆ ರವಾನೆ ಮಾಡಿದಂತಾಗಿದೆ.
ಟ್ರಂಪ್ ಅವರಿಗೆ ತಳಮಟ್ಟದಿಂದಲೇ ಬೆಂಬಲ ಇರುವುದನ್ನು ಸಹಿಸಲಾಗದೆ ದೇಶದ ನ್ಯಾಯಾಂಗ ವ್ಯವಸ್ಥೆಯ ಮೂಲಕ ಅವರನ್ನು ಮಟ್ಟ ಹಾಕುವ ಪ್ರಯತ್ನ ನಡೆಸಲಾಗುತ್ತಿದೆ ಎಂದು ಮಾಜಿ ಅಧ್ಯಕ್ಷರ ಪ್ರಚಾರ ಸಮಿತಿ ಬಿಡುಗಡೆ ಮಾಡಿರುವ ಹೇಳಿಕೆಯಲ್ಲಿ ಆರೋಪಿಸಲಾಗಿದೆ. ದೇಶದ ಎಲ್ಲಾ 50 ಪ್ರಾಂತ್ಯಗಳಿಂದಲೂ ಅವರ ಪ್ರಚಾರಕ್ಕೆ ದೇಣಿಗೆ ಹರಿದು ಬರಲಾರಂಭಿಸಿದೆ ಎಂದು ಪ್ರತಿಪಾದಿಸಲಾಗಿದೆ.
ಟ್ರಂಪ್ಗೆ ಹೆದರುವುದಿಲ್ಲ:
ಇದೇ ವೇಳೆ, ಮಾಜಿ ಅಧ್ಯಕ್ಷರಿಗೆ ಹೆದರುವುದಿಲ್ಲ ಎಂದು ನೀಲಿ ಚಿತ್ರಗಳ ನಟಿ ಸ್ಟಾರ್ಮಿ ಡೇನಿಯಲ್ಸ್ ಹೇಳಿದ್ದಾರೆ. ಟ್ರಂಪ್ಗೆ ಏನಾದರೂ ಸಂಭವಿಸಿದಲ್ಲಿ ಅದರಿಂದ ಪ್ರತಿಕೂಲ ಪರಿಣಾಮ ಉಂಟಾಗಲಿದೆ ಎಂದೂ ಹೇಳಿದ್ದಾರೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Israel – Iran: ಕ್ಷಿಪಣಿ ದಾಳಿಯ ಮೂಲಕ ಸೇಡು ತೀರಿಸಿಕೊಂಡ ಇಸ್ರೇಲ್; ಎಚ್ಚರಿಕೆ ನೀಡಿದ ಇರಾನ್
Russia War: ಉಕ್ರೇನ್ ಮೇಲೆ ರಷ್ಯಾ ಭೀಕರ ದಾಳಿ-17 ಮಂದಿ ಮೃತ್ಯು; ನೆರವಿಗಾಗಿ ಮನವಿ
ನನ್ನ ಪತ್ನಿಗೆ ಏನಾದರೂ ಆದರೆ…: ಸೇನಾ ಮುಖ್ಯಸ್ಥರಿಗೆ ಎಚ್ಚರಿಕೆ ನೀಡಿದ ಇಮ್ರಾನ್ ಖಾನ್
Heavy Rain: ಮರಳುಗಾಡು ದುಬೈನಲ್ಲಿ ಧಾರಾಕಾರ ಮಳೆ, ಪ್ರವಾಹ ಪರಿಸ್ಥಿತಿ-ಜನಜೀವನ ಅಸ್ತವ್ಯಸ್ತ
Rain: ವರುಣನ ಆರ್ಭಟಕ್ಕೆ ನಲುಗಿದ ದುಬೈ… ವಿಮಾನ ನಿಲ್ದಾಣ ಜಲಾವೃತ, ಜನಜೀವನ ಅಸ್ತವ್ಯಸ್ಥ