Germany ಆರ್ಥಿಕ ಹಿಂಜರಿತದ ನಂತರ ಸಿಂಗಾಪುರದಲ್ಲಿ ಆತಂಕ

Team Udayavani, May 26, 2023, 3:49 PM IST

ಸಿಂಗಾಪುರ: ಜರ್ಮನಿಯು ಆರ್ಥಿಕ ಹಿಂಜರಿತವನ್ನು ಪ್ರವೇಶಿಸಿದ ನಂತರ ಸಿಂಗಾಪುರದಲ್ಲಿಯೂ ‘ತಾಂತ್ರಿಕ ಹಿಂಜರಿತ’ದ ಭೀತಿ ಎದುರಾಗಿದೆ.

”ಜಾಗತಿಕ ಬೇಡಿಕೆಯಲ್ಲಿನ ನಿಧಾನಗತಿಯ ನಂತರ, ದೇಶದ ರಫ್ತು ದೃಷ್ಟಿಕೋನವು ದುರ್ಬಲಗೊಂಡಿದ್ದರಿಂದ, ಎರಡನೇ ತ್ರೈಮಾಸಿಕದಲ್ಲಿ ‘ತಾಂತ್ರಿಕ ಹಿಂಜರಿತ’ಕ್ಕೆ ಜಾರಿಬೀಳುವ ಆತಂಕವನ್ನು ಸಿಂಗಾಪುರ ಹೊಂದಿದೆ” ಎಂದು ಚಾನೆಲ್ ನ್ಯೂಸ್ ಏಷ್ಯಾ (ಸಿಎನ್‌ಎ) ಅರ್ಥಶಾಸ್ತ್ರಜ್ಞರನ್ನು ಉಲ್ಲೇಖಿಸಿ ವರದಿ ಮಾಡಿದೆ.

ಸಿಂಗಾಪುರದ ಆರ್ಥಿಕತೆಯೂ ಸಂಪೂರ್ಣವಾಗಿ ರಫ್ತು ಪ್ರಕ್ರಿಯೆಯ ಮೇಲೆ ಅವಲಂಬಿತವಾಗಿದೆ. 2023 ರಿಂದ ಜಾಗತಿಕ ಆರ್ಥಿಕ ಹಿಂಜರಿಕೆಯ ನಡುವೆ ಪರಿಣಾಮ ಬೀರಿದೆ ಎಂದು ಅರ್ಥಶಾಸ್ತ್ರಜ್ಞರು ಹೇಳಿದ್ದಾರೆ. ಸಿಂಗಾಪುರದ ಜಿಡಿಪಿ ಬೆಳವಣಿಗೆ ಮೇಲೆ ಪರಿಣಾಮ ಬೀರಿದೆ ಎಂದು ಹೇಳಲಾಗಿದೆ.