ಇಸ್ರೇಲ್ ಸರ್ಕಾರ ಪತನ; ನವೆಂಬರ್ನಲ್ಲಿ ಚುನಾವಣೆ
Team Udayavani, Jul 1, 2022, 6:30 AM IST
ಜೆರುಸಲೇಮ್: ಇಸ್ರೇಲ್ನ ಸಂಸತ್ ಅನ್ನು ಮತ್ತೆ ವಿಸರ್ಜಿಸಲಾಗಿದ್ದು, ಈ ನವೆಂಬರ್ನಲ್ಲಿ ಮತ್ತೂಮ್ಮೆ ಸಂಸತ್ ಚುನಾವಣೆ ನಡೆಸಲು ಅವಿರೋಧವಾಗಿ ಸಮ್ಮತಿಸಲಾಗಿದೆ. ವಿಶೇಷವೆಂದರೆ ಕಳೆದ ನಾಲ್ಕು ವರ್ಷಗಳಲ್ಲಿ ಐದನೇ ಬಾರಿ ಇಸ್ರೇಲ್ ಚುನಾವಣೆಗೆ ಸಿದ್ಧವಾಗಿದೆ!
ಶುಕ್ರವಾರ ಮಧ್ಯರಾತ್ರಿಯಿಂದ ವಿದೇಶಾಂಗ ಸಚಿವ ಯೈರ್ ಲಾಪಿಡ್ ಹಂಗಾಮಿ ಪ್ರಧಾನಿಯಾಗಿರಲಿದ್ದಾರೆ. ಅಲ್ಲಿಗೆ ಅವರು ಇಸ್ರೇಲಿನ 14ನೇ ಪ್ರಧಾನಿ ಎನಿಸಿಕೊಳ್ಳಲಿದ್ದಾರೆ. ಹಾಲಿ ಪ್ರಧಾನಿ ನಫ್ಟಾಲಿ ಬೆನ್ನೆಟ್ ಅವರು, ದೇಶದ ಅತ್ಯಂತ ಕಡಿಮೆ ಅವಧಿಯ ಪ್ರಧಾನಿ ಎನಿಸಿಕೊಂಡಿದ್ದಾರೆ. ಕಳೆದ ವರ್ಷದ ಜೂ.13ರಂದು ಅವರು ಪ್ರಧಾನಿಯಾಗಿ ಅಧಿಕಾರ ವಹಿಸಿಕೊಂಡಿದ್ದರು. ಈ ನಡುವೆ, ನ.1ರಂದು ನಡೆಯುವ ಸಂಸತ್ ಚುನಾವಣೆಯಲ್ಲಿ ಸ್ಪರ್ಧಿಸುವುದಿಲ್ಲ ಎಂದು ನಫ್ಟಾಲಿ ಬೆನ್ನೆಟ್ ಘೋಷಿಸಿದ್ದಾರೆ.
ಇಸ್ರೇಲ್ನಲ್ಲಿ ಬೆಂಜಮಿನ್ ನೆತನ್ಯಾಹು 12 ವರ್ಷ ಪ್ರಧಾನಿಯಾಗಿ ಸ್ಥಿರ ಸರ್ಕಾರ ನಡೆಸಿದ್ದರು. ಅವರನ್ನು ಆ ಸ್ಥಾನದಿಂದ ಇಳಿಸಿದ ನಂತರ ವಿವಿಧ ಪಕ್ಷಗಳು ಸೇರಿ ಸಮ್ಮಿಶ್ರ ಸರ್ಕಾರ ರಚಿಸಿಕೊಂಡವು. ಇದರಲ್ಲಿ ಅರಬ್ಬರಿಗೆ ಬೆಂಬಲ ನೀಡುವ ಪಕ್ಷವೂ ಸೇರಿದೆ. ಆದರೆ ಈ ಪಕ್ಷಗಳ ನಡುವೆ ಪದೇಪದೆ ಭಿನ್ನಮತ ತಲೆದೋರಿದ್ದರಿಂದ ಸರ್ಕಾರಗಳು ಉರುಳಿ ಮತ್ತೆಮತ್ತೆ ಚುನಾವಣೆ ನಡೆದಿವೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Kyrgyzstan; ಹೆಪ್ಪುಗಟ್ಟಿದ ಜಲಪಾತದಲ್ಲಿ ಸಿಲುಕಿ ಆಂಧ್ರದ ವಿದ್ಯಾರ್ಥಿ ಸಾವು
Kuala Lumpur; ಪರಸ್ಪರ ಡಿಕ್ಕಿ ಹೊಡೆದು ಪತನಗೊಂಡ ಕಾಪ್ಟರ್ಗಳು: 10 ಯೋಧರು ಸಾವು
Malaysia ನೌಕಾಪಡೆಯ 2 ಹೆಲಿಕಾಪ್ಟರ್ ಪತನ; 10 ಮಂದಿ ಮೃತ್ಯು, ಭಯಾನಕ ವಿಡಿಯೋ ಸೆರೆ
Taiwan ನಲ್ಲಿ ಸರಣಿ ಭೂಕಂಪ… ರಾತ್ರಿಯಿಡೀ ಮನೆಯಿಂದ ಹೊರಗುಳಿದ ಮನೆಮಂದಿ
US ಪೌರತ್ವ: ಭಾರತೀಯರಿಗೆ ದ್ವಿತೀಯ ಸ್ಥಾನ