ಲಸಿಕೆ ಹಾಕದವರು ಯಾವುದೇ ಸಾರ್ವಜನಿಕ ಸ್ಥಳಗಳಿಗೆ ತೆರಳುವಂತಿಲ್ಲ: ಇಮಾನ್ಯುವಲ್‌ ಮ್ಯಾಕ್ರನ್‌

Team Udayavani, Jan 5, 2022, 10:15 PM IST

ಪ್ಯಾರಿಸ್‌: ಕೊರೊನಾಕ್ಕೆ ಲಸಿಕೆ ಮತ್ತು ಮುಂಜಾಗೃತಾ ಕ್ರಮವೇ ಅಸ್ತ್ರ ಎಂದರೂ ಕೇಳದ ಜನರ ವಿರುದ್ಧ ಫ್ರಾನ್ಸ್‌ನ ಅಧ್ಯಕ್ಷ ಇಮಾನ್ಯುವಲ್‌ ಮ್ಯಾಕ್ರನ್‌ ಗುಡುಗಿದ್ದಾರೆ.

ಲಸಿಕೆ ಹಾಕಿಸಿಕೊಳ್ಳದವರನ್ನು ಇನ್ನುಮುಂದೆ ದೇಶದ ನಾಗರಿಕರ ಲೆಕ್ಕದಿಂದಲೇ ಹೊರಗಿಡಲಾಗುವುದು ಎಂದು ಹೇಳಿದ್ದಾರೆ. “ನಾನು ಲಸಿಕೆ ಹಾಕಿಸಿಕೊಳ್ಳದವರನ್ನು ಜೈಲಿಗೆ ಕಳುಹಿಸುವುದಿಲ್ಲ. ಒತ್ತಾಯ ಮಾಡಿ ಲಸಿಕೆ ಹಾಕಿಸುವುದೂ ಇಲ್ಲ.

ಇದನ್ನೂ ಓದಿ:ಕರ್ನಾಟಕದಲ್ಲಿ ವಿದ್ಯುತ್‌ ವಾಹನ ನೋಂದಣಿ ಪ್ರಮಾಣ ಶೇ.9

ಆದರೆ ಅವರು ಜ.15ರಿಂದ ಹೋಟೆಲ್‌, ರೆಸ್ಟೋರೆಂಟ್‌, ಸಿನಿಮಾ ಮಂದಿರ ಸೇರಿ ಯಾವುದೇ ಸಾರ್ವಜನಿಕ ಸ್ಥಳಗಳಿಗೆ ತೆರಳುವಂತಿಲ್ಲ. ಅವರನ್ನು ನಾವು ಲೆಕ್ಕದಿಂದ ಹೊರಗಿಡಲಿದ್ದೇವೆ’ ಎಂದು ಹೇಳಿದ್ದಾರೆ.

ಫ್ರಾನ್ಸ್‌ ಅಧ್ಯಕ್ಷರ ಮಾತುಗಳಿಗೆ ಪ್ರತಿಪಕ್ಷಗಳ ಮುಖಂಡರು ಆಕ್ಷೇಪ ಮಾಡಿದ್ದಾರೆ.