Blackholeನಿಂದ ಹೊರಬಿದ್ದ ಭಾರೀ ಶಬ್ದ ನಾಸಾದಿಂದ ಸೆರೆ
Team Udayavani, Aug 22, 2022, 7:58 PM IST
ವಾಷಿಂಗ್ಟನ್: ನಮ್ಮ ಭೂಮಿಯ ಹೊರಗೆ ಸದ್ದು ಎಂಬುದು ಇದೆಯೇ? ಸಂಪೂರ್ಣ ನಿರ್ವಾತವೇ ಇರುವ ಅಂತರಿಕ್ಷದಲ್ಲಿ ಶಬ್ದ ಇರುವುದೇ? ಇದ್ದರೂ ಅದರ ತರಂಗಗಳು ಚಲಿಸಿ ನಮಗೆ ಕೇಳಿಸುವುದು ಸಾಧ್ಯವೇ?
ಸೌರವ್ಯೂಹದ ಹೊರಗೆ ಏನೇನಿದೆ, ಜೀವರಾಶಿ ಇದೆಯೇ ಎಂಬ ಕುತೂಹಲದಿಂದ ಬಾಹ್ಯಾಕಾಶದ ಆಳ-ಅಗಲಗಳನ್ನು ತಡಕಾಡುತ್ತಿರುವ ಅಮೆರಿಕದ ಬಾಹ್ಯಾಕಾಶ ಸಂಶೋಧನ ಸಂಸ್ಥೆ ನಾಸಾ ಸೋಮವಾರ ತನ್ನ ಟ್ವಿಟರ್ ಹ್ಯಾಂಡಲ್ನಲ್ಲಿ ಕುತೂಹಲಕಾರಿ ಟ್ವೀಟ್ ಒಂದನ್ನು ಮಾಡಿದೆ. ಅದರ ಜತೆಗೆ ಪರ್ಸಸ್ ಎಂಬ ಕೃಷ್ಣರಂಧ್ರ (ಬ್ಲ್ಯಾಕ್ಹೋಲ್)ನಿಂದ ಹೊರಡುತ್ತಿರುವ ಕೇಳಬಲ್ಲ ಸದ್ದಿನ ಆಡಿಯೋ ತುಣುಕನ್ನು ಅದು ಪೋಸ್ಟ್ ಮಾಡಿದೆ.
ಬಾಹ್ಯಾಕಾಶ ವಿಜ್ಞಾನದಲ್ಲಿ ಆಸಕ್ತಿ ಇಲ್ಲದವರೂ ಬೆರಗಾಗುವಂತಹ ಆಡಿಯೋ ಕ್ಲಿಪ್ ಇದು. ಪರ್ಸಸ್ ಕೃಷ್ಣರಂಧ್ರದಿಂದ ಹೊರಬಿದ್ದ ಸದ್ದನ್ನು ಸಂಗ್ರಹಿಸಿ ಕೇಳಬಹುದಾದ ಸ್ಥಿತಿಗೆ ತಂದು ಇಲ್ಲಿ ನೀಡಲಾಗಿದೆ. ಕೃಷ್ಣರಂಧ್ರಗಳ ಶೋಧ, ಅಧ್ಯಯನದ ಬಗೆಗೂ ಇದು ಹೊಸ ಒಳನೋಟವನ್ನು ನೀಡುವಂಥದ್ದು.
ಧ್ವನಿ ತುಣುಕಿನ ಜತೆಗೆ ನಾಸಾ ಪೋಸ್ಟ್ ಮಾಡಿರುವ ವಿವರಣೆ: “ಬಾಹ್ಯಾಕಾಶ ವಿಜ್ಞಾನಿಗಳು ಈ ಹಿಂದೆಯೇ ಗುರುತಿಸಿದ್ದ ಪರ್ಸಸ್ನಿಂದ ಹೊರಡುವ ಈ ಧ್ವನಿಯನ್ನು ಮೊತ್ತಮೊದಲ ಬಾರಿಗೆ ಸಂಗ್ರಹಿಸಿ ಕೇಳುವಂತೆ ಮಾಡಲಾಗಿದೆ. ಕೃಷ್ಣರಂಧ್ರದ ಕೇಂದ್ರದಿಂದ ಬಹಿರ್ಮುಖವಾಗಿ ಹೊರಡುತ್ತಿರುವ ಸದ್ದುಗಳಿವು’.
ಈ ಆಡಿಯೋ-ವೀಡಿಯೋ ಪುಟ್ಟದು ನಿಜ. ಆದರೆ ಕೇಳಿದವರು ಬೆಕ್ಕಸಬೆರಗಾಗಲೇ ಬೇಕು. ವೀಡಿಯೋ ಜತೆಗೆ ಅಡಿಬರಹವನ್ನೂ ನೀಡಲಾಗಿದೆ. ಬಾಹ್ಯಾಕಾಶದ ಬಹುಭಾಗ ನಿರ್ವಾತವೇ ಇರುವುದರಿಂದ ಅಲ್ಲಿ ಸದ್ದು ಉತ್ಪತ್ತಿಯಾಗುವುದಿಲ್ಲ ಎಂಬ ತಪ್ಪು ಕಲ್ಪನೆ ಇದೆ. ಗ್ಯಾಲಕ್ಸಿ ಕ್ಲಸ್ಟರ್ನಲ್ಲಿ ಎಷ್ಟು ಅನಿಲ ರಾಶಿ ಇದೆ ಎಂದರೆ ನಮಗೆ ನಿಜವಾದ ಸದ್ದನ್ನು ಹೆಕ್ಕಿತೆಗೆಯಲು ಸಾಧ್ಯವಾಗಿದೆ. ಅದನ್ನು ಧ್ವನಿವರ್ಧನೆಗೊಳಿಸಿ, ಇತರ ಡಾಟಾ ಜತೆಗೆ ಸಂಯೋಜಿಸಿ ಕೃಷ್ಣರಂಧ್ರವನ್ನು ಆಲಿಸಲು ಸಾಧ್ಯವಾಗುವಂತೆ ಮಾಡಿದ್ದೇವೆ ಎಂಬ ವಿವರಗಳಿವೆ.
ಆಗಸ್ಟ್ 22ರಂದು ನಾಸಾ ಪೋಸ್ಟ್ ಮಾಡಿದ ಈ ವೀಡಿಯೋ ಸಹಿತ ಟ್ವೀಟನ್ನು 61 ಲಕ್ಷ ಮಂದಿ ಅದೇ ದಿನ ಸಂಜೆಯ ವರೆಗೆ ವೀಕ್ಷಿಸಿದ್ದಾರೆ.
The misconception that there is no sound in space originates because most space is a ~vacuum, providing no way for sound waves to travel. A galaxy cluster has so much gas that we’ve picked up actual sound. Here it’s amplified, and mixed with other data, to hear a black hole! pic.twitter.com/RobcZs7F9e
— NASA Exoplanets (@NASAExoplanets) August 21, 2022
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Israel – Iran: ಕ್ಷಿಪಣಿ ದಾಳಿಯ ಮೂಲಕ ಸೇಡು ತೀರಿಸಿಕೊಂಡ ಇಸ್ರೇಲ್; ಎಚ್ಚರಿಕೆ ನೀಡಿದ ಇರಾನ್
Russia War: ಉಕ್ರೇನ್ ಮೇಲೆ ರಷ್ಯಾ ಭೀಕರ ದಾಳಿ-17 ಮಂದಿ ಮೃತ್ಯು; ನೆರವಿಗಾಗಿ ಮನವಿ
ನನ್ನ ಪತ್ನಿಗೆ ಏನಾದರೂ ಆದರೆ…: ಸೇನಾ ಮುಖ್ಯಸ್ಥರಿಗೆ ಎಚ್ಚರಿಕೆ ನೀಡಿದ ಇಮ್ರಾನ್ ಖಾನ್
Heavy Rain: ಮರಳುಗಾಡು ದುಬೈನಲ್ಲಿ ಧಾರಾಕಾರ ಮಳೆ, ಪ್ರವಾಹ ಪರಿಸ್ಥಿತಿ-ಜನಜೀವನ ಅಸ್ತವ್ಯಸ್ತ
Rain: ವರುಣನ ಆರ್ಭಟಕ್ಕೆ ನಲುಗಿದ ದುಬೈ… ವಿಮಾನ ನಿಲ್ದಾಣ ಜಲಾವೃತ, ಜನಜೀವನ ಅಸ್ತವ್ಯಸ್ಥ
MUST WATCH
ಹೊಸ ಸೇರ್ಪಡೆ
Lok Sabha Elections; ಮುಗಿದ ವೀಣಾ ಮುನಿಸು; ಕಾಂಗ್ರೆಸ್ ಈಗ “ಸಂಯುಕ್ತ’
High Court ಎಚ್ಡಿಕೆಗೆ ಮಹಿಳಾ ಆಯೋಗ ನೀಡಿದ್ದ ನೋಟಿಸ್ಗೆ ಹೈಕೋರ್ಟ್ ತಡೆ
Kanakagiri ದೇಗುಲಕ್ಕೆ ಬಂದಿದ್ದ ಕರಡಿ ಸೆರೆ ಹಿಡಿಯುವಾಗ ದಾಳಿ: ವೃದ್ಧ ಸಾವು
Mysuru: ಮೋದಿ ಕುರಿತು ಹಾಡು ಬರೆದ ಯೂಟ್ಯೂಬರ್ಗೆ ಹಲ್ಲೆ
Thirthahalli; ಬಿಜೆಪಿಯಿಂದ ಶ್ರೀಮಂತರ ಓಲೈಕೆ ; ಕಿಮ್ಮನೆ ರತ್ನಾಕರ್